- Ишлемеген – тишлемез.
- Акъыллы эркиши атын махтар, акъылсыз эркиши къатынын махтар.
- Адамны сыфатына къарама, сёзюне къара.
- Ауузу бла къуш тута айланады.
- Айныгъанлы алты кюн, тогъайгъанлы тогъуз кюн.
- Адам къаллай бир ишленмесе, аллай бир кесин уллу кёреди.
- Ашхы адам – халкъ байлыгъы, ашхы джер – джашау байлыгъы.
- Ашха уста, юйюнде болсун
- Эркиши – от, тиширыу – суу.
- Дуния аламаты сен эсенг да, игиме деб айтма.
- Тил джюрекге джол ишлейди.
- Къызгъанчдан ычхыныр, мухардан ычхынмаз.
- Эм уллу байлыкъ – джан саулукъ.
- Айранын берсенг, челегин да къызгъанма.
- Ашда – бёрю, ишде – ёлю.
- Азыкъ аз болса, эртде орун сал.
- Аджалсыз ёлюм болмаз.
- Бет бетге къараса, бет да джерге къарар.
- Кийимни бичсенг, кенг бич, тар этген къыйын тюлдю.
- Ата Джуртун танымагъан, атасын да танымаз.
- Ачлыкъда тары гырджын халыуадан татлы.
- Ариу сёз аурууунгу алыр.
- Ашхы болсанг, атынг чыгъар, аман болсанг, джанынг чыгъар.
- Экеулен сёлеше тура эселе, орталарына барыб кирме.
- Суу да къайтады чыкъгъан джерине.
- Ёксюзню къалачы уллу кёрюнюр.
- Къонагъынгы артмагъын алма да, алгъышын ал.
- Урама да – ёледи, сатама да – келеди.
- «Ёгюз, джаргъа джууукъ барма, меннге джюк боллукъса», - дегенди эшек.
- Джаш къарыу бла кючлю, къарт акъыл бла кючлю.
- Ёзденликни кёбю ётюрюк.
- Къуру гыбыт бек дыгъырдар.
- Ёксюзню тилеги къабыл болур.
- Адеб джокъда, намыс джокъ.
- Чомарт бергенин айтмаз.
- Ауурну тюбю бла, дженгилни башы бла джюрюген.
- Мен да «сен», дейме, сен да «кесим», дейсе.
- Суу ичген шауданынга тюкюрме.
- Тёрде – темир таякълы, къаяда – чыпчыкъ аякълы.
- Эм ашхы къайын ана мамукъ бла башынгы тешер.
- Алгъанда – джууукъ, бергенде – джау.
- Илму – джашауну джолу.
- Чакъырылмай келген къонакъ сыйланмай кетер.
- Кёзню ачылгъаны – иги, ауузну джабылгъаны – иги.
- Байлыкъ келсе, акъыл кетер.
- Башы джабылгъан челекге, кир тюшмез.
- Зар адам ашынгы ашар, кесинги сатар.
- Ёгюзню мюйюзлери ауурлукъ этмейдиле.
- Джыйырма къойну юч джыйырма эбзе кюте эди.
- Кёрмегеннге кебек – танг, битмегеннге сакъал – танг.
Келигиз, тил байлыгъыбызны сакълайыкъ!
|
SOFIKOSHKA
Бек сюеме, тюз билгенсе!  |
|
|
|
|
|
Багъалы эгечле, къарнашла Азамат бир кесек арыгъаны себебли, солургъа бир кесек заман берейик. Ангылайма, сорууларыгъыз кёб болгъанын. Мени да бармакъларымы бир джазыкъсыныгъыз!
 |
|
|
|
|
Сиз да айыб этмегиз, разы болугъуз, алай болса да Асияны юсюнден джазгъаным бла байламлы энтда бир затчыкъны сорургъа кезюм къарайды: Эльбрусоидни къурагъан адамны да, анга болушханланы да, Эльбрусоидни тындыргъан джумушун да къалай кересиз? Сиз билгенден, Эльбрусоидни ресурслары бла къарачай-малкъар миллетни бирлешдирирге болурму, эм да башха миллетге хайырлы не зат джумушла тындырыргъа болур Эльбрусоидни сайтын хайырландырыргъа?|
Девушка Гор
Мени да бармакъларымы бир джазыкъсыныгъыз! Ийнек саугъандан а тынч болур?))))) |
|
|
|
|
|
Asya
Бек сау болугъуз! Бизге адресигизни билдирсегиз, мен джыр китабымы ийерме! Салам, эсенлик къарнашларыбызгъа, эгечлерибизге, тансыкълыкъ салам. Иш алгъышла. |
|
|
|
|
, мен да форумда алай джазгъанланы окъугъан эдим да эртдерек, аны ючюн соргъан эдим литература тилни юсюнден. Ансы Аллах сакъласын, меннге уа бек ариу да керюнедиле "цыпцыкъла" |
Сэстренка
сени юцюн айтмайма, бир кюн биреу бла даулашхан кибик этген эдим бу темагъа  ... |
|
|
|
|
|
Сэстренка
Бек магъаналы айтыуду. Мен бу сорууну, тенглериме алимлеге, джазыучулагъа билдирирме, сизге бирге джууаб этербиз! Сау болугъуз! |
|
|
|
|
|
Сюйюнчланы А
Къарачайда, Малкъарда школлада, университетледе хайырланнган окъуу грамматикаларын алып тенглешдиргенде уа къайсын тюзге санайсыз ? |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
||||
|
|
|
|||
Читают тему (гостей: 1)