Войти на сайт
25 Июня 2026 года

 

  • Къайгъы тюбю – тенгиз.
  • Билимсиз иш бармаз.
  • Тик ёргени, тик энгишгеси да болады.
  • Уллу айтханны этмеген – уллаймаз.
  • Джаралыны джастыгъында сау ёлюр.
  • Байлыкъ болгъан джерде, тынчлыкъ джокъду.
  • Ашлыкъ – бюртюкден, джюн – тюкден.
  • Акъыллы эркиши атын махтар, акъылсыз эркиши къатынын махтар.
  • Атынг аманнга чыкъгъандан эсе, джанынг тамагъынгдан чыкъсын.
  • Къазанда болса, чолпугъа чыгъар.
  • Айырылмаз джууугъунга, унутмаз сёзню айтма.
  • Татлы сёз – балдан татлы.
  • Джюрекден джюрекге джол барды.
  • Адамны аты башхача, акъылы да башхады.
  • Айтхан – тынч, этген – къыйын.
  • Сыфатында болмагъаны, суратында болмаз.
  • Мени джылытмагъан кюн, меннге тиймесин!
  • Болджал ишни бёрю ашар.
  • Акъыл неден да кючлюдю.
  • Бир онгсуз адам адет чыгъарды, деб эштирик тюлсе.
  • Огъурлуну сёзю – суу, огъурсузну сёзю – уу.
  • Къартны сыйын кёрмеген, къартлыгъында сыйлы болмаз.
  • Айтхан сёзюне табылгъан.
  • Кесине гебен этелмеген, биреуге черен эте эди.
  • Сабыр джетер муратха, сабырсыз къалыр уятха.
  • Чакъырылгъанны аты, чакъырылмагъанны багъасы болур.
  • Уясында не кёрсе, учханында аны этер.
  • Къызын тута билмеген, тул этер, джашын тута билмеген, къул этер.
  • Эрни эр этерик да, къара джер этерик да, тиширыуду.
  • Къатыны харакетли болса, эри къымсыз болур.
  • Джырчы джырчыгъа – къарнаш.
  • Экеулен сёлеше тура эселе, орталарына барыб кирме.
  • Аллахха ийнаннган кишини, Аллах онгдурур ишин.
  • Адам къаллай бир ишленмесе, аллай бир кесин уллу кёреди.
  • Ишни ахырын ойламай, аллын башлама.
  • Аман эсирсе, юйюн ояр.
  • Сакъ юйюне сау барыр.
  • Джылкъыдан – ат чыгъар, тукъумдан – джаш чыгъар.
  • Ата – билек, ана – джюрек!
  • Ётюрюкню къуйругъу – бир тутум.
  • Мадар болса, къадар болур.
  • Билмезни кёзю кёрмез, этмезни къулагъы эшитмез.
  • Аш берме да, къаш бер.
  • Тили узунну, намысы – къысха.
  • Кюл тюбюндеги от кёрюнмейди.
  • Юйюнгден чыкъдынг – кюнюнгден чыкъдынг.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Бети бедерден, намыс сакълама.
  • Тамчы таш тешер.
  • Рысхы – сют юсюнде кёмюк кибикди.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 4 5 6 7 8 ... 62 След.
RSS
Келигиз, тил байлыгъыбызны сакълайыкъ!
 
#126
Джаратама0
21.02.2008 21:28:28
SOFIKOSHKA
Бек сюеме, тюз билгенсе!
 
 
 
#127
Джаратама0
21.02.2008 21:29:28
Азамат Алимович, оруслула айтханлай "провокационный вопросха" санамагъыз, алай болса да студентлеригизни юсюнден сорууума мониторгъа таймаздан битиб джууаб сакълайма - окъутхан сагъатыгъызда, эм да институтдан чачылгъандан сора да элден артыкъ фахмулулугъу бла, ана тилге артыкъ эс белгени бла, не да башха иги шарты бла эсигизде къалгъан студентле кимледиле? Джегетей ёзенден, Къарачай ёзенден - къайсыдан кебюрек фахмулу адам чыкъгъанды сиз билиб?
 
 
 
#128
Джаратама0
21.02.2008 21:31:04
Багъалы эгечле, къарнашла Азамат бир кесек арыгъаны себебли, солургъа бир кесек заман берейик. Ангылайма, сорууларыгъыз кёб болгъанын. Мени да бармакъларымы бир джазыкъсыныгъыз!
 
 
 
#129
Джаратама0
21.02.2008 21:39:03
Asya
Келдингми?) Хош кел! Кечге къалыб кетдинг да


Азамат Алимович , ма, бу къызны юсюнден айта эдим, Туркиядан къарачайлыланы юсюнден айтханымда башыракъда. Кеси да бюгюн ана тилни байрамы бла байламлы селешгенлеге къошулуб къалгъанча болмайын, хар кюнде да Эльбрусоидни форумунда ана тилнде джазгъанлай турады, Тюркде къарачайлыладан бизге хапар айтады.
Азамат Алимович, энди мен да бир кесек шошуракъ болайым, ансы кеб соруу бериб къойдум, башхалагъа ал бермейин айыблы болуб къалмайым. Сиз да айыб этмегиз, разы болугъуз, алай болса да Асияны юсюнден джазгъаным бла байламлы энтда бир затчыкъны сорургъа кезюм къарайды: Эльбрусоидни къурагъан адамны да, анга болушханланы да, Эльбрусоидни тындыргъан джумушун да къалай кересиз? Сиз билгенден, Эльбрусоидни ресурслары бла къарачай-малкъар миллетни бирлешдирирге болурму, эм да башха миллетге хайырлы не зат джумушла тындырыргъа болур Эльбрусоидни сайтын хайырландырыргъа?
 
 
 
#130
Джаратама0
21.02.2008 21:42:40
Девушка Гор

Мени да бармакъларымы бир джазыкъсыныгъыз!
Ийнек саугъандан а тынч болур?)))))
 
 
 
#131
Джаратама0
21.02.2008 21:43:22
всезнайка
оруслула айтханлай "провокационный вопросха" санамагъыз, алай болса да студентлеригизни юсюнден сорууума мониторгъа таймаздан битиб джууаб сакълайма - окъутхан сагъатыгъызда, эм да институтдан чачылгъандан сора да элден артыкъ фахмулулугъу бла, ана тилге артыкъ эс белгени бла, не да башха иги шарты бла эсигизде къалгъан студентле кимледиле? Джегетей ёзенден, Къарачай ёзенден - къайсыдан кебюрек фохмулу адам чыкъгъанды сиз билиб?
Бизни институтну бошагъанладан, мени бурунгу студентлеримден кёб ашхы устаз, журналист, эмда башха къуллукъчула бизни республикада, башха регионлада да ишлейдиле. Бурунгу студентлеримден талайын айтайым, Станислав Абдоков, Суюнова Насыпхан филология илмуланы доктору, философия илмуланы доктору, НИИ-ни доктору болуб ишлейди, Алийланы Тамара филология илмуланы докторуду, илмуланы кандидатлары - Батчаланы Алимурат, Хапаланы Светлана, Мамаланы Фатима, Эрикгенланы Фатима, дагъыда башхала. Устазладан республиканы дараджасында сыйлы атла алгъанла аз тюлдюле: Збарская Людмила, Россияны махтаулу устазы, Акъбайланы Халимат, Азаматланы Халимат - республиканы махтаулу устазлары... Алгъынгы студентлеримден 5-си Россияны президентини Грантларына тыйыншлы болгъандыла. Бизни юйдегиде ёсген джаш Олег техника илмуланы докторуду, профессор, къыз Татьяна филология илмуланы докторуду, профессорду. "Махтаулу журналистле" деген атха Джанкёзланы Махмут, Какушланы Хусей, Хубийланы Абухасан, Джазаланы Балуа д.а.к.
 
 
 
#132
Джаратама0
21.02.2008 21:53:25
Сюйюнчланы А
Да, Аллах онг берсе, кюч берсе, март айдан башлаб ол литературный кружокга да эс бёлюб башлайыкъ. Сизни оюмугъузгъа, эсигизге келген, бизни къолубуздан келлик, джангы зат болса айтыгъыз, баджарыргъа кюреширбиз! Сау болугъуз! Эм кыйын кюнюгюз ма бюгюнча, бизни сорууларыбызгъа джууаб бергенигиз болсун! Сизнича адамларыбыз миллетибизде да, къралда да кёб болсунла. Милетни юсюнде не муратыгъыз бар эсе кёзюгюз бла кёрюрча болугъуз! Аллах саулукъ берсин, къууанч кюнлеригизни кёб этсин! Ашхы, сау эсен кёрюшеик!
 
 
 
#133
Джаратама0
21.02.2008 21:59:05
всезнайка
Мени оюмума кёре, "Эльбрусоидни" иши таурухлада айтылгъан "Тейри джарыкъча" кёреме, "Эльбрусоид" кюзгюсю бла бютеу дунияны хапарлы этеди, миллетни интеллект дараджасын кёлтюреди, культура ангысын ёсдюреди, литература бла искусствосу бла танышдырады. Акъылман адамларын дуниягъа белгили этеди, ашхы адетлерин кенг джаяды, къысхача айтханда, Къарачай-Малкъар къаланы чырахтаныды, аны минарасыны азанчысыды. Ол себебден, биринчи болуб, дуниягъа миллетни атын айгъакълагъан быллай аламат орган болгъанына мен да къууанама, кесим да аны ишине маммат болургъа не джаны бла да болушургъа хазырма. "Эльбрусодни" тамадасына, Тоторкъулланы Алийге энчи бюсюреу этерге излейме. Россияда эм да башха джуртлада джашагъан таулуланы бирикдирирге керекди. "Бирликде - тирилик" деген джол бла. Алай а, турна сюрюуню башчысы джол кёргюзгенликге, хар турна кесини къанатларын къагъаргъа керекди, алай демеклик, хар ангылы таулу бу ишге юлюшюн къошаргъа керекди. Кёбню насыбы да кёб! Муратларыгъыз толсунла!
 
 
 
#134
Джаратама0
21.02.2008 22:02:27
Asya
Бек сау болугъуз! Бизге адресигизни билдирсегиз, мен джыр китабымы ийерме! Салам, эсенлик къарнашларыбызгъа, эгечлерибизге, тансыкълыкъ салам. Иш алгъышла.
 
 
 
#135
Джаратама0
21.02.2008 22:02:38
Багъалы Азамат Алимович! Аллах юйгюзден берекетин къурутмасын, Эльбрусоидге керти берекет бердигиз бюгюн. Ма, биз да бир талай адам болуб бир компьютерни тегерегине джыйылыб окъуйбуз джууабларыгъызны. Бек сау болугъуз, Аллах Сизге кеб саулукъ берсин, сизге къонакъбайлыкъ этген джашланы, къызланы да сыйлы къартларыбызны ышыгъын табыб турурлай насыб берсин Аллах!

Энди компьютерни аллындан къысталгъынчын, биир соруучугъуму джазаргъа бир кюрешеим. Бюгюн ана тилни байрамы болгъаны себебли, сорууум да ана тилге байламлыды. Эльбрусоид къуралгъанлы бери тохтай да джангырталгъанлай турады бир сез. Ол а неди десегиз, къарачай тил бла малкъар тилни башхалыгъы. Биз бир миллет болгъаныбызгъа ишегим джокъду. Амма, джазыуубуз башха некди, эм да селешгенибизде да башхалыкъ барды, ол а не ючюндю? Литература тилни (литературный язык) бирге келишдирирге деб оноу этиб къоймаймысыз, тилни джорукъчулары - джазыучула, ученыйле?
Сау болугъуз. Разы болугъуз.
 
 
 
#136
Джаратама0
21.02.2008 22:06:57
Сюйюнчланы А
Мен да бир провокация соруу сорайым : "Ц" диалектде сёлешгенлеге не кёзден къарайсыз ? Сорууну себеби недеди десегиз, форумда былай бюсюремегенца, оруслула айтханлай, бизни бахцабызгъа таш атаргъа базыннганла эсленип башлагъандыла ... Эриши эшитиледи, кёзге эриши кёрюнеди, литература тилде сёлешигиз деп юйретгенле бардыла... Сау болугъуз!
 
 
 
#137
Джаратама0
21.02.2008 22:08:27
турна сюрюуню башчысы джол кёргюзгенликге, хар турна кесини къанатларын къагъаргъа керекди

Азамат Алимович!
Къалай таб айтдыгъыз! Хар айтханыгъыз да - багъалы сез, ма бу уа Эльбрусоидчилеге девиз болурча сез! Мен аны "сууутмайын" эльбрусоидни афоризмлерине джетдиреим
 
 
 
#138
Джаратама0
21.02.2008 22:08:49
Сюйюнчланы А
Сизге не айтыга билмейме мени бек кууандырдыгыз Аллахта сизни кууандырсынг.
Мен Башхюйюк елденме Хюррийет Ерсойла айны еллибиз.Туркиага келгенмисиз? Адресими берейим. Бек сау болугуз.

SENA AYDOĞAN
Özlüce Mah.417.Sk.Doğan Sitesi A Blok No:30/14
Nilüfer-BURSA
 
 
 
#139
Джаратама0
21.02.2008 22:11:23
Эриши эшитиледи, кёзге эриши кёрюнеди, литература тилде сёлешигиз деп юйретгенле бардыла...
ёжик
Алдаууукъчуну шагъаты къатында дегенлей болмасын, мен да форумда алай джазгъанланы окъугъан эдим да эртдерек, аны ючюн соргъан эдим литература тилни юсюнден. Ансы Аллах сакъласын, меннге уа бек ариу да керюнедиле "цыпцыкъла" .
 
 
 
#140
Джаратама0
21.02.2008 22:11:29
няманюсечка
Табийгъат бла джамагъат шох джашаргъа керекдиле. Бизни джерибиз джандет мюйюшюдю, аны хауасын, байлыгъын сакъларгъа борчду. Мен бу темагъада чыгъармаларымда эс бёлюрге кюрешеме. "Заповедный край - Теберда, Домбай!" деген китабны басмаланганма, табийгъатны сакълауну темасы, мени назмуларымда, джырларымда, поэмаларымда айтылады. Бу китабда къарачайны ариу джерлери Теберда, Домбай, Архыз, Махар, таулары, суулары, кёллери, чегетлери, джаныуарлары, къанатлылары адам тилде сёлешедиле. Бурун нартладан бери да, таулула Ата джуртларын туугъан тыбырларын, къалаларын джакълаб келгендиле. Бюгюн биз бу сейирлик табийгъатны къорууламасакъ, хауа тюрленирге боллукъду. Мени аманатым сизге - бу китабны окъуб, кёлюгюзге келгенни айтсагъыз, бек разы боллукъ эдим.
 
 
 
#141
Джаратама0
21.02.2008 22:12:18
Сэстренка
сени юцюн айтмайма, бир кюн биреу бла даулашхан кибик этген эдим бу темагъа ...
 
 
 
#142
Джаратама0
21.02.2008 22:15:26
Сэстренка
Бек магъаналы айтыуду. Мен бу сорууну, тенглериме алимлеге, джазыучулагъа билдирирме, сизге бирге джууаб этербиз! Сау болугъуз!
 
 
 
#143
Джаратама0
21.02.2008 22:18:57
ёжик
Тилни диалектлерини барында джашаргъа эркинликлери барды. Саны уллу миллетледе да быллай болумла тюбейдиле. Алай а, джазма литература тил бир болургъа керекди, аны этерик алимле, сёз устала баш къошуб, проблеманы сюзерге керекдиле.
 
 
 
#144
Джаратама0
21.02.2008 22:23:30
Сюйюнчланы А
Къарачайда, Малкъарда школлада, университетледе хайырланнган окъуу грамматикаларын алып тенглешдиргенде уа къайсын тюзге санайсыз ?
 
 
 
#145
Джаратама0
21.02.2008 22:24:19
Мен бу бериуню бардыргъан журналистге Токъланы Фатимагъа (Девушка Гор) разылыгъымы билдиреме. Кесине да бир джангы назму атайма.

Алгъыш

Ариу десек, азлыкъ этер,
Айбат десек, ай батады.
Эки кёзюнг - эки илкер,
Къарамланы къаматады.

Къарачайны тейри къызы,
Сен Фатима - фахму тёбе,
Къаламынгы джарыкъ ызы
Джюреклеге джылыу тёге.

Тау адетле, тау адебле
Тефтеринге къонуш болуб,
Тёлюледен тёлюлеге
Айтылсынла алгъыш болуб.

Акъыл сёзню джый барын да
Кюбюрчекге, къойма артха;
Кюмюшден да, алтындан да
Багъалыды джамагъатха.
 
 
 
#146
Джаратама0
21.02.2008 22:26:55
ёжик
Къарачайда, Малкъарда школлада, университетледе хайырланнган окъуу грамматикаларын алып тенглешдиргенде уа къайсын тюзге санайсыз
Тюз айтасыз. Аланы юслеринден кесамат этер ючюн, китабланы тенглешдириб къараргъа керекди. Ол окъуу бёлюмлени борчларыды, ол ишге джазыучула да къошулургъа керекдиле.
 
 
 
#147
Джаратама0
21.02.2008 22:32:47
Сюйюнчланы А

Салам алейкум! Мен не къарачайлы, не малкъарлы тюлме, алай а бек сюйюб тилигизге юйрениб турама.Сизни назмуларыгъызны окъуй, азбарлай, тилге бек иги юйренникме деб кёлюме келеди
Бир кюн бир автографыгъызны аллыкъма
 
 
 
#148
Джаратама0
21.02.2008 22:33:24
Черкесск къалада, устазланы билимлерин есдюрген институтда , къарачай тилни кафедрасында Сиз башыракъда сагъынган сохталарыгъыз Мамаланы Фатима бла Батчаланы Али -Мурат ишлейдиле. Сиз аланы ишлерине не багъа берирге боллукъсуз?
 
 
 
#149
Джаратама0
21.02.2008 22:35:07
Багъалы джамагъат! Бизге соруу бергенлеге бюсюреу этебиз, энтда да быллай джыйылыула эте турур муратыбыз барды да, Аллах айтса, алагъа джетербиз! Миллетни джетишимлерине къууаннганланы саны ёсер деб ышанабыз! Бизни тепсибизни тёгерегинде джууукъ джерледен, узакъ джерледен келиб, юйлю болуб, бирге келлик кюнлеге оноу этерча ангыбыз да, кючюбюз да джетсин! Таукелге нюр джауар - таулула, таукел атлайыкъ , тамблагъы иги джашаугъа кёз ачайыкъ!
 
 
 
#150
Джаратама0
21.02.2008 22:50:52
Азамат Алимович ! Сау болугъуз бюгюн былайгъа келиб бизни сорууларыбызгъа джууаб бергенигизге. Келюбюз булутладан мийик болду. Аллах тутхан ишигизден къууандырсын, маджал сохтала буюрсун, аланы ичинде да алимле кеб болсунла. Къарачайны атын игилик бла, махтау бла аитдырырча . Миллетибиз миллетледен баш болсун. къарыулу болсун.Ана тилибиз да мындан ары джашнасын. аинысын. Басмадан кеб китаб чыкъсын ана тилибизде.Аллах къуру да къууанчлада тюбетсин, хар атламыгъыз онгуна болсун. Къысха заманны ичинде энтда тюбеширбиз деб ышанама.

Уллу Ата Джурт къазауатны заманында къыралыбызны эркинлиги ючюн ачы сермеш этгенигизни эсге ала, бу келе тургъан "Джуртну къоруулагъанланы" байрамы бла алгъышларым келеди. Аллах мындан ары къазауатны отун сынатмасын.Кеб джылланы узагъына мамырлыкъда джашар кюнлени ёлчелемей берсин.
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
Страницы: Пред. 1 ... 4 5 6 7 8 ... 62 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.