Войти на сайт
30 Июня 2026 года

 

  • Къаллай салам берсенг, аллай джууаб алырса.
  • Чоюнну башы ачыкъ болса, итге уят керекди.
  • Хоншуну тауугъу къаз кёрюнюр, келини къыз кёрюнюр.
  • Джогъун бар этген, барын бал этген.
  • Бал – татлы, балдан да бала – татлы.
  • Босагъа таш юйге кирмей эди, тыбыр таш эшикге чыкъмай эди.
  • Къонакъ кёб келюучю юйню, къазаны отдан тюшмез.
  • Билимден уллу байлыкъ джокъду.
  • Бичгенде ашыкъма, тикгенде ашыкъ.
  • Окъ къызбайны джокълайды.
  • Аллахха ийнаннган кишини, Аллах онгдурур ишин.
  • Огъурлуну сёзю – суу, огъурсузну сёзю – уу.
  • Адам сёзюнден белгили.
  • Адамны бетине къарама, адетине къара.
  • Эл бла кёргенинг эрелей.
  • Экиндини кеч къылсанг, чабыб джетер ашхам.
  • Тёзгеннге, джабылгъан эшик ачылыр.
  • Къонакъ аман болса, къонакъбай джунчур
  • Тамчы таш тешер.
  • Кюн кёрмеген, кюн кёрсе, кюндюз чыракъ джандырыр.
  • Ёлюр джаннга, ёкюл джокъ.
  • Уллу къашыкъ эрин джыртар.
  • Биреуге аманлыкъ этиб, кесинге игилик табмазса.
  • Айран ичген – къутулду, джугъусун джалагъан – тутулду.
  • Эки къатын алгъанны къулагъы тынгнгаймаз.
  • Аз сёлеш, кёб ишле.
  • Бир онгсуз адам адет чыгъарды, деб эштирик тюлсе.
  • Мадар болса, къадар болур.
  • Урама да – ёледи, сатама да – келеди.
  • Ушамагъан – джукъмаз.
  • Джигер – джаннга къыйынлыкъ.
  • Айырылгъанланы айю ашар, бёлюннгенлени бёрю ашар.
  • Аман адамны тепсинге олтуртсанг, къызынгы тилер.
  • Аман киши кеси юйюнде – къонакъ.
  • Тойну къарнашы – харс, джырны къарнашы – эжиу.
  • Билген билмегенни юретген адетди.
  • Къанны къан бла джуума, аманны аман бла къуума.
  • Ашхы сёз таш тешер.
  • Окъуусуз билим – джокъ, билимсиз кюнюнг – джокъ.
  • Аман адам этегингден тутса, кес да къач.
  • Малны кют, джерни тюрт.
  • Ашлыкъны арба юйге келтирир, чана базаргъа элтир.
  • Тил джюрекге джол ишлейди.
  • Адамны аты башхача, акъылы да башхады.
  • Кийимни бир кюнню аясанг, минг кюннге джарар.
  • Джукъу тёшек сайламайды.
  • Аурууну келиую тынч, кетиую – къыйын.
  • Чомарт къолда мал къалмаз.
  • Тойгъан джерден туугъан джер игиди.
  • Къобан да къуру да къобханлай турмайды, адам да къуру да патчахлай турмайды.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 40 41 42 43 44 ... 62 След.
RSS
Келигиз, тил байлыгъыбызны сакълайыкъ!
 
#1026
Джаратама0
05.07.2008 12:43:14
всезнайка
Обязательно-къарачаича непременно, без слов дегенча-сезсюз да, бир ишексиз , амалы болмагъанча, къаидам дагъыда къаисы бирин тизеиим Аитымны магъанасына кере, акъыл тегерге боллукъду. мен оюм этгенден
Огъай

Уллу салам къызлагъа Къарачай шахардан!

Саламынг узакъ болсун дерге керек эди
 
 
 
#1027
Джаратама0
05.07.2008 12:44:58
Девушка Гор
Тюзюн айтсам къачан да уялчакъдан ёле тургъан бир джан эдим.
Тюз айтаса, кесинг кесингден уялыб айланнган бир джанса
 
 
 
#1028
Джаратама0
05.07.2008 12:51:24
всезнайка
картошка фри-бош гардош де
 
 
 
#1029
Джаратама0
05.07.2008 12:57:23
Хауа сюрюучю
Саламынг узакъ болсун дерге керек эди
хы, тутдунг Сталинни ошибкасын(халатын).Кампютер да джибериученди халатла. мен къой.Эндиги джол алай аитырма.
 
 
 
#1030
Джаратама0
05.07.2008 13:15:04
Кюнюгюз джарыкъ тийсин, эртенигиз кууанчлы болсун БАГЪАЛЫЛАРЫМ!!!


Хауа сюрюучю

Къарнашчыгъым, сау къалгъын къызланы джюреклерин джарыкъ эте тур. Ма кересе, сен кргенлей кезлери джулдузлача джаннъынларын.
Ауузларындан сезню кючден тартыб, аманны кеминде алай чыгъарама.


Истерик тюйюлдюле-- ни во что не ставить, наплевать, ноль внимания.
 
 
 
#1031
Джаратама0
05.07.2008 13:19:16
Кергелен
Ауузларындан сезню кючден тартыб, аманны кеминде алай чыгъарама.

Мен бу титзгиннге кире болмазма-деб сагъышым алайды
Тана бериб ауузуму джабдырырча болуб тура болурма
 
 
 
#1032
Джаратама0
05.07.2008 13:32:51
Къызчыкъ, сыртымы суутургъа киргенме.
Бери кирмесем кюнюм сыраф кетди.

Да Хауа сюрюучю кириб сизни бла чам этгенине къууана турама, бизден насыблы ким болур?--Эртден- инъир бири-бири бла
сюйген заманында ушакъ этерге мадары болгъан.

АЛЛАХ СЕН ,кюч-къарыуу бер, юйлерин --юйдегилерин зарлыкъдан,зараууатлыкъдан сакъла--миллетге бу къудуретни бергенлени.
 
 
 
#1033
Джаратама0
05.07.2008 15:08:14
Хауа сюрюучю
Салам алейкум къызла, Эртден ашхы болсун джашла
Аман иги айтдыгъыз Мен билиб, къызлагъа айтылады эртден ашхы болсун деб.
Ашхылыкъ кёрюгюз, келигиз, джууукъ болугъуз, бизни ушагъыбызгъа къошулугъуз.
 
 
 
#1034
Джаратама0
05.07.2008 15:17:12
салам!
 
 
 
#1035
Джаратама0
05.07.2008 15:21:17
сарубек , таш макъа , агъаз,агъач къоян, унутмайкъ бу сезлени )))))))))))))))
 
 
 
#1036
Джаратама0
05.07.2008 15:27:14
Skandal
салам!
Салам уа рахматуллахи!
Skandal
сарубек , таш макъа , агъаз,агъач къоян, унутмайкъ бу сезлени )))))))))))))))
Артыкъсыз да биринчи сезню, кеси да "Сарыубек" деб джазылады
Skandal
 
 
 
#1037
Джаратама0
05.07.2008 15:43:16
всезнайка
мы про грамматику ничегшо не говориЛь)))
 
 
 
#1038
Джаратама0
05.07.2008 15:44:05
Skandal
таш макъа как переводится?
 
 
 
#1039
Джаратама0
05.07.2008 15:50:12
Skandal
всезнайка
мы про грамматику ничегшо не говориЛь)))
ГовориЛь не Говориль, тюз джазаргъа юренигиз
Таш макъа-черепаха
 
 
 
#1040
Джаратама0
06.07.2008 12:45:07
Былай ёргеракъгъа чыгъарайым кеси тилибизде темаланы. бир джазары келген болса, кеб излемезча.
 
 
 
#1041
Джаратама0
06.07.2008 19:12:42
ДЖАНГЫЗ ТЕРЕК.
БАЙРАМУКЪЛАНЫ ХАЛИМАТ.

Керти хапар.

Мийиклиги мийик ,базыкълыгъы талай къулач(обхват) болгъан бу терек эки къабыр хунаны арасында джаппа-джангыз еседи. Аны бутагъын сындырыргъа элде бир джангыз адамны къолу келтюрюлмегенди, алай а, огъай, Джуккаладан биреуленни балтасы анга тийгенинде , экинчи кюн юйюн элия уруб, от тюшген эди. Джангыз Терекге тийгени ючюн болгъанды алай деб ,айтыу джюрюйдю.
Джангыз Терек таш тебени арасында, Джуртдады. Юслеринде джашил-
сыман таш тюклери бла бу кексюл ташланы терекни тегерегине адам къолу къалагъаны белгилиди. Тебени тюбюнде уа шиякы(склеп,гробница,захоронение)бастырылгъанды , дейдиле...
Сабий джылларымда тереклени атларындан мени хапарым джокъ эди, Джангъыз Терек деб , къуру муну атын биле эдим ансын. Бу терекни джазыкъсыннгандан джюрегим эриб баргъанча алай бола эдим. Джазыкъсынмай не этерик эдинг : Эки джаны къабырладыла - Боташланы къабырла бла Байрамукъланыкъы . Джуртда дух ийис этим тургъан , къатапача ханс , Джангыз Терекни тегерегине уа таш тешелиб .... Терекден къоркъмай шиякъыгъа киши тиймез деб бастыргъандыла дейдиле.
Джюрегим Джангыз Терекни да , кеси джангъыз джашагъан Додур улу Кишини анасы Джинджини да бирча джазыкъсынады .
Джангурда Джангыз Терекни тюбюне сюрюучю къойлары бла сыйынныкъды , алай а аны тюбюне кирирге болмайды, дейдиле; бир бутагъыны агъачындан бир орундукъ ишлерге боллукъду , алай а ....дейдиле.
(...)
Меджисуулада(в языческие времена) уа муну тегерегинде тюгерен тепсеуню да тепсегендиле , дейдиле .
(...)
Джангыз Терекни юсюнден мени келюме джукъ да келмей джашарыкъ болур эдим , ол кече - кюн да бизни юйге, бизни тийреге "къараб" турмаса .Юйден арбазгъа чыкъгъанлай , сюйсенг, сюймесенг да аны кересе . Бизни юйюбюз Къобанны онг джанында , ол а - сол джанында Джуртда , арабыз бир къычырым(километр, верста).
Джангыз Терекге меджисуула табыныб тургъандыла , ол нарат терек болгъанын мен артдан билген эдим , тюзю , нарат деб несине айтыргъа боллугъун ангыламакълыкъ да тынч тюл эди - хурзукчула аны хар ийнесине дегенча бирер бусхул тагъадыла . Асыры кеб заманны тагъылыб тургъандан аланы бир къаууму учхун бет алгъанды ; бир къауумуну бояуу онга башлагъанды ; бир- джурунла уа бояулары бла алкъын "махтаныргъа"боллукъдула .
Шиякы излей бир къауумла, терекден къоркъууну - юркюуню да атыб , ташланы къотарыр ючюн къалмагъандыла , алай а киши джукъ табмагъанды .


...мындан арысын сакълагъыз...
 
 
 
#1042
Джаратама0
06.07.2008 21:38:35
Кергелен
.мындан арысын сакълагъыз..
кебге созмагъыз ансы-сакъларгъа хазырбыз
 
 
 
#1043
Джаратама0
06.07.2008 22:04:18
Эртден сайын малны Джуртха Джангыз Терекни къаты бла къыстай, адамланы бир къаууму анга къоркъа-къоркъа, кез джетдириб озады, бирлери да- ышана. Андан къоркъан -юркген да этмей, бутакъларына къонуб, тегерекде къабырланы тынчлыкъларын буза, джырлаб тургъан
къуп-къуру къанатлыладыла.
Джылны не кезюуюнде да Джангыз Терекни "кийими" бек тюрлюдю-юсюне тагъылыб тургъан быстырчыкъла аны къолан кергюзедиле. Элде эки мингден артыкъ юй, хар юйде уа ненчашар джан болур.... Хар джан да насыблы болургъа сюеди, алай болур ючюн,Джангыз Терекде хар бирине бусхулчукъла тагъылыбдыла.Адамны керти дуниясы ма ол шошлукъ басыб тургъан къабырладады десе да Чомаланы Унух афенди , хар адам бу дунияда бираз мычыгъан да этиб, бираз насыб да керсе сюеди...
Джангыз Терекде мени ючюн да тагъылгъанды бусхулчукъ.
Он сабийден сау къалгъан тертюсюне Келин насыб излегенине не сез барды, ол себебден бизни ючюн тагъылгъан беш бусхулчукъ терекни
эсине бизни да салыргъа керекди...
Джангыз Терек. Кеси джап-джангыз да, насыбсыз да болуб тургъанлай, ненча джанны насыблы этерге керек эди?! Алай а, мен артдан ангылагъаныма кере, аны аллай къарыуу чыртда болмагъанды-адамла аны унутмагъанлыкъгъа,ол адам деген не зат эсе да билген да этмегенди.
Адамла унутхан къой,трапы намазны аны къатында къылыб туруучан эдиле. Аллай кюнледе эркишеле къабталларыны малгар тюймелерин джолда эте , белибауларын тартдыра , анда - мында тыгъырыкъладан чыгъыб, Улу джолгъа къотарыла эдиле .Джуккъаланы хылеу кепюр ба суудан отюб , эки арба чарх кючден сыйыннган саз джол бла тик ерге чыгъыб , Джангыз Терекни сол джаны тюзде тохтай эдиле.
Бизни бау башыбыздан ала ачыкъ керюнедиле :ол тик ерге элтген саз джолда аякъларын кючден - бутдан алыб баргъан къартланы джюрегим джазыкъсынады. Таякъларына таяна , тырнакълаб аманны кеминде баргъанча алайдыла ...
Джангыз терекни тегереги Джуртду, ол Учкуландан башлаб , Хурзукда Хасанланы тийрени туурасны дери баргъан отлау джерди. Джуртну бир джаны чегетге , бир джаны да Къобанны баши джаргъа тирелибди . Аны юсюнде битген , къатапача , ханс езенни къуру да дух ийисге алдыргъаллай турады.
 
 
 
#1044
Джаратама0
06.07.2008 23:05:53
Джаздан башлаб къачха дери , элни малын асырагъан ДЖуртду , Къула Тюз . Трапы намазны да кюйюзде къылгъанча къыла эдиле аны юсюнде.Намазгъа ийилгенлени аллары къыбылагъа айланнганы себебли , джашил Джуртну юсюнде аланы сыртлары , къара къабыргъача, бизге алай керюне эди.Барыны аллына чыгъыб тургъан афенди бу намазда керекли дууаны окъуй болур эди, аны тауушун Къобанны шууулдагъаны тунчукъдурады , кезуюу бла аны ызндын бары бир аууздан айтхан " Фатиха" деген сезлери уа бизге кескин эштиледи.
Джангыз Терек былагъа къарай , джелчикде башын булгъай болур еди . Аны теппесин да сылай, Джуртха таймаздан къагъыб туруучу ол джелчик чегетни , хансны да бал татыуун келтириб сеннге "ичире", башынгы эсирик , джюрегинги да ётгюр этеди .
Джурт , элни джашатыб тургъан бир джерди.
(...)
Кюз артында бизге ,сабийлеге эринлик бериб, наныкъ джыяргъа чегетге ийселе , кесибизден насыблыгъа биз кишини санамайбыз. ал кюнледе хазырланыу башланады: аналарыбыз чарыкъларыбызны джамайдыла , азыгъыбызны быстыргъа чырмаб, элтирик сауутубузну ичине саладыла . Кече уа , кезюнге джукъу кирмей, ашыгъыб тангнга чыгъаса... Татлы аязчыгъы бла чокъуракъ эртден келеди.
Кезлернги ууа , аякъларнгы орундукъдан салындырыб , учлары бла джерде чарыкъларынгы излейсе. Аякъларынгы аланы ичлерине сукъсанг , ананг ийилиб бауларын къаты тартады .
Джуккалада итле бизни дауурубузну эшитиб , терт джаныбыздан юсюбюзге кеслерин ата , кепюрге киребиз. Андан ётгенлей а аузубузну джабмай не селешегеннибизни эскермей , саз джол бла турналача тизилиб , эки къабыр хунаны арасындан ётюб , Джангыз Теркге бетден бетге къарашабыз.Къатына джете уа - шум -шум болуб , кезюбюзню андан алмагъанлай барабыз . Зыгытлагъа киребиз. Зытгытланы ичи шкилди бла джилекден толуду, алагъа тиймей , басабыз деб коркъа ёрге Кенчек чаулгъа ерлеб барабыз. Джолубуз тик ерге болса да ,арыгъын - талгъан да етмегелей кюн къагъаргъа Намазылыкъны теппесине чыгъабыз . Къургъак ере турукълагъа олтуруб , алгъы бурун азыкъ ашайбыз. Наныкъ терекле , наныкъларны кетюралмай, чауулгъа - ийилиб турадыла , аладан да юзе да азуубузгъа ата , ашаб тойгъандан сора сауутларыбызны толтурур къйгъылы болабыз.
Кюн къыздырангъдан къыздыра , чегет да уяна тебрейди, къанатлыла джырлайдыла . Наныкъдан толгъан сауутларыбызны, къулакъ суучукъну джанына тизиб, биягъы биз адетибизча бирер бутакъгъа къонабыз. Мыйыбыз алкъын суу болгъанын эсгермей, биз этмеген оноу,
биз этмеген оюм джокъду.

Мындан арысын сакълагъыз
 
 
 
#1045
Джаратама0
07.07.2008 16:59:04
всезнайка
Таш макъа-черепаха
Мен джазгъынчы джазыб къойдугъуз! Аны уа менда биле эдим....
 
 
 
#1046
Джаратама0
07.07.2008 17:04:44
всезнайка
тюзсе сен оракъчыкъча ! кеч бу сезледе терс сез баресе тюз джаздымы ?
 
 
 
#1047
Джаратама0
07.07.2008 17:17:09
тюз джаздымы бармакъларым ???
 
 
 
#1048
Джаратама0
07.07.2008 21:19:33
Хауа сюрюучю
Уллу кёллю болуб, къарачай шахардан болгъанынгы билдириб турама

Къарачай шахардан уа тюлме, къарачай элденме. Ортасы бирда уллуду, къарнаш. Уллу келлюкню уа сен кергюзе тураса, быллайла джызыб. Мен билмегеними сордум киши айталмады тюзю бла... Айт "потолок" къалай боллугъун, сен къарачай тилни залим билгеннге санарма!!!
 
 
 
#1049
Джаратама0
07.07.2008 22:06:23
Къарачай шахардан уа тюлме, къарачай элденме. Ортасы бирда уллуду, къарнаш.
karach

Да не ха-хай, не тууай? Къарачай элден эсенъ сорургъа хоншу джокъмуду билмегенинъи?
Биз санъа Москвадан джууаб берирге борчму этгенбиз, джаздыкъ , кюрешдик, билмегенибизге сюдге ми берликсе?
 
 
 
#1050
Джаратама0
07.07.2008 22:11:52
Кергелен

Эм сейири менда Москвадама))))))))))
 
 
 
Страницы: Пред. 1 ... 40 41 42 43 44 ... 62 След.
Читают тему (гостей: 6)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.