Войти на сайт
11 Мая 2026 года

 

  • Кесине оноу эте билмеген, халкъына да эте билмез.
  • Тенгинг джокъ эсе – изле, бар эсе – сакъла!
  • Джукъу тёшек сайламайды.
  • Уллу къашыкъ эрин джыртар.
  • Эки ойлашыб, бир сёлешген.
  • Этим кетсе да, сюегим къалыр.
  • Ашарыкъда сайлагъаннга – чий гырджын.
  • Кёзню ачылгъаны – иги, ауузну джабылгъаны – иги.
  • Окъуу – билимни ачхычы, окъуу – дунияны бачхычы.
  • Джангыз терек къынгыр ёсер.
  • Тойгъанлыкъ къойгъа джарашады.
  • Экеулен сёлеше тура эселе, орталарына барыб кирме.
  • Керек ташны ауурлугъу джокъ.
  • Къарнынг тойгъунчу аша да, белинг талгъынчы ишле.
  • Тамбла алтындан бюгюн багъыр ашхы.
  • Ат да турмайды бир териде.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Аджалсыз ёлюм болмаз.
  • Сёлеш деб шай берген, тохта деб, сом берген.
  • Кёлсюзден сёзсюз тууар.
  • Ашатыргъа иш – ашхы, ишлетирге аш – ашхы.
  • Ауругъанны сау билмез, ач къарынны токъ билмез.
  • Ёнгкюч къууана барыр, джылай келир.
  • Кёрмегеннге кебек – танг, битмегеннге сакъал – танг.
  • Дженгил джетерикме деб, узун джолну къоюб, къысхасын барма.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Кюл тюбюндеги от кёрюнмейди.
  • Ариу сёз – джаннга азыкъ, аман сёз – башха къазыкъ.
  • Къонакъ аз олтурур, кёб сынар.
  • Къаллай салам берсенг, аллай джууаб алырса.
  • Юре билмеген ит, къонакъ келтирир.
  • Биреуге аманлыкъ этиб, кесинге игилик табмазса.
  • Берекет берсин деген джерде, берекет болур.
  • Хар адамгъа кеси миннген тау кибик.
  • Эрине къаргъыш этген къатын, эрнин къабар.
  • Ишленмеген джаш – джюгенсиз ат, ишленмеген къыз – тузсуз хант.
  • Иги адамны бир сёзю эки болмаз.
  • Термилгенинги табмазса, кюлгенинге тюберсе.
  • Хар ишни да аллы къыйынды.
  • Арпа, будай – ащды, алтын, кюмюш а – ташды.
  • Кесинг сынамагъан затны, адамгъа буюрма.
  • Ачлыкъ отха секиртир.
  • Ач отунчуну ачыуу – бурнунда.
  • Тау башында, тау болмаз, джангыз терек, бау болмаз.
  • Нафысынгы айтханын этме, намысынгы айтханын эт.
  • От этилмеген джерден тютюн чыкъмайды.
  • Ишни ахырын ойламай, аллын башлама.
  • Джарлыны эшигин махтагъан джабар.
  • Тойгъан джерге джети къайт.
  • Уллу къазанда бишген эт, чий къалмаз.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 5 6 7 8 9 ... 62 След.
RSS
Келигиз, тил байлыгъыбызны сакълайыкъ!
 
#151
Джаратама0
21.02.2008 22:58:44
Эльбрусоидни Микоян шахарда бёлюмюнде ишлеген къызла, джашла!

Сиз да бек тиерсиз сау болугъуз.Тутхан ишигизден къууаныгъыз.Студентле окъууларын джетишимли бощаб. ишлегенле да миик дараджалагъа чыгъарча этсин Аллах.Бу ишни юсюнде ненча харифни джазгъан эсегиз . Аллах аллай бир насыб берсин сизге.
 
 
 
#152
Джаратама0
22.02.2008 00:05:38
Джамагъат, къалай игиди ана тилде сёлешген! Сизни билмейме, мен а уа джаратдым!
Талай сагъатны Сюйюнчланы Азамат бла сёлешиб келгеним ючюнмюдю, билмейме, къанатлары болгъан адамча айланама. Келигиз, быллай адамла бла тюбеше, аладан акъыл юрене турайыкъ!
 
 
 
#153
Джаратама0
22.02.2008 01:11:46
Сюйюнчланы А

Азамат, бсагъатда окъуй турама джууабыгъызны
мени электрон адресим - info-rassel@yandex.ru
сизни джашагъан джеригизни джаздым, сау болугъуз!
бек сакъларыкъма сизни письмогъузну!
 
 
 
#154
Джаратама0
22.02.2008 11:39:54
всезнайка
Эльбрусоидни Микоян шахарда бёлюмюнде ишлеген къызла, джашла!
Бу ишни юсюнде ненча харифни джазгъан эсегиз Аллах аллай бир насыб берсин сизге.

Сау бол, биргелей!
 
 
 
#155
Джаратама0
22.02.2008 16:46:41
Джамагъат, тюнене Азамат Алимовичге асыры кёб соруу берилгенинден, барысына да джууаб къайтаралмай къалгъанбыз, алайды да сан этмей къойгъаннга санамагъыз. Аллах айтса, кёб турмайын, сорууларыгъызгъа толу джууабла джазарыкъбыз!
 
 
 
#156
Джаратама0
22.02.2008 16:48:47
Девушка Гор
Амин Аллах! Ол кюнню сакълаб турлукъбуз
 
 
 
#157
Джаратама0
22.02.2008 17:02:59
Девушка Гор
къанатлары болгъан адамча айланама
Учуб кетерсе да Кертда Къарачай -Черкесс республиканы халкъ поэти бла ушакъ этгенме деб!
 
 
 
#158
Джаратама0
22.02.2008 18:01:21
Акъыллычыкъ
Учарыкъ тюлме къоркъма Учсам да айыб джокъду, Азамат Алимович кеси айтханча, бир талай замандан "Сюйюнчланы Азамат бла сёлешген эдим мен, анга къонакъгъа да барыуучан эдим" - деб махтанырыкъма!
 
 
 
#159
Джаратама0
22.02.2008 19:03:47
турна сюрюуню башчысы джол кёргюзгенликге, хар турна кесини къанатларын къагъаргъа керекди

Бу сёзлени, мен англагъаннга кёре, бек уллу магъаналары барды
 
 
 
#160
Джаратама0
22.02.2008 19:20:46
турна сюрюуню башчысы джол кёргюзгенликге, хар турна кесини къанатларын къагъаргъа керекди
Ванхельсинг
Пройдет много лет... люди будут повторять это выражение как крылатое выражение... и уже не вспомнят, что это было сказано про Тоторкулова Алия и эльбрусоидов... а то и вовсе забудут, что автором является сам Азамат Суюнчев!)
 
 
 
#161
Джаратама0
22.02.2008 21:31:58
Ванхельсинг
Бу сёзлени, мен англагъаннга кёре, бек уллу магъаналары барды

Cен англаялгъан эсенг ол сёзлни, алай терен болмазмы магъаналары
 
 
 
#162
Джаратама0
23.02.2008 15:28:21
Rassel
Электрон адресигизни Сюйюнчланы Азаматха джазыб бергенме, аны къууаннганын айтмайым да къояйым. "Джазаргъа керекди" - деб къалгъан эди. Сиз да аны таный эсегиз, джаза, саулугъун сора туругъуз. Аллай адамларыбыз миллетибизде кёб тюлдю. Аланы сыйларын биз, джаш адамла кёрюрге керекбиз!
 
 
 
#163
Джаратама0
23.02.2008 15:59:21
"Анам" деген джырына Азаматны мен да тынгыларыкъ эдим. Къайда табаргъа боллукъду аны. Къуру назмусун окъусам да разыма.
 
 
 
#164
Джаратама0
23.02.2008 17:23:28
Чтец
Cен англаялгъан эсенг ол сёзлни, алай терен болмазмы магъаналары
Энди Ванхельсинг береме десе кеси берир сеннге джуабын, алай а, башы джетсе, эслемегенча этиб къояр

Мени сагъыш этген бир зат барды былайда. Ванхельсингни акъылы терен эсе да, сай эсе да кесиникиди. Сени джазгъан а , Суюнчланы Азаматны сёзлерин хиликги этгенча болгъанды. Энди сени кёлюнге къалай келеди? Азамат Алимович сени акъылынга къалай дер, сай огъесе терен?
 
 
 
#165
Джаратама0
23.02.2008 18:01:12
Акъыллычыкъ
"Анам" деген джырына Азаматны мен да тынгыларыкъ эдим
Мен тынгылагъанма бу джыргъа. Кёб болмайын, ай чакълы бола болур, Черкесскийде Сюйюнчланы Азаматны 85 джыллыгъына аталыб байрам ингир болгъан эди. Анда бу джырны Хатуланы Халит джырлаб эшитгенме. Драмтеатрны уллу залында олтургъанланы барысыныда кёзлерине джыламукъ ургъан болур эди ол кюн. Керти ариу джырлагъан эди Халит.
 
 
 
#166
Джаратама0
23.02.2008 18:08:43
Акъыллычыкъ
Къуру назмусун окъусам да разыма.

Санга саугъагъа

Анам

Бауурунгда тогъуз ай бла тогъуз кюн
Солуб турду джюрегинг бла джюрегим.
Ма бюгюн да ауузумда акъ сютюнг,
Балдан атлы, джандан татлы, ой анам.

Джамчы этиб бизге къутас чачынгы,
Бизни ючюн чыммакъ этиб башынгы,
Сен тынгылы ашамайын ашынгы,
Балдан атлы, джандан татлы, ой анам.

Билеклеринг беш бешикни кёлтюрдю,
Джюз аджалдан бизни сакълаб ёсдюрдюнг,
Босагъангдан джашау джолгъа ётдюрдюнг,
Балдан атлы, джандан татлы, ой анам.

Къол аязда ийне бла оймагъынг,
Сабан ызда къолдан тюшмей орагъынг,
Иш юсюнде берч болуб он бармагъанг,
Балдан атлы, джандан татлы, ой анам.

Тюзде къалгъан атам тюше эсинге,
Урушда ёлген къарнашынг бла сёлеше,
Джангыз къызынг сау кёрюнюб тюшюнгде,
Балдан атлы, джандан татлы, ой анам.

Дунияда ненча миллет, ненча джан,
Ах, анадан сыйлы болмаз бир инсан,
Аурууунга мен излейим джан дарман,
Балдан атлы, джандан татлы, ой анам.


Мен борчуму бир кесегин тёлейим:
Илен табыб, сеннге балхам илейим,
Турна тутуб, санга къурман этейим,
Балдан атлы, джандан татлы, ой анам.

Акъ урса да бюгюн мени чачыма,
Туугъан кюнден бери сюйген джашынгма,
Къор болайым, анам, сени джанынга,
Балдан атлы, джандан татлы, ой анам.

Кючюм джетмейд сени ёлюмсюз этерге,
Болджал джетди айырылыб кетерге,
Аджал келди бизни сенсиз этерге,
Балдан атлы, джандан татлы, ой анам!
 
 
 
#167
Джаратама0
23.02.2008 19:28:23
"Ана" деген назмусуну юсюнден окъугъанымда, эсиме тюшдю, джангылмай эсем бу назмуда Сюйюнчланы Азаматныкъыды.
Ана
Джокъдан бюртюк, бар этиб,
Бауурунгда кёлтюрюб,
Анам, бизни ёсдюрдюнг,
Акъ сютюнгю ичириб.

Суу агъачынг бойнунгда,
Сени урчугъунг къолунгда,
Кёзюнг къыймай сен бизни
Тюшюрюрге къойнунгдан.

Балаларынг ауруса,
Сен кюлмейин, ышармай,
Кесинг къараб кече, кюн,
Башхалагъа ышанмай.

Къыйын кюнде тыбырда
Отубузну джандырдынг,
Юйюбюзню сакъладынг,
Джюрегинг бла джылытыб.

Халибизге къайгъырыб,
Сескеклениб, сакъ болуб,
Къара чачынг кёзюусюз
Бизни ючюн акъ болуб.

Джашау уллу тенгизди,
Ол тенгизден ёталмай,
Сени кёлюнг бичгенча,
Биз да тамам эталмай.

Заман чабыб, ой анам,
Биз да сюрюб джеталмай.
Джашау кетиб барады,
Сени разы эталмай.

Мени ургъан джюрегим -
Сени джюрек кесегинг,
Кече кюн да тилегим:
Узакъ болсун ёмюрюнг.
 
 
 
#168
Джаратама0
23.02.2008 19:47:25
МИНГИ ТАУ
Салам алейкум алан да сен тизиб къойдунгда
 
 
 
#169
Джаратама0
23.02.2008 20:34:02
МИНГИ ТАУ
Джангылмайса, Сюйюнчланы Азаматны назмусуду бу. Къалай терен сагъыш эте биледи бу адам не?
 
 
 
#170
Джаратама0
23.02.2008 21:01:52
Экинчи назму да джыр болур тоба. Сау болсун, Азамат, къаллай ариу назмула джазгъанды аналагъа. Бу джырла "Эльбрусоидни" джырла болгъан галлереясында бармыдыла?
 
 
 
#171
Джаратама0
23.02.2008 21:42:49
Акъыллычыкъ
Кесинг къараялмаймыса галереягъа, огъесе ким болса да джаздырыб берир дебми сакълайса?
 
 
 
#172
Джаратама0
23.02.2008 22:13:23
Акъыллычыкъ
Мышона
"Ана" деген назмугъа джыр "Эльбрусоидни" "музыка" деген бёлюмюнде барды. Тынгылаб кёрюгюз, сокъуранныкъ тюлсюз!
 
 
 
#173
Джаратама0
23.02.2008 22:18:12
Девушка Гор
бек саубол, таулу къыз))
"сен"-нге кёчюб сёлешгеннге къалай дейсе?)

Азаматны электрон адреси бар эсе, берсенг иги боллукъ эди - мен кичиме, биринчи джазар эдим
 
 
 
#174
Джаратама0
23.02.2008 22:26:49
Rassel
"сен"-нге кёчюб сёлешгеннге къалай дейсе?)

Азаматны электрон адресин, тюзюн айтсам, кесим да билмейме. Тамбла къонакъгъа барлыкъма, китабла алгъан эдим окъургъа, адресни сора келирме болсунму?
 
 
 
#175
Джаратама0
23.02.2008 22:44:01
Девушка Гор
Аруу кызчык Азаматга мени адресимиде бердингми?
 
 
 
#
Джаратама0
 
 
 
Страницы: Пред. 1 ... 5 6 7 8 9 ... 62 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.