- Бети къызарыучу адамны, джюреги харам болмаз.
- Тюз сёз баргъан сууну тыяр.
- Аджашханны ызындагъы кёреди, джангылгъанны джанындагъы биледи.
- Ачылгъан эт джабылыр, кёрген кёз унутмаз.
- Биреуге кёлтюрген таягъынг, кесинги башынга урур.
- Ауругъан – джашаудан умутчу.
- Биреуге аманлыкъ этиб, кесинге игилик табмазса.
- Чомартха Тейри да борчлуду.
- Нафысынгы айтханын этме, намысынгы айтханын эт.
- Эртде тургъан бла эртде юйленнген сокъуранмаз.
- Уллу къашыкъ эрин джыртар.
- Биреуню тёрюнден, кесинги эшик артынг игиди.
- Эринчекге кюн узун.
- Къонагъы джокъну – шоху джокъ.
- Къулакъдан эсе, кёзге ышан.
- Джаш къарыу бла кючлю, къарт акъыл бла кючлю.
- Аякъларынгы джууургъанынга кёре узат.
- Сёлеш деб шай берген, тохта деб, сом берген.
- Адеби болмагъан къыз – тузсуз хант.
- «Ёгюз, джаргъа джууукъ барма, меннге джюк боллукъса», - дегенди эшек.
- Къошда джокъгъа – юлюш джокъ.
- Башы джабылгъан челекге, кир тюшмез.
- Адам боллукъ, атламындан белгили болур.
- Ашхылыкъ джерде джатмайды, аманлыкъ суугъа батмайды.
- Суугъа – чабакъ, къаягъа – ыргъакъ.
- Асхат ашлыкъ сата, юйдегиси ачдан къата.
- Джылыгъа джылан илешир.
- Чыкълы кюнде чыкъмагъан, чыкъса къуру кирмеген.
- Суугъа – таянма, джаугъа – ийнанма.
- Экеулен сёлеше тура эселе, орталарына барыб кирме.
- Джырына кёре эжиую.
- Сакъламагъан затынга джолукъсанг, не бек къууанаса, не бек ачыйса.
- Ёксюзню тилеги къабыл болур.
- Сууда джау джокъ, кёб сёзде магъана джокъ.
- Бети – къучакълар, джюреги – бычакълар.
- Аманны эки битли тону болур, бирин сеннге кийдирир, бирин кеси киер.
- Алма терегинден кери кетмез.
- Къызгъанчдан ычхыныр, мухардан ычхынмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Тилсиз миллет джокъ болур.
- Суу кетер, таш къалыр.
- Сёз – кюмюш, джыр – алтын.
- Рысхы – насыбха къор.
- Ургъан суудан башынгы сакъла.
- Окъдан джара эртде-кеч болса да бителир, сёз джара, ёмюрге къалыр.
- Кюлме джашха – келир башха.
- Окъуусуз билим – джокъ, билимсиз кюнюнг – джокъ.
- Къарнынг ауруса, ауузунгу тый
- Джашынгы кесинг юретмесенг, джашау юретир.
- Окъуу – билимни ачхычы, окъуу – дунияны бачхычы.
Келигиз, тил байлыгъыбызны сакълайыкъ!
|
SOFIKOSHKA
Бек сюеме, тюз билгенсе!  |
|
|
|
|
|
Багъалы эгечле, къарнашла Азамат бир кесек арыгъаны себебли, солургъа бир кесек заман берейик. Ангылайма, сорууларыгъыз кёб болгъанын. Мени да бармакъларымы бир джазыкъсыныгъыз!
 |
|
|
|
|
Сиз да айыб этмегиз, разы болугъуз, алай болса да Асияны юсюнден джазгъаным бла байламлы энтда бир затчыкъны сорургъа кезюм къарайды: Эльбрусоидни къурагъан адамны да, анга болушханланы да, Эльбрусоидни тындыргъан джумушун да къалай кересиз? Сиз билгенден, Эльбрусоидни ресурслары бла къарачай-малкъар миллетни бирлешдирирге болурму, эм да башха миллетге хайырлы не зат джумушла тындырыргъа болур Эльбрусоидни сайтын хайырландырыргъа?|
Девушка Гор
Мени да бармакъларымы бир джазыкъсыныгъыз! Ийнек саугъандан а тынч болур?))))) |
|
|
|
|
|
Asya
Бек сау болугъуз! Бизге адресигизни билдирсегиз, мен джыр китабымы ийерме! Салам, эсенлик къарнашларыбызгъа, эгечлерибизге, тансыкълыкъ салам. Иш алгъышла. |
|
|
|
|
, мен да форумда алай джазгъанланы окъугъан эдим да эртдерек, аны ючюн соргъан эдим литература тилни юсюнден. Ансы Аллах сакъласын, меннге уа бек ариу да керюнедиле "цыпцыкъла" |
Сэстренка
сени юцюн айтмайма, бир кюн биреу бла даулашхан кибик этген эдим бу темагъа  ... |
|
|
|
|
|
Сэстренка
Бек магъаналы айтыуду. Мен бу сорууну, тенглериме алимлеге, джазыучулагъа билдирирме, сизге бирге джууаб этербиз! Сау болугъуз! |
|
|
|
|
|
Сюйюнчланы А
Къарачайда, Малкъарда школлада, университетледе хайырланнган окъуу грамматикаларын алып тенглешдиргенде уа къайсын тюзге санайсыз ? |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
||||
|
|
|
|||
Читают тему (гостей: 1)