Расширенный поиск
2 Августа 2025 года
Логин: Регистрация
Пароль: Забыли пароль?
Навигация
Словарь
  • Бек ашыкъгъан меннге джетсин, дегенди аракъы.
  • Хоншуну тауугъу къаз кёрюнюр, келини къыз кёрюнюр.
  • Ашына кёре табагъы, балына кёре къалагъы.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Тойгъан джерге джети къайт.
  • Къонакъ болсанг, ийнакъ бол.
  • Джаралыны джастыгъында сау ёлюр.
  • Онгсузну – джакъла, тенгликни – сакъла.
  • Сормай – алма, чакъырылмай – барма.
  • Тынгылагъан тынгы бузар.
  • Джумушакъ терекни къурт ашар.
  • Юй ишлеген балта эшикде къалыр.
  • Уллу сёзде уят джокъ.
  • Къаллай салам берсенг, аллай джууаб алырса.
  • Аз сёлешген, къайгъысыз турур.
  • Кийимни бичсенг, кенг бич, тар этген къыйын тюлдю.
  • Ёнгкюч къууана барыр, джылай келир.
  • Минг тенг да азды, бир джау да кёбдю.
  • Иги – алгъыш этер, аман – къаргъыш этер.
  • Арпа, будай – ащды, алтын, кюмюш а – ташды.
  • Байлыкъ адамны сокъур этер.
  • Байны оноуу, джарлыгъа джарамаз.
  • Кюн – узун, ёмюр – къысха.
  • Танг атмайма десе да, кюн къоярыкъ тюйюлдю.
  • Термилгенинги табмазса, кюлгенинге тюберсе.
  • Окъугъан озар, окъумагъан тозар.
  • Къарыусузгъа кюлме, онгсузгъа тийме.
  • Таукел тауну аудурур.
  • Сабийликде юретмесенг, уллу болса – тюзелмез.
  • Ач бёрюге мекям джокъ.
  • Къартны бурнун сюрт да, оноугъа тут.
  • Джерни букъусу кёкге къонмаз.
  • Сескекли кесин билдирир.
  • Акъылсызны джууукъгъа алма, акъыллыны кенгнге салма.
  • Джырчы джырчыгъа – къарнаш.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Джырчы ёлсе, джыры къалыр.
  • Аман адамны тепсинге олтуртсанг, къызынгы тилер.
  • Ётюрюкчюню шагъаты – къатында.
  • Тойгъан джерден туугъан джер игиди.
  • Зар адам ашынгы ашар, кесинги сатар.
  • Адамны джюреги нени кёрюрге сюйсе, кёзю да аны кёрюрге ёч болады.
  • Ачыу алгъа келсе, акъыл артха къалады.
  • Аджашхан тёгерек айланыр.
  • Ач, тоймам, дейди, тойгъан, ач болмам, дейди.
  • Бет бетге къараса, бет да джерге къарар.
  • Узун джолну барсанг, бюгюн келирсе, къысха джолну барсанг, тамбла келирсе.
  • Аллахха ийнаннган кишини, Аллах онгдурур ишин.
  • Биреуге аманлыкъны тилеме да, кесинге ашхылыкъны тиле.
  • Джогъун бар этген, барын бал этген.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии