- Сёз – кюмюш, джыр – алтын.
- Ётюрюкню башын керти кесер.
- Билимден уллу байлыкъ джокъду.
- Баланы адам этген анады.
- Хата – гитчеден.
- Этим кетсе да, сюегим къалыр.
- Атлыны кёрсе, джаяуну буту талыр.
- Джиби бир къат джетмей эди да, эки къат тарта эди.
- Нарт сёз къарт болмаз.
- Урунуу – насыбны анасы.
- Кёб джат да, бек чаб.
- Тура эдим джата, къайдан чыкъды хата?
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сёз къанатсыз учар.
- Уллу сёзде уят джокъ.
- Ач отунчуну ачыуу – бурнунда.
- Шайтан алдады, тюзлюк къаргъады.
- Рысхы – насыбха къор.
- Хар адамгъа кеси миннген тау кибик.
- Къазанны башы ачыкъ болса, итге уят керекди.
- Кюлме джашха – келир башха.
- Ауругъаннга – кийик саулукъ, джетген къызгъа – чилле джаулукъ.
- Иги болса, тамадама – махтау, аман болса, меннге – айыб.
- Къарнынг къанлынга кийирир.
- Дуния малгъа сатылма, кесингден телиге къатылма.
- Джыйырма къойну юч джыйырма эбзе кюте эди.
- Биреуге кёлтюрген таягъынг, кесинги башынга урур.
- Бичгенде ашыкъма, тикгенде ашыкъ.
- Ана – юйню кюн джарыгъы.
- Тау башында, тау болмаз, джангыз терек, бау болмаз.
- Аманнга алтын чыдамаз.
- Къызгъанчдан ычхыныр, мухардан ычхынмаз.
- Баргъанынга кёре болур келгенинг.
- Къарын къуру болса, джюрек уру болур.
- Окъумагъан сокъурду, сокъур ташха абыныр!
- Зарда марда джокъ.
- Ёпкелегенни ашы татлы болады.
- Билген билмегенни юретген адетди.
- Таугъа чыгъаллыкъ эсенг, тюзде къалма.
- Сабыр джетер муратха, сабырсыз къалыр уятха.
- Сакъалы текени да бар, мыйыгъы киштикни да бар.
- Иги адамны бир сёзю эки болмаз.
- Аз сёлеш, кёб ишле.
- Тыш элде солтан болгъандан эсе, кесинги элде олтан болгъан игиди!
- Аманны къуугъан, аманлыкъ табар.
- Кёзню ачылгъаны – иги, ауузну джабылгъаны – иги.
- Иги сёз – джаннга азыкъ, аман сёз башха – къазыкъ.
- Акъыллы башны – тили къысха.
- Тилсиз миллет джокъ болур.
- Кёзден кетген, кёлден да кетеди.
Келигиз, тил байлыгъыбызны сакълайыкъ!
|
Сюйюнчланы А
кЪАРАЧАЙЛЫЛА БЛА МАЛКЪАРЛЫЛАНЫ ТИЛЛЕРИНДЕ БИР БИРИН АНГЫЛАМАСЧА НЕНЧА СЕЗ БАРДЫ? |
|
|
|
|
|
Сюйюнчланы А
Багъалы, Азамат!!! Джаш тёлюню тенгликге, адамлыкъ шартлагъа юретген халда джазгъан назмуларыгъыз болурла??? |
|
|
|
|
|
Rassel
Эгечден туугъан, ана къарнашны сыйлагъанынг ючюн сау бол, сен менден эсе джашса, келиб кесинги танытсанг, ишингден хапар айтсанг мен да къууанырма. |
|
|
|
|
|
Девушка Гор
всезнайка Къайсы джаргъа айтханыгъыз ангылашынмай къалгъанды. Ссылкагъызны ачалмагъаныбыз себебли. Тюзетгенме халатымы. соруума джууаб табарма деб умутчума |
|
|
|
|
|
Сау болугъуз толу джууаб бергенигизге.Аллах атагъызны-анагъызны, къалгъан елгенлеригизни джандетли, сауларыгъызны даулетли этсин.
Бу фахму сизге кимден кечгенди? |
|
|
|
|
|
Rassel
Электрон адресинги джиберсенг, ушакъ этербиз. неда мени адресим 369200 Карачаевск ул. Орджоникидзе 11. |
|
|
|
|
|
Сюйюнчланы А
Аллах разы болсун Азамат! Этген муратыгъызны да джаратдым. Библиотеканы къураб башлайыкъ, Аллах джол берсе! |
|
|
|
|
|
Сюйюнчланы А
Туркиадан уллу салам. Ана джырыгызны менде бек джаратып тынглайма. |
|
|
|
|
|
|
|
|
|
|
|
|
|
|
|
|
|
|
||||
|
|
|
|||
Читают тему (гостей: 1)


