Эльбрусоид :: Форум :: Къарачай-малкъар халкъны нарт сёзлери

Къайтырыкъ эшигинги, къаты уруб чыкъма.
Ишни ахырын ойламай, аллын башлама.
Чабар ат – джетген къыз.
Адебни адебсизден юрен.
Малны кют, джерни тюрт.
Тойгъандан сора, ашны сёкме.
Азыкълы ат арымаз, къатыны аман джарымаз.
Чомарт джарлы болмаз.
Ата Джуртун танымагъан, атасын да танымаз.
Махтаннган къыз, тойда джукълар.
Айтхан – тынч, этген – къыйын.
Баргъанынга кёре болур келгенинг.
Бал ашаргъа сюе эсенг, чибин ургъаннга тёз.
Иги адам абынса да, джангылмаз.
Ёлюк кебинсиз къалмаз.
Джашда акъыл джокъ, къартда къарыу джокъ.
Кёб джашагъан – кёб билир.
Огъурлуну сёзю – суу, огъурсузну сёзю – уу.
Чомартны къолу берекет.
Иги болса, тамадама – махтау, аман болса, меннге – айыб.
Ашхы адам – халкъ байлыгъы, ашхы джер – джашау байлыгъы.
Мен да «сен», дейме, сен да «кесим», дейсе.
Аллахха ийнаннган кишини, Аллах онгдурур ишин.
Къонакъ хазыр болгъанлыкъгъа, къонакъбай хазыр тюлдю.
Айырылгъанланы айю ашар, бёлюннгенлени бёрю ашар.
Ётген ёмюр – акъгъан суу.
Рысхы джалгъанды: келген да этер, кетген да этер.
Душманны тышы – акъ, ичи – къара.
Халкъгъа джарагъан, джарлы къалмаз.
Бозаны арты дауур болур.
Джарашыу сюйген – джалынчакъ.
Аууз сакълагъан – джан сакълар.
Тели турса – той бузар.
Ата – билек, ана – джюрек!
Таукел адам тау тешер.
Ачылгъан эт джабылыр, кёрген кёз унутмаз.
Бёрю да ач къалмасын, эчки да ашалмасын.
Джырчы джырчыгъа – къарнаш.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Насыб бютеу халкъны юлюшюдю.
Ышармагъан – кюлмез, кюлмеген – къууанчны билмез.
Чыкълы кюнде чыкъмагъан, чыкъса къуру кирмеген.
Окъдан джара эртде-кеч болса да бителир, сёз джара, ёмюрге къалыр.
Адам бла мюлк юлешмеген эсенг, ол адамны билиб бошагъанма, деб кесинги алдама.
Къызгъанчдан ычхыныр, мухардан ычхынмаз.
Алим болгъандан эсе, адам болгъан къыйынды.
Джети тилни билген джети кишиди.
Термилгенинги табмазса, кюлгенинге тюберсе.
Сескекли кесин билдирир.
Адамны сабийин сюйген джюреги, бычакъча, джитиди.

RSS

Къарачай-малкъар халкъны нарт сёзлери

всезнайка

Гость

#151

Джаратама0

28.03.2008 01:34:45

Хар сёзню орну бар.

Тил джюрекге джол ишлейди.

Тюз сез баргъан сууну тыяр.

Тили узунну намысы къысха.

Татлы сез-балдан татлы.

Сез къанатсыз учар.

Джол бла сёзню къыиыры джокъ.

Тилчиден кери бол.

Кёбню керген кеб билир.

Ата-билек, ана -джюрек.

Аман уугъа чыкъса, тауланы тубан басар.

Аман киши кеси юиюнде къонакъ.

Алгъанда джуукъ. бергенде-джау.

Айранны сюиген ийнек тутар

Сорвиголова Гость	#152 Джаратама0 28.03.2008 18:31:43 Айтхан тынч-этген къыйын Болджал ишни бёрю ашар Джахил болса анасы, Не билликди баласы?

всезнайка

Гость

#153

Джаратама0

28.03.2008 21:03:18

Билген билмегенни юретген адетди.
Биреуге кетюрген таягъынг кесинги башынга урур.
Бир кюн туугъан бир кюн ёлюр.
Бичгенде ашыкъма. тикгенде ашыкъ.
Ашыкъгъанны этеги бутуна чырмалыр.
Арбаз сайлама да. хоншу сайла.
Ат урмаз деме, ит къабмаз деме.
Аманга да игиге да оноусуз къатышма.
Аманны къуугъан аманлыкъ табар.
Акъыл сабырлыкъ берир

Девушка Гор Гость	#154 Джаратама0 03.04.2008 21:11:42 Эринчекге кюн узун Хар ишни да аллы къыйынды Келечиге тёре джокъ

Кергелен

Гость

#155

Джаратама0

04.04.2008 00:45:45

Малны аллыкъ болмасанъ, къуйругъундан тартма.

Малны ашсыз тутсанъ ,телюсюз къалырса.

Малы болмагъан джанлыдан къоркъмаз.

Мал кеб болса джуукъ кеб болур.

Мал елсе сюек къалыр, адам елсе иши къалыр.

добродушный кролик Гость	#156 Джаратама0 04.04.2008 01:10:42 Битлини эки тону болур, бирин кеси киер, бирина санга кийдирир[b][/b] смысл какой здесь ))))))что то не пойму))))))тонун къызгъанмай берирми дейди)))))))))

Девушка Гор

Гость

#157

Джаратама0

04.04.2008 12:47:43

добродушный кролик
Битлини эки тону болур, бирин кеси киер, бирина санга кийдирир[b][/b]
смысл какой здесь ))))))что то не пойму))))))тонун къызгъанмай берирми дейди
Огъай, сени да кесича аман бетден кёргюзюр дегенлигиди.

Кергелен Гость	#158 Джаратама0 04.04.2008 22:43:33 Эбинъ келсе эл бла ойна. Эбин табхан етмек табар. Эгизни насыбы да эгиз. Экеулен бир болса,тебедегин эндирир,джетеулен айры болса,арадагъын алдырыр.

всезнайка Гость	#159 Джаратама0 04.04.2008 23:36:18 *Тели турса-той бузар.*

Кергелен Гость	#160 Джаратама0 05.04.2008 00:02:08 Ишге юренсин къоллары, халкъ бла болсун джоллары. нарт сез.

Rambler79

Гость

#161

Джаратама0

05.04.2008 12:30:47

Я просто поражаюсь сходству моего языка с вашим, в том числе в плане поговорок и пословиц. Слов нет. Ну на 90 проц. сходство.

Прошу простить, позвольте и мне написать пару
Ерте турган еркектин ырысы артык
Ерте турган айелдин бир иси артык
(Кто рано встает, тому Бог подает)
Мужчина рано встанет-за день совершит хоть на одну больше удачных ходов
Женщина раньше встанет- за день закончить хоть на одну больше дела по хозяйству

Ерди намыс олтирер (Ер-мужик, джигит; намыс-совесть; олтирер-убьет)
Коянды камыс олтирер(Коянды-заяца; камыс-камыш;олтирер-убьет)

Баска бале тилден (мой язык-мой враг)

всезнайка

Гость

#162

Джаратама0

05.04.2008 12:37:16

Rambler79

Я просто поражаюсь сходству моего языка с вашим, в том числе в плане поговорок и пословиц. Слов нет. Ну на 90 проц. сходство.
Может, во времена репрессии научились, а? Наше старшее поколение до сих пор помнит казахский и киргизские языки. Наши языки все относятся к тюркоязычной группе, канишна схожи.

Къонакъны уллусу-гитчеси джокъду

Кергелен

Гость

#163

Джаратама0

05.04.2008 21:18:26

Чакъгъычсыз къуу къабынмаз, муджуралы киши абынмаз.
Чакъырмагъаннъа барма, чакъыргъандан къалма.
Чалсанъ - чалкъы, орсанъ -оракъ.
Чарсда алчыны эл кереди.
Чарыгъымы чыгы юзюлгенден эсе, бойнуму джиги юзюлсюн.

ооолеся Гость	#164 Джаратама0 05.04.2008 23:14:08 Атынъ аманнъа чыкъгъандан эсе джанынъ тамагъынъдан чыкъсын.

Кергелен Гость	#165 Джаратама0 06.04.2008 14:55:07 Чабакъ башындан чирийди. Чабакъны суудан алсанъ да суугъа къачар. Чабакъны джаны сууда. Чабакъ суудан чыкъмаз, бедене суугъа кирмез. Чабкъсыз келге къармакъ салгъанлыкъгъа чабакъ тутмазса.

всезнайка Гость	#166 Джаратама0 06.04.2008 20:11:53 Къарт болгъан джерде берекет болур, Сабий болгъан джерде оюн болур. Саилагъанга чий гырджын. Джашынгы кесинг юретмесенг, джашау юретир. Аз селешген къаигъысыз турур

Кергелен

Гость

#167

Джаратама0

06.04.2008 22:11:18

ИГИ адам абынса да джаннъылмаз.
ИГИ адам хайырын тийрмесе да заранын тийирмез.
ИГИ ге айтсанъ билир, аманнъа айтсанъ кюлюр.
ИГИ алаша къарт болса ,къаргъалагъа джеймиш болур.
ИГИ алманы къурт ашар.

всезнайка Гость	#168 Джаратама0 07.04.2008 20:27:44 Эл ауузу-элия. Кебге таш атма. Джангыз терек къынгыр есер. Джырына кёре эжиую. Хар сезню орну барды

7km Гость	#169 Джаратама0 07.04.2008 20:43:56 Эки чычхан суу ала

Кергелен Гость	#170 Джаратама0 07.04.2008 21:35:37 7km Эки чычхан суу ала Амма боза бишире, Акка отун тюшюре..... Чомартха АЛЛАХ да борчлуду. Чомарт бергенин айтмаз. Чомарт джарлы болмаз. Чомартны къолу берекет. Чомарт къонакъ юй иесин сыйлар.

всезнайка

Гость

#171

Джаратама0

07.04.2008 22:02:25

Эл тылпыуу тирмен айландырыр.

Къумурсхала джыиылсала пилни да джыгъадыла.

Джырчы-джырчыгъа къарнаш.

Сез-кюмюш, джыр -алтын.

Тюз сез баргъан сууну тыяр.

Билим сатылмаиды, окъуб табылады

Кебню керген-кеб билир.

Билимсиз иш бармаз.

Билим къая тешер.

Джаз ишлеген къыш ашар.

Иши джокъну сыиы джокъ.

Ишчи муратын ишинде керюр,
Мытыр а тюшюнде керюр.

Кергелен

Гость

#172

Джаратама0

07.04.2008 22:42:14

КЪайтыб кирир эшигинъи къаты уруб кетме.
КЪалым излеген къайгъы излейди.
КЪалым татхан--къызын сатхан.

КЪаз къйда , къуу къайда.

Къаз къаз бла негер.

КЪазанны ашы бошалса итни кефи бузулур.

КЪазан къазаннъа сени тюбюнъ къарады дей эди.

КЪазанны башы ачыкъ болса итге уят керек.

КЪазан къара болса да кеблени тойдурады.

КЪазанны къурутхан чолпу кибик.

КЪазанчы аман болса къазаны къайнамаз.

всезнайка Гость	#173 Джаратама0 07.04.2008 23:00:28 КЪазанны ашы бошалса итни кефи бузулур. мени елтюрюрге антмы этгенсе, хар ингир саиын бир зат аитыб

Кергелен Гость	#174 Джаратама0 07.04.2008 23:18:53 всезнайка СЕН елме ансы, москваны болгъан ити бюгече къырылыб чыкъсын.

всезнайка Гость	#175 Джаратама0 07.04.2008 23:28:36 Кергелен всезнайка СЕН елме ансы, москваны болгъан ити бюгече къырылыб чыкъсын. Оруслула итлери къырылсала. "День траура" этиб. все государственные флани приспущены этер эдиле.

	# Джаратама0

	# Джаратама0

Читают тему (гостей: 1)

Логин:
Пароль:
	Запомнить меня на этом компьютере

Забыли свой пароль?
Регистрация