- Чыбыкълыкъда бюгюлмеген, къазыкълыкъда бюгюлмей эди.
- Аман адамны тепсинге олтуртсанг, къызынгы тилер.
- Адебсиз адам – джюгенсиз ат.
- Айраннга суу къош, телиге джол бош.
- Джаш къарыу бла кючлю, къарт акъыл бла кючлю.
- Aдам боллукъ, сыфатындан белгили.
- Онгсузну – джакъла, тенгликни – сакъла.
- Джыгъылгъанны сырты джерден тоймаз.
- Къуллукъчума, деб махтанма, къуллукъ – хаух джамчыды!
- Адамны сабийин сюйген джюреги, бычакъча, джитиди.
- Джюз элде джюз ёгюзюм болгъандан эсе, джюз джууугъум болсун.
- Биреу къой излей, биреу той излей.
- Ата Джуртча джер болмаз, туугъан элча эл болмаз.
- Ана кёлю – балада, бала кёлю – талада.
- Тойгъан джерден туугъан джер игиди.
- Аманны эки битли тону болур, бирин сеннге кийдирир, бирин кеси киер.
- Элде адам къалмаса, ит тахтагъа минер.
- Зарда марда джокъ.
- Тилчи тилден къаныкъмаз.
- Чакъырылмай келген къонакъ сыйланмай кетер.
- Танг атмайма десе да, кюн къоярыкъ тюйюлдю.
- Кийимни бичсенг, кенг бич, тар этген къыйын тюлдю.
- Хантына кёре тузу, юйюне кёре къызы.
- Адам къаллай бир ишленмесе, аллай бир кесин уллу кёреди.
- Билеги кючлю, бирни джыгъар, билими кючлю, мингни джыгъар.
- Намысы болмагъанны, сыйы болмаз.
- Къонакъны къачан кетерин сорма, къачан келлигин сор.
- Къазанны башы ачыкъ болса, итге уят керекди.
- Айырылгъанланы айю ашар, бёлюннгенлени бёрю ашар.
- Джашны джигитлиги сорулур, къызны джигерлиги сорулур.
- Бал – татлы, балдан да бала – татлы.
- Чомартны къолун джокълукъ байлар.
- Чомарт къолда мал къалмаз.
- Баш – акъыл ючюн, акъылман – халкъ ючюн.
- Гыдай эчки суугъа къараб, мюйюзле кёрмесе, джашма алкъын, дегенди.
- Къайгъыны сюйген, къайгъы табар.
- Байма, деб да, къууанма, джарлыма, деб да, джылама.
- Уллу къазанда бишген эт, чий къалмаз.
- Ашарыкъда сайлагъаннга – чий гырджын.
- Мал ёлсе, сюек къалыр, адам ёлсе, иши къалыр.
- Ата Джуртун танымагъан, атасын да танымаз.
- Кёз – сюйген джерде, къол – ауругъан джерде.
- Тюзню ётмеги тюзде къалса да, тас болмаз.
- Юйюнгден чыкъдынг – кюнюнгден чыкъдынг.
- Айтылгъан буйрукъ, сёгюлмез
- Чоюнну башы ачыкъ болса, итге уят керекди.
- Суугъа – чабакъ, къаягъа – ыргъакъ.
- Дженгил джетерикме деб, узун джолну къоюб, къысхасын барма.
- Иги болса, тамадама – махтау, аман болса, меннге – айыб.
- Бозанг болмагъан джерге, къалагъынгы сукъма.
Келигиз, тил байлыгъыбызны сакълайыкъ!
|
Девушка Гор
Тюзюн айтсам къачан да уялчакъдан ёле тургъан бир джан эдим. Тюз айтаса, кесинг кесингден уялыб айланнган бир джанса  |
|
|
|
|
|
всезнайка
картошка фри-бош гардош де |
|
|
|
|
|
Хауа сюрюучю
Саламынг узакъ болсун дерге керек эди хы, тутдунг Сталинни ошибкасын(халатын).Кампютер да джибериученди халатла. мен къой.Эндиги джол алай аитырма.  |
|
|
|
|
|
Кергелен
Ауузларындан сезню кючден тартыб, аманны кеминде алай чыгъарама. Мен бу титзгиннге кире болмазма-деб сагъышым алайды Тана бериб ауузуму джабдырырча болуб тура болурма  |
|
|
|
|
|
салам!
|
|
|
|
|
|
сарубек , таш макъа , агъаз,агъач къоян, унутмайкъ бу сезлени )))))))))))))))
|
|
|
|
|
|
всезнайка
мы про грамматику ничегшо не говориЛь))) |
|
|
|
|
|
Skandal
таш макъа как переводится? |
|
|
|
|
|
Skandal
всезнайка мы про грамматику ничегшо не говориЛь))) ГовориЛь не Говориль, тюз джазаргъа юренигиз  Таш макъа-черепаха |
|
|
|
|
|
Былай ёргеракъгъа чыгъарайым кеси тилибизде темаланы. бир джазары келген болса, кеб излемезча.
 |
|
|
|
|
|
Кергелен
.мындан арысын сакълагъыз.. кебге созмагъыз ансы-сакъларгъа хазырбыз  |
|
|
|
|
|
всезнайка
Таш макъа-черепаха Мен джазгъынчы джазыб къойдугъуз! Аны уа менда биле эдим....  |
|
|
|
|
|
всезнайка
тюзсе сен оракъчыкъча ! кеч бу сезледе терс сез баресе тюз джаздымы ? |
|
|
|
|
|
тюз джаздымы бармакъларым ???
|
|
|
|
|
|
Кергелен
Эм сейири менда Москвадама)))))))))) |
||||
|
|
|
|||
Читают тему (гостей: 7)