- Чакъырылмагъан къонакъ къачан кетерин сормаз.
- Аджашханны ызындагъы кёреди, джангылгъанны джанындагъы биледи.
- Джолунга кёре – джюрюшюнг, джагъанга кёре – юлюшюнг.
- Айырылгъанланы айю ашар, бёлюннгенлени бёрю ашар.
- Ата – билек, ана – джюрек!
- Чакъырылгъанны аты, чакъырылмагъанны багъасы болур.
- Адам къыйынлыгъын кёлтюрюр, зауукълугъун кёлтюрмез.
- Терслик кетер, тюзлюк джетер.
- Экеу тутушса, биреу джыгъылыр.
- Ауругъаннга – кийик саулукъ, джетген къызгъа – чилле джаулукъ.
- Ётюрюкню къуйругъу – бир тутум.
- Ачлыкъда тары гырджын халыуадан татлы.
- Ашатыргъа иш – ашхы, ишлетирге аш – ашхы.
- Уясында не кёрсе, учханында аны этер.
- Акъыллы башны – тили къысха.
- Къулакъдан эсе, кёзге ышан.
- Биреу ашаб къутулур, биреу джалаб тутулур.
- Бал – татлы, балдан да бала – татлы.
- Ашхы болсанг, атынг чыгъар, аман болсанг, джанынг чыгъар.
- Айтхан – тынч, этген – къыйын.
- Сабийликде юретмесенг, уллу болса – тюзелмез.
- Аш иеси бла татлыды.
- Эркиши – от, тиширыу – суу.
- Ёлген эшек бёрюден къоркъмайды.
- Ачыу алгъа келсе, акъыл артха къалады.
- Кёзюнде тереги болгъан, чёбю болгъаннга кюле эди.
- Аз айтсам, кёб ангылагъыз.
- Элге къуллукъ этмеген, элге ие болмаз.
- Адамны артындан къара сабан сюрме.
- Иги – алгъыш этер, аман – къаргъыш этер.
- Уллу сёзде уят джокъ.
- Рысхы джалгъанды: келген да этер, кетген да этер.
- Ата Джуртуму башы болмасам да, босагъасында ташы болайым.
- Къарны аманнга къазан такъдырма, къолу аманнга от джакъдырма.
- Юй кюйдю да, кюйюз чыкъды, ортасындан тюйюш чыкъды.
- Сыфатында болмагъаны, суратында болмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Къууут – джелге, берне – бошха.
- Эте билген, этген этеди, эте билмеген, юретген этеди!
- Кёз – сюйген джерде, къол – ауругъан джерде.
- Тойгъан джерге джети къайт.
- Халкъны юйю – туугъан джери.
- Ашхы адам – халкъ байлыгъы, ашхы джер – джашау байлыгъы.
- Аманны тукъумуна къарама, игини тукъумун сорма.
- Иги болса, тамадама – махтау, аман болса, меннге – айыб.
- Джарашыу сюйген – джалынчакъ.
- Кесине оноу эте билмеген, халкъына да эте билмез.
- Кийимни бичсенг, кенг бич, тар этген къыйын тюлдю.
- Башсыз урчукъ тюзюне айланмаз.
- Тюзлюк тас болмайды.
Келигиз, тил байлыгъыбызны сакълайыкъ!
|
всезнайка
Эльбрусоидни Микоян шахарда бёлюмюнде ишлеген къызла, джашла! Бу ишни юсюнде ненча харифни джазгъан эсегиз Аллах аллай бир насыб берсин сизге. Сау бол, биргелей!  |
|
|
|
|
|
Девушка Гор
Амин Аллах! Ол кюнню сакълаб турлукъбуз  |
|
|
|
|
|
Девушка Гор
къанатлары болгъан адамча айланама Учуб кетерсе да  Кертда Къарачай -Черкесс республиканы халкъ поэти бла ушакъ этгенме деб!  |
|
|
|
|
|
турна сюрюуню башчысы джол кёргюзгенликге, хар турна кесини къанатларын къагъаргъа керекди
Бу сёзлени, мен англагъаннга кёре, бек уллу магъаналары барды |
|
|
|
|
|
Ванхельсинг
Бу сёзлени, мен англагъаннга кёре, бек уллу магъаналары барды Cен англаялгъан эсенг ол сёзлни, алай терен болмазмы магъаналары |
|
|
|
|
|
"Анам" деген джырына Азаматны мен да тынгыларыкъ эдим. Къайда табаргъа боллукъду аны. Къуру назмусун окъусам да разыма.
|
|
|
|
|
|
МИНГИ ТАУ
Салам алейкум алан да сен тизиб къойдунгда |
|
|
|
|
|
МИНГИ ТАУ
Джангылмайса, Сюйюнчланы Азаматны назмусуду бу. Къалай терен сагъыш эте биледи бу адам не? |
|
|
|
|
|
Экинчи назму да джыр болур тоба.
 Сау болсун, Азамат, къаллай ариу назмула джазгъанды аналагъа. Бу джырла "Эльбрусоидни" джырла болгъан галлереясында бармыдыла?  |
|
|
|
|
|
Акъыллычыкъ
Кесинг къараялмаймыса галереягъа, огъесе ким болса да джаздырыб берир дебми сакълайса? |
|
|
|
|
|
Акъыллычыкъ
Мышона "Ана" деген назмугъа джыр "Эльбрусоидни" "музыка" деген бёлюмюнде барды. Тынгылаб кёрюгюз, сокъуранныкъ тюлсюз! |
|
|
|
|
|
Девушка Гор
бек саубол, таулу къыз)) "сен"-нге кёчюб сёлешгеннге къалай дейсе?) Азаматны электрон адреси бар эсе, берсенг иги боллукъ эди - мен кичиме, биринчи джазар эдим |
|
|
|
|
|
Девушка Гор
Аруу кызчык Азаматга мени адресимиде бердингми? |
|
|
|
|
|
|
||||
|
|
|
|||
Читают тему (гостей: 6)