- Ата Джуртун танымагъан, атасын да танымаз.
- Тюзню ётмеги тюзде къалса да, тас болмаз.
- Джашда акъыл джокъ, къартда къарыу джокъ.
- Уллу сёлешме да, уллу къаб.
- Чомарт къолда мал къалмаз.
- Кёкдеги болмаса, джердегин кёрмейди.
- Шекер бла туз – бир болмаз, ушамагъан – юй болмаз.
- Иги – алгъыш этер, аман – къаргъыш этер.
- Харам къарнашдан, халал тенг ашхы.
- Гугурук къычырмаса да, тангны атары къалмаз.
- Башы джабылгъан челекге, кир тюшмез.
- Кюлме джашха – келир башха.
- Билим – акъылны чырагъы.
- Ата – баланы уясы.
- Аман эсирсе, юйюн ояр.
- Ким бла джюрюсенг, аны кёзю бла кёрюнюрсе.
- Къонакъ хазыр болгъанлыкъгъа, къонакъбай хазыр тюлдю.
- Биреуню эскиси биреуге джангы болмайды.
- Нёгер болсанг, тенг бол, тенг болмасанг, кенг бол.
- Эл элде бирер малынг болгъандан эсе, бирер тенгинг болсун.
- Кютгени беш эчки, сызгъыргъаны уа, джерни джарады.
- Ач отунчуну ачыуу – бурнунда.
- Ачыу алгъа келсе, акъыл артха къалады.
- Кёзден кетген, кёлден да кетеди.
- Юйюнгден чыкъдынг – кюнюнгден чыкъдынг.
- Сёз – кюмюш, джыр – алтын.
- Бир абыннган – минг сюрюнюр.
- Сабий кёргенин унутмаз.
- Ашхы адам – халкъ байлыгъы, ашхы джер – джашау байлыгъы.
- Игиге айтсанг – билир, аманнга айтсанг – кюлюр.
- Этни да ашады, бетни да ашады.
- Алгъанда – джууукъ, бергенде – джау.
- Ашха уста, юйюнде болсун
- Рысхы – сют юсюнде кёмюк кибикди.
- Танг атмайма десе да, кюн къоярыкъ тюйюлдю.
- Сютден ауузу кюйген, суугъа юфгюре эди.
- Уллу сёзде уят джокъ.
- Къонакъ кёб келюучю юйню, къазаны отдан тюшмез.
- Таукел адам тау тешер.
- Ат да турмайды бир териде.
- Джуртун къоругъан озар.
- Ауругъанны сау билмез, ач къарынны токъ билмез.
- Терек ауса, отунчу – кёб.
- Бозаны арты дауур болур.
- Мал ёлсе, сюек къалыр, адам ёлсе, иши къалыр.
- Ашаса, ашамаса да, бёрюню ауузу – къан.
- Аман хансны – урлугъу кёб.
- Башсыз урчукъ тюзюне айланмаз.
- Ёзденликни джайгъан – джокълукъ.
- Баш болса, бёрк табылыр.
Келигиз, тил байлыгъыбызны сакълайыкъ!
|
SOFIKOSHKA
Бек сюеме, тюз билгенсе!  |
|
|
|
|
|
Багъалы эгечле, къарнашла Азамат бир кесек арыгъаны себебли, солургъа бир кесек заман берейик. Ангылайма, сорууларыгъыз кёб болгъанын. Мени да бармакъларымы бир джазыкъсыныгъыз!
 |
|
|
|
|
Сиз да айыб этмегиз, разы болугъуз, алай болса да Асияны юсюнден джазгъаным бла байламлы энтда бир затчыкъны сорургъа кезюм къарайды: Эльбрусоидни къурагъан адамны да, анга болушханланы да, Эльбрусоидни тындыргъан джумушун да къалай кересиз? Сиз билгенден, Эльбрусоидни ресурслары бла къарачай-малкъар миллетни бирлешдирирге болурму, эм да башха миллетге хайырлы не зат джумушла тындырыргъа болур Эльбрусоидни сайтын хайырландырыргъа?|
Девушка Гор
Мени да бармакъларымы бир джазыкъсыныгъыз! Ийнек саугъандан а тынч болур?))))) |
|
|
|
|
|
Asya
Бек сау болугъуз! Бизге адресигизни билдирсегиз, мен джыр китабымы ийерме! Салам, эсенлик къарнашларыбызгъа, эгечлерибизге, тансыкълыкъ салам. Иш алгъышла. |
|
|
|
|
, мен да форумда алай джазгъанланы окъугъан эдим да эртдерек, аны ючюн соргъан эдим литература тилни юсюнден. Ансы Аллах сакъласын, меннге уа бек ариу да керюнедиле "цыпцыкъла" |
Сэстренка
сени юцюн айтмайма, бир кюн биреу бла даулашхан кибик этген эдим бу темагъа  ... |
|
|
|
|
|
Сэстренка
Бек магъаналы айтыуду. Мен бу сорууну, тенглериме алимлеге, джазыучулагъа билдирирме, сизге бирге джууаб этербиз! Сау болугъуз! |
|
|
|
|
|
Сюйюнчланы А
Къарачайда, Малкъарда школлада, университетледе хайырланнган окъуу грамматикаларын алып тенглешдиргенде уа къайсын тюзге санайсыз ? |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
||||
|
|
|
|||
Читают тему (гостей: 1)