Эльбрусоид :: Форум :: Келигиз, тил байлыгъыбызны сакълайыкъ!

Ауузу бла къуш тута айланады.
Ауругъаннга – кийик саулукъ, джетген къызгъа – чилле джаулукъ.
Татлы сёз – балдан татлы.
Акъыл неден да кючлюдю.
Джан саулукъ бермей, сан саулукъ бермезсе.
Ёксюзню тилеги къабыл болур.
Халкъны джырын джырласанг, халкъ санга эжиу этер.
Айранны сюйген, ийнек тутар.
Тёгюлген тюгел джыйылмайды.
Байлыкъдан саулукъ ашхыды.
Бетинги сатма, малынгы сат.
Ач, тоймам, дейди, тойгъан, ач болмам, дейди.
Джашны джигитлиги сорулур, къызны джигерлиги сорулур.
Хар сёзню орну барды.
Баргъанынга кёре болур келгенинг.
Суу да къайтады чыкъгъан джерине.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Адам къыйынлыгъын кёлтюрюр, зауукълугъун кёлтюрмез.
Къартны сыйын кёрмеген, къартлыгъында сыйлы болмаз.
Джарлы тюеге минсе да, ит къабар.
Айраннга суу къош, телиге джол бош.
Аш иеси бла татлыды.
Шекер бла туз – бир болмаз, ушамагъан – юй болмаз.
Ач бёрюге мекям джокъ.
Махтаннган къыз, тойда джукълар.
Тюзлюк шохлукъну бегитир.
Джетген къыз джерли эшекни танымаз.
Ауругъанны сау билмез, ач къарынны токъ билмез.
Тойгъа алгъа да барма, тойда артха да къалма.
Джаш болсун, къыз болсун, акъылы, саны тюз болсун.
Суугъа – таянма, джаугъа – ийнанма.
Ариу сёзде ауруу джокъ.
Къайгъы тюбю – тенгиз.
Эл бла кёргенинг эрелей.
Ишленмеклик адамлыкъды.
Кимни – тили, тиши онглу, кимни – къолу, иши онглу.
Къарнынг бла ёч алма.
Ашхылыкъ джерде джатмайды, аманлыкъ суугъа батмайды.
Эллинг бла джау болсанг да, юйюнг бла джау болма.
Ашына кёре табагъы, балына кёре къалагъы.
Садакъачыны джаны – къапчыгъында.
Къалгъан ишге къар джауар.
Хоншуну тауугъу къаз кёрюнюр, келини къыз кёрюнюр.
Баш – акъыл ючюн, акъылман – халкъ ючюн.
Кёб къычыргъандан – къоркъма, тынч олтургъандан – къоркъ.
Джолунга кёре – джюрюшюнг, джагъанга кёре – юлюшюнг.
Къралынгы – душмандан, башынгы от бла суудан сакъла.
Айтхан сёзюне табылгъан.
Эки къатын алгъанны къулагъы тынгнгаймаз.
Накъырда – кертини келечиси.

RSS

Келигиз, тил байлыгъыбызны сакълайыкъ!

Акъыллычыкъ Гость	#826 Джаратама0 27.05.2008 22:56:33 всезнайка Да хо, былайда джазылгъан къарачай-малкъар тилде джулдузланы атларын окъуб, аджашыб, "таких звездей не бывает" дерчады

Кергелен Гость	#827 Джаратама0 27.05.2008 23:02:35 Эгоистка Голпу --- помятый, небрежный. Къара- къара, ол чепкенни голпусына кийиб баргъаннъа. Голпу кенчекни нек кийгенсе ,джаш, юйюнъе игилик кирлик, итиучукъ ышы.

Акъыллычыкъ Гость	#828 Джаратама0 28.05.2008 14:30:14 Кёгет джулдуз кюз артында чыгъады, эртденликде, джаз а - кырдыкла чыгъар заманнга. Сары Айгъыр, Тору Айгъыр деб да айтыучу эдиле бир джулдузланы атларын.

Девушка Гор

Гость

#829

Джаратама0

28.05.2008 15:46:03

Акъыллычыкъ
Мен да билеме джулдузланы юслеринден, айыб этмесенг джазайым бир кесекчик

Боюнсала - мюрзеуню джулдузларыдыла. Алагъа Боюнсала деб нек атагъандыла? Ала тюз кёз байлана батышха барыб тохтагъанда, сабаннга чыкъгъандыла. Ёгюзлени сабан боюнсаны тюбюне ургъандыла, аны ючюн Боюнсала деб атагъандыла. Боюнсала чыкъгъан ингирде аланы юсюнде булут неда тубан кёрюнсе, джауунлу, мюрзеулю джыл боллукъду деб ийнаннгандыла.

Девушка Гор

Гость

#830

Джаратама0

28.05.2008 20:11:23

Джулдуз джырчыкъ джырлайым мен сизге бусагъат

Джетегейле -джети джулдуз,
Сарайгъанла -эки джулдуз,
Темир-Къазакъ - кеси джулдуз.

Боюнсала - алты джулдуз,
Чолпан деген - алтын джулдуз.

Илкер джокъду, Чолпан сынгар,
Къара Айгъыр, Сары Айгъыр,
Джети кере ким айтыр?

Илкер батмай, джер къатмаз,
Чолпан чыкъмай, танг атмаз.

Чолпан джулдуз джулдузланы башыды,
Темир-Къазакъ кёкню тебмез ташыды.

Джетегейле джети айланмай, танг атмаз,
Адам джерине джетмей, къайтмаз,
Джетиге дери ким айтмаз?

Кергелен Гость	#831 Джаратама0 28.05.2008 21:21:11 Девушка Гор---- Къызчыкъ--это считалчка. СКОРОГОВОРКА. ШО, иги джанымча, сабийлеге бир азбар этдир--хоншу--тийре сабийлеге.

Девушка Гор Гость	#832 Джаратама0 28.05.2008 21:55:48 Кергелен Къызчыкъ--это считалчка. СКОРОГОВОРКА. Алай болгъанын билмеген да этмегенме мен аны.

Акъыллычыкъ Гость	#833 Джаратама0 28.05.2008 21:59:27 Девушка Гор Кел, Кергелен айтханны этейик да Эльбада хар кимге азбар этдирейик бу считалочканы.

Карачай Гость	#834 Джаратама0 28.05.2008 22:01:40 Акъыллычыкъ Девушка Гор

Акъыллычыкъ Гость	#835 Джаратама0 28.05.2008 22:03:25 Карачай Нек кюлесе, биринчи сенге азбар этдирликбиз! Джазыб алыб бу назмуну тамблагъа айтырча бол, охому?

Карачай Гость	#836 Джаратама0 28.05.2008 22:06:25 Акъыллычыкъ щас приду поговорим )))))))

Акъыллычыкъ Гость	#837 Джаратама0 28.05.2008 22:08:26 Карачай щас приду поговорим Девушка Гор урушхунчу къачайыкъ, бу темада орусча сёлеширге болмайды.

Девушка Гор Гость	#838 Джаратама0 29.05.2008 15:18:56 Акъыллычыкъ Къарачайча сёлешигиз. Къаллай бай, чемер тилни къойгъандыла бизге ата-бабаларыбыз, сиз а уа ...

Карачай Гость	#839 Джаратама0 29.05.2008 15:30:43 МАШАЛЛА бу къзлагъа

Девушка Гор

Гость

#840

Джаратама0

29.05.2008 15:47:29

Дагъыда бир кесекчик джулдузланы атларыны юслеринден джазайым, кишиге уллу керек тюл эсе да

:
"Илкер джулдузланы кёрмей ёлейим, ётюрюк айта эсем!"- деб, ант этгендиле алгъын, ингирге джетмейим деген магъанада. Ашхам джулдуз бла да этгендиле ант!

Карачай Гость	#841 Джаратама0 29.05.2008 15:48:49 мен бу темада кесиме келин излеим керти Къарачай кызладан

Кергелен

Гость

#842

Джаратама0

29.05.2008 18:10:09

Илкер джулдузланы кёрмей ёлейим, ётюрюк айта эсем!"- деб, ант этгендиле алгъын, ингирге джетмейим деген магъанада. Ашхам джулдуз бла да этгендиле ант!
Девушка Гор---БРАВО ! КЪызчыкъ!!!!

:pr

Табханъы, эшитгенинъи бери джый.

Сенъе берлик бернебиз олду. Былайда келин излеген джашда барды , тоба. Бир сынайыкъ...НЕ?

Девушка Гор Гость	#843 Джаратама0 30.05.2008 15:08:49 Кергелен Табханъы, эшитгенинъи бери джый. Сизни болушлугъугъуз бла джыяргъа кюреширикме!

Кергелен

Гость

#844

Джаратама0

30.05.2008 16:09:27

Кюнюгюз ашхы болсун ТАУЛУЛА!!!

Девушка Гор

Къызчыкъ, бизни АТА-БАБАЛА сынагъан зат, мен да атамдан эштиб
сынайма.
--АЙ джанъы туугъан сагъат да бир сына сен да.-
- -Джанъы АЙ ма былай ) болмай джатаракъ болса ,ол ай джаумлу
болады. Кесим кеб джылланы сынагъан зат.

Метеорология---солуйду.

Акъыллычыкъ Гость	#845 Джаратама0 30.05.2008 23:23:07 Мырытла деб джоппу джулдузла бардыла, бирге джюрюйдюле. Эртде чыгъадыла. Бурунгула, кече къараб, Мырытла юйюбюзню аллына келселе, энди кечени аурлугъу кетди деб, алай айтыучан эдиле.

Кергелен

Гость

#846

Джаратама0

31.05.2008 01:47:23

САЛАМ!!

Акъыллычыкъ

Атыны сыйын чыгъаргъан къызчыкъ----Акъыллычыкъ

МЫРЫТЛА----Стожары. Танъ белги бере тебресе, кек да джарыкъ
болуб , хауа да суукъгъа тартыб, ма олду МЫРЫТЛАНЫ--шартлары.

Къарачайгъа тансыкъ болдум, чууакъ кече чыкъда къара.
Менден да Салам айт табигъатыбызгъа.

Кергелен Гость	#847 Джаратама0 31.05.2008 16:05:52 ДЖЫЛЫ САЛАМЫМ СИЗГЕ ТАУЛУЛА.!!! Былай СУУЛАрыбызны,ТАУларыбызны, (тау башла.--вершины),ЧЫРАНларыбызны(ледники) ---тинтсек къалайгъа санайсыз не? ДЖаш телю?

всезнайка Гость	#848 Джаратама0 01.06.2008 11:17:47 Кергелен ДЖЫЛЫ САЛАМЫМ СИЗГЕ ТАУЛУЛА.!!! Былай СУУЛАрыбызны,ТАУларыбызны, (тау башла.--вершины),ЧЫРАНларыбызны(ледники) ---тинтсек къалайгъа санайсыз не? ДЖаш телю?

Кергелен Гость	#849 Джаратама0 01.06.2008 13:15:02 САЛАМ! всезнайка Харс кючлю урулгъанъа кере , менъе бериледи ал сез. Аннъыладыкъ алайчыгъын, латна.!

Девушка Гор Гость	#850 Джаратама0 01.06.2008 15:12:29 Кергелен Игигтда бериледи сизге биринчи сёз. Сакълайбыз!

Читают тему (гостей: 123)

Логин:
Пароль:
	Запомнить меня на этом компьютере

Забыли свой пароль?
Регистрация