- Джырына кёре эжиую.
- Аз сёлешген, къайгъысыз турур.
- Ёмюрлюк шохлукъну джел элтмез.
- Айтхан – тынч, этген – къыйын.
- Уясында не кёрсе, учханында аны этер.
- Аурууну келиую тынч, кетиую – къыйын.
- Къонакъны къачан кетерин сорма, къачан келлигин сор.
- Къызны минг тилер, бир алыр.
- Термилгенинги табмазса, кюлгенинге тюберсе.
- Къошда джокъгъа – юлюш джокъ.
- Джумушакъ сёз къаты таякъны сындырыр.
- Ариу сёз – джаннга азыкъ, аман сёз – башха къазыкъ.
- Иги – алгъыш этер, аман – къаргъыш этер.
- Джаханимни кёрмей, джандетге кёл салмазса.
- Башланнган иш битер, къымылдагъан тиш тюшер.
- Башда акъыл болмаса, эки аякъгъа кюч джетер.
- Уллу атлама – абынырса, уллу къабма – къарылырса.
- Чакъырылгъанны аты, чакъырылмагъанны багъасы болур.
- Ёнгкюч къууана барыр, джылай келир.
- Абынмазлыкъ аякъ джокъ, джангылмазлыкъ джаякъ джокъ.
- Ачыкъ джюрекге джол – ачыкъ.
- Кёпюр салгъан кеси ётер, уру къазгъан кеси кетер.
- Киштикге къанат битсе, чыпчыкъ къалмаз эди.
- Джангыз терек къынгыр ёсер.
- Айранын берсенг, челегин да къызгъанма.
- Атадан ёксюз – бир ёксюз, анадан ёксюз – эки ёксюз.
- Ашарыкъда сайлагъаннга – чий гырджын.
- Адамны артындан къара сабан сюрме.
- Тил – кесген бычакъ, сёз – атылгъан окъ.
- Эри аманны, къатыны – аман.
- Кёз – сюйген джерде, къол – ауругъан джерде.
- Къайгъыны сюйген, къайгъы табар.
- Хансыз джомакъ болмаз.
- Ашхылыкъ джерде джатмайды, аманлыкъ суугъа батмайды.
- Игиге айтсанг – билир, аманнга айтсанг – кюлюр.
- Ариу джол аджал келтирмез.
- Таукел адам тау тешер.
- Аджал соруб келмез, келсе, къайтыб кетмез.
- Сормай – алма, чакъырылмай – барма.
- Иги джашны ышаны – аз сёлешиб, кёб тынгылар.
- Башсыз урчукъ тюзюне айланмаз.
- Билим насыб берир, билим джолну керир.
- Онгсузну – джакъла, тенгликни – сакъла.
- Сёз – кюмюш, джыр – алтын.
- Хар сёзню орну барды.
- Эки къатын алгъан – эки ташны ортасына башын салгъан.
- Джукъу тёшек сайламайды.
- Бетинги сатма, малынгы сат.
- Джауумдан сора, кюн кюйдюрюр, ётюрюкден сора, айыб кюйдюрюр.
- Чакъырылмагъан къонакъ – орунсуз.
Келигиз, тил байлыгъыбызны сакълайыкъ!
|
Сюйюнчланы А
кЪАРАЧАЙЛЫЛА БЛА МАЛКЪАРЛЫЛАНЫ ТИЛЛЕРИНДЕ БИР БИРИН АНГЫЛАМАСЧА НЕНЧА СЕЗ БАРДЫ? |
|
|
|
|
|
Сюйюнчланы А
Багъалы, Азамат!!! Джаш тёлюню тенгликге, адамлыкъ шартлагъа юретген халда джазгъан назмуларыгъыз болурла??? |
|
|
|
|
|
Rassel
Эгечден туугъан, ана къарнашны сыйлагъанынг ючюн сау бол, сен менден эсе джашса, келиб кесинги танытсанг, ишингден хапар айтсанг мен да къууанырма. |
|
|
|
|
|
Девушка Гор
всезнайка Къайсы джаргъа айтханыгъыз ангылашынмай къалгъанды. Ссылкагъызны ачалмагъаныбыз себебли. Тюзетгенме халатымы. соруума джууаб табарма деб умутчума |
|
|
|
|
|
Сау болугъуз толу джууаб бергенигизге.Аллах атагъызны-анагъызны, къалгъан елгенлеригизни джандетли, сауларыгъызны даулетли этсин.
Бу фахму сизге кимден кечгенди? |
|
|
|
|
|
Rassel
Электрон адресинги джиберсенг, ушакъ этербиз.  неда мени адресим 369200 Карачаевск ул. Орджоникидзе 11. |
|
|
|
|
|
Сюйюнчланы А
Аллах разы болсун Азамат! Этген муратыгъызны да джаратдым. Библиотеканы къураб башлайыкъ, Аллах джол берсе! |
|
|
|
|
|
Сюйюнчланы А
Туркиадан уллу салам. Ана джырыгызны менде бек джаратып тынглайма. |
|
|
|
|
|
|
|
|
|
|
|
|
|
|
|
|
|
|
||||
|
|
|
|||
Читают тему (гостей: 2)