Эльбрусоид :: Форум :: Келигиз, тил байлыгъыбызны сакълайыкъ!

Ёлген аслан – сау чычхан.
Чомарт джарлы болмаз.
Сагъышы джокъ – джукъучу, акъылы джокъ – къаугъачы.
Джетген къыз джерли эшекни танымаз.
Дууулдаса – бал чибин, къонса – къара чибин.
Джашлыкъ этмеген, башлыкъ этмез.
Билген билмегенни юретген адетди.
Адебсиз адам – джюгенсиз ат.
Этек чакъмакълары баш джаргъан, сёлешген сёзлери таш джаргъан.
Танг атмайма десе да, кюн къоярыкъ тюйюлдю.
Кимни – тили, тиши онглу, кимни – къолу, иши онглу.
Сабыр джетер муратха, сабырсыз къалыр уятха.
Тенгни тенглиги джашай барсанг билинир.
Къулакъдан эсе, кёзге ышан.
Биреуге кёлтюрген таягъынг, кесинги башынга урур.
Къонакъны къачан кетерин сорма, къачан келлигин сор.
Тойгъа барсанг, тоюб бар, эски тонунгу къоюб бар.
Бет бетге къараса, бет да джерге къарар.
Адамны аманы адамны бети бла ойнар.
Кийимни бир кюнню аясанг, минг кюннге джарар.
Акъыл къартда, джашда тюйюлдю – башдады.
Къартха ушагъан джаш – акъыллы, джашха ушагъан къарт – тели.
Асхат ашлыкъ сата, юйдегиси ачдан къата.
Азыгъы аз, алгъа къабар, аты аман, алгъа чабар.
Кёл – къызбай, къол – батыр.
Къыйынлы джети элни къайгъысын этер.
Чомарт къолда мал къалмаз.
Суугъа – таянма, джаугъа – ийнанма.
Джол бла сёзню къыйыры джокъ.
Къазанчы аман болса, къазаны къайнамаз.
Таякъ этден ётер, тил сюекден ётер.
Тёзген – тёш ашар!
Эски джаугъа ышанма.
Къарт бла баш аша, джаш бла аякъ аша.
Бастасын ашагъан, хантусун да ичер.
Джолда аягъынга сакъ бол, ушакъда тилинге сакъ бол.
Ауругъанны сау билмез, ач къарынны токъ билмез.
Ачыкъ джюрекге джол – ачыкъ.
Хантына кёре тузу, юйюне кёре къызы.
Мухар, кеси тойса да, кёзю тоймаз.
Чакъырылмагъан джерге барма, чакъырылгъан джерден къалма.
Баш болса, бёрк табылыр.
Айтхан – тынч, этген – къыйын.
Дуния аламаты сен эсенг да, игиме деб айтма.
Кийиминг бла танылма, адамлыкъ бла таныл.
Аз сёлеш, кёб ишле.
Ариу сёз – къылычдан джити.
Ойнай-ойнай кёз чыгъар.
Кёкдеги болмаса, джердегин кёрмейди.
Джюрекге ариу – кёзге да ариу.

RSS

Келигиз, тил байлыгъыбызны сакълайыкъ!

Хауа сюрюучю

Гость

#1026

Джаратама0

05.07.2008 12:43:14

всезнайка
Обязательно-къарачаича непременно, без слов дегенча-сезсюз да, бир ишексиз , амалы болмагъанча, къаидам дагъыда къаисы бирин тизеиим Аитымны магъанасына кере, акъыл тегерге боллукъду. мен оюм этгенден
Огъай

Уллу салам къызлагъа Къарачай шахардан!

Саламынг узакъ болсун дерге керек эди

Хауа сюрюучю Гость	#1027 Джаратама0 05.07.2008 12:44:58 Девушка Гор Тюзюн айтсам къачан да уялчакъдан ёле тургъан бир джан эдим. Тюз айтаса, кесинг кесингден уялыб айланнган бир джанса

Хауа сюрюучю Гость	#1028 Джаратама0 05.07.2008 12:51:24 всезнайка картошка фри-бош гардош де

всезнайка Гость	#1029 Джаратама0 05.07.2008 12:57:23 Хауа сюрюучю Саламынг узакъ болсун дерге керек эди хы, тутдунг Сталинни ошибкасын(халатын).Кампютер да джибериученди халатла. мен къой.Эндиги джол алай аитырма.

Кергелен

Гость

#1030

Джаратама0

05.07.2008 13:15:04

Кюнюгюз джарыкъ тийсин, эртенигиз кууанчлы болсун БАГЪАЛЫЛАРЫМ!!!

Хауа сюрюучю

Къарнашчыгъым, сау къалгъын къызланы джюреклерин джарыкъ эте тур. Ма кересе, сен кргенлей кезлери джулдузлача джаннъынларын.
Ауузларындан сезню кючден тартыб, аманны кеминде алай чыгъарама.

Истерик тюйюлдюле-- ни во что не ставить, наплевать, ноль внимания.

всезнайка Гость	#1031 Джаратама0 05.07.2008 13:19:16 Кергелен Ауузларындан сезню кючден тартыб, аманны кеминде алай чыгъарама. Мен бу титзгиннге кире болмазма-деб сагъышым алайды Тана бериб ауузуму джабдырырча болуб тура болурма

Кергелен

Гость

#1032

Джаратама0

05.07.2008 13:32:51

Къызчыкъ, сыртымы суутургъа киргенме.
Бери кирмесем кюнюм сыраф кетди.

Да Хауа сюрюучю кириб сизни бла чам этгенине къууана турама, бизден насыблы ким болур?--Эртден- инъир бири-бири бла
сюйген заманында ушакъ этерге мадары болгъан.

АЛЛАХ СЕН ,кюч-къарыуу бер, юйлерин --юйдегилерин зарлыкъдан,зараууатлыкъдан сакъла--миллетге бу къудуретни бергенлени.

Девушка Гор

Гость

#1033

Джаратама0

05.07.2008 15:08:14

Хауа сюрюучю
Салам алейкум къызла, Эртден ашхы болсун джашла
Аман иги айтдыгъыз

Мен билиб, къызлагъа айтылады эртден ашхы болсун деб.

Ашхылыкъ кёрюгюз, келигиз, джууукъ болугъуз, бизни ушагъыбызгъа къошулугъуз.

Skandal Гость	#1034 Джаратама0 05.07.2008 15:17:12 салам!

Skandal Гость	#1035 Джаратама0 05.07.2008 15:21:17 сарубек , таш макъа , агъаз,агъач къоян, унутмайкъ бу сезлени )))))))))))))))

всезнайка Гость	#1036 Джаратама0 05.07.2008 15:27:14 Skandal салам! Салам уа рахматуллахи! Skandal сарубек , таш макъа , агъаз,агъач къоян, унутмайкъ бу сезлени ))))))))))))))) Артыкъсыз да биринчи сезню, кеси да "Сарыубек" деб джазылады Skandal

Skandal Гость	#1037 Джаратама0 05.07.2008 15:43:16 всезнайка мы про грамматику ничегшо не говориЛь)))

Monte Carlo Гость	#1038 Джаратама0 05.07.2008 15:44:05 Skandal таш макъа как переводится?

всезнайка Гость	#1039 Джаратама0 05.07.2008 15:50:12 Skandal всезнайка мы про грамматику ничегшо не говориЛь))) ГовориЛь не Говориль, тюз джазаргъа юренигиз Таш макъа-черепаха

всезнайка Гость	#1040 Джаратама0 06.07.2008 12:45:07 Былай ёргеракъгъа чыгъарайым кеси тилибизде темаланы. бир джазары келген болса, кеб излемезча.

Кергелен

Гость

#1041

Джаратама0

06.07.2008 19:12:42

ДЖАНГЫЗ ТЕРЕК.
БАЙРАМУКЪЛАНЫ ХАЛИМАТ.

Керти хапар.

Мийиклиги мийик ,базыкълыгъы талай къулач(обхват) болгъан бу терек эки къабыр хунаны арасында джаппа-джангыз еседи. Аны бутагъын сындырыргъа элде бир джангыз адамны къолу келтюрюлмегенди, алай а, огъай, Джуккаладан биреуленни балтасы анга тийгенинде , экинчи кюн юйюн элия уруб, от тюшген эди. Джангыз Терекге тийгени ючюн болгъанды алай деб ,айтыу джюрюйдю.
Джангыз Терек таш тебени арасында, Джуртдады. Юслеринде джашил-
сыман таш тюклери бла бу кексюл ташланы терекни тегерегине адам къолу къалагъаны белгилиди. Тебени тюбюнде уа шиякы(склеп,гробница,захоронение)бастырылгъанды , дейдиле...
Сабий джылларымда тереклени атларындан мени хапарым джокъ эди, Джангъыз Терек деб , къуру муну атын биле эдим ансын. Бу терекни джазыкъсыннгандан джюрегим эриб баргъанча алай бола эдим. Джазыкъсынмай не этерик эдинг : Эки джаны къабырладыла - Боташланы къабырла бла Байрамукъланыкъы . Джуртда дух ийис этим тургъан , къатапача ханс , Джангыз Терекни тегерегине уа таш тешелиб .... Терекден къоркъмай шиякъыгъа киши тиймез деб бастыргъандыла дейдиле.
Джюрегим Джангыз Терекни да , кеси джангъыз джашагъан Додур улу Кишини анасы Джинджини да бирча джазыкъсынады .
Джангурда Джангыз Терекни тюбюне сюрюучю къойлары бла сыйынныкъды , алай а аны тюбюне кирирге болмайды, дейдиле; бир бутагъыны агъачындан бир орундукъ ишлерге боллукъду , алай а ....дейдиле.
(...)
Меджисуулада(в языческие времена) уа муну тегерегинде тюгерен тепсеуню да тепсегендиле , дейдиле .
(...)
Джангыз Терекни юсюнден мени келюме джукъ да келмей джашарыкъ болур эдим , ол кече - кюн да бизни юйге, бизни тийреге "къараб" турмаса .Юйден арбазгъа чыкъгъанлай , сюйсенг, сюймесенг да аны кересе . Бизни юйюбюз Къобанны онг джанында , ол а - сол джанында Джуртда , арабыз бир къычырым(километр, верста).
Джангыз Терекге меджисуула табыныб тургъандыла , ол нарат терек болгъанын мен артдан билген эдим , тюзю , нарат деб несине айтыргъа боллугъун ангыламакълыкъ да тынч тюл эди - хурзукчула аны хар ийнесине дегенча бирер бусхул тагъадыла . Асыры кеб заманны тагъылыб тургъандан аланы бир къаууму учхун бет алгъанды ; бир къауумуну бояуу онга башлагъанды ; бир- джурунла уа бояулары бла алкъын "махтаныргъа"боллукъдула .
Шиякы излей бир къауумла, терекден къоркъууну - юркюуню да атыб , ташланы къотарыр ючюн къалмагъандыла , алай а киши джукъ табмагъанды .

...мындан арысын сакълагъыз...

всезнайка Гость	#1042 Джаратама0 06.07.2008 21:38:35 Кергелен .мындан арысын сакълагъыз.. кебге созмагъыз ансы-сакъларгъа хазырбыз

Кергелен

Гость

#1043

Джаратама0

06.07.2008 22:04:18

Эртден сайын малны Джуртха Джангыз Терекни къаты бла къыстай, адамланы бир къаууму анга къоркъа-къоркъа, кез джетдириб озады, бирлери да- ышана. Андан къоркъан -юркген да этмей, бутакъларына къонуб, тегерекде къабырланы тынчлыкъларын буза, джырлаб тургъан
къуп-къуру къанатлыладыла.
Джылны не кезюуюнде да Джангыз Терекни "кийими" бек тюрлюдю-юсюне тагъылыб тургъан быстырчыкъла аны къолан кергюзедиле. Элде эки мингден артыкъ юй, хар юйде уа ненчашар джан болур.... Хар джан да насыблы болургъа сюеди, алай болур ючюн,Джангыз Терекде хар бирине бусхулчукъла тагъылыбдыла.Адамны керти дуниясы ма ол шошлукъ басыб тургъан къабырладады десе да Чомаланы Унух афенди , хар адам бу дунияда бираз мычыгъан да этиб, бираз насыб да керсе сюеди...
Джангыз Терекде мени ючюн да тагъылгъанды бусхулчукъ.
Он сабийден сау къалгъан тертюсюне Келин насыб излегенине не сез барды, ол себебден бизни ючюн тагъылгъан беш бусхулчукъ терекни
эсине бизни да салыргъа керекди...
Джангыз Терек. Кеси джап-джангыз да, насыбсыз да болуб тургъанлай, ненча джанны насыблы этерге керек эди?! Алай а, мен артдан ангылагъаныма кере, аны аллай къарыуу чыртда болмагъанды-адамла аны унутмагъанлыкъгъа,ол адам деген не зат эсе да билген да этмегенди.
Адамла унутхан къой,трапы намазны аны къатында къылыб туруучан эдиле. Аллай кюнледе эркишеле къабталларыны малгар тюймелерин джолда эте , белибауларын тартдыра , анда - мында тыгъырыкъладан чыгъыб, Улу джолгъа къотарыла эдиле .Джуккъаланы хылеу кепюр ба суудан отюб , эки арба чарх кючден сыйыннган саз джол бла тик ерге чыгъыб , Джангыз Терекни сол джаны тюзде тохтай эдиле.
Бизни бау башыбыздан ала ачыкъ керюнедиле :ол тик ерге элтген саз джолда аякъларын кючден - бутдан алыб баргъан къартланы джюрегим джазыкъсынады. Таякъларына таяна , тырнакълаб аманны кеминде баргъанча алайдыла ...
Джангыз терекни тегереги Джуртду, ол Учкуландан башлаб , Хурзукда Хасанланы тийрени туурасны дери баргъан отлау джерди. Джуртну бир джаны чегетге , бир джаны да Къобанны баши джаргъа тирелибди . Аны юсюнде битген , къатапача , ханс езенни къуру да дух ийисге алдыргъаллай турады.

Кергелен

Гость

#1044

Джаратама0

06.07.2008 23:05:53

Джаздан башлаб къачха дери , элни малын асырагъан ДЖуртду , Къула Тюз . Трапы намазны да кюйюзде къылгъанча къыла эдиле аны юсюнде.Намазгъа ийилгенлени аллары къыбылагъа айланнганы себебли , джашил Джуртну юсюнде аланы сыртлары , къара къабыргъача, бизге алай керюне эди.Барыны аллына чыгъыб тургъан афенди бу намазда керекли дууаны окъуй болур эди, аны тауушун Къобанны шууулдагъаны тунчукъдурады , кезуюу бла аны ызндын бары бир аууздан айтхан " Фатиха" деген сезлери уа бизге кескин эштиледи.
Джангыз Терек былагъа къарай , джелчикде башын булгъай болур еди . Аны теппесин да сылай, Джуртха таймаздан къагъыб туруучу ол джелчик чегетни , хансны да бал татыуун келтириб сеннге "ичире", башынгы эсирик , джюрегинги да ётгюр этеди .
Джурт , элни джашатыб тургъан бир джерди.
(...)
Кюз артында бизге ,сабийлеге эринлик бериб, наныкъ джыяргъа чегетге ийселе , кесибизден насыблыгъа биз кишини санамайбыз. ал кюнледе хазырланыу башланады: аналарыбыз чарыкъларыбызны джамайдыла , азыгъыбызны быстыргъа чырмаб, элтирик сауутубузну ичине саладыла . Кече уа , кезюнге джукъу кирмей, ашыгъыб тангнга чыгъаса... Татлы аязчыгъы бла чокъуракъ эртден келеди.
Кезлернги ууа , аякъларнгы орундукъдан салындырыб , учлары бла джерде чарыкъларынгы излейсе. Аякъларынгы аланы ичлерине сукъсанг , ананг ийилиб бауларын къаты тартады .
Джуккалада итле бизни дауурубузну эшитиб , терт джаныбыздан юсюбюзге кеслерин ата , кепюрге киребиз. Андан ётгенлей а аузубузну джабмай не селешегеннибизни эскермей , саз джол бла турналача тизилиб , эки къабыр хунаны арасындан ётюб , Джангыз Теркге бетден бетге къарашабыз.Къатына джете уа - шум -шум болуб , кезюбюзню андан алмагъанлай барабыз . Зыгытлагъа киребиз. Зытгытланы ичи шкилди бла джилекден толуду, алагъа тиймей , басабыз деб коркъа ёрге Кенчек чаулгъа ерлеб барабыз. Джолубуз тик ерге болса да ,арыгъын - талгъан да етмегелей кюн къагъаргъа Намазылыкъны теппесине чыгъабыз . Къургъак ере турукълагъа олтуруб , алгъы бурун азыкъ ашайбыз. Наныкъ терекле , наныкъларны кетюралмай, чауулгъа - ийилиб турадыла , аладан да юзе да азуубузгъа ата , ашаб тойгъандан сора сауутларыбызны толтурур къйгъылы болабыз.
Кюн къыздырангъдан къыздыра , чегет да уяна тебрейди, къанатлыла джырлайдыла . Наныкъдан толгъан сауутларыбызны, къулакъ суучукъну джанына тизиб, биягъы биз адетибизча бирер бутакъгъа къонабыз. Мыйыбыз алкъын суу болгъанын эсгермей, биз этмеген оноу,
биз этмеген оюм джокъду.

Мындан арысын сакълагъыз

Skandal Гость	#1045 Джаратама0 07.07.2008 16:59:04 всезнайка Таш макъа-черепаха Мен джазгъынчы джазыб къойдугъуз! Аны уа менда биле эдим....

Skandal Гость	#1046 Джаратама0 07.07.2008 17:04:44 всезнайка тюзсе сен оракъчыкъча ! кеч бу сезледе терс сез баресе тюз джаздымы ?

Skandal Гость	#1047 Джаратама0 07.07.2008 17:17:09 тюз джаздымы бармакъларым ???

karach

Гость

#1048

Джаратама0

07.07.2008 21:19:33

Хауа сюрюучю
Уллу кёллю болуб, къарачай шахардан болгъанынгы билдириб турама

Къарачай шахардан уа тюлме, къарачай элденме. Ортасы бирда уллуду, къарнаш. Уллу келлюкню уа сен кергюзе тураса, быллайла джызыб. Мен билмегеними сордум киши айталмады тюзю бла... Айт "потолок" къалай боллугъун, сен къарачай тилни залим билгеннге санарма!!!

Кергелен

Гость

#1049

Джаратама0

07.07.2008 22:06:23

Къарачай шахардан уа тюлме, къарачай элденме. Ортасы бирда уллуду, къарнаш.
karach

Да не ха-хай, не тууай? Къарачай элден эсенъ сорургъа хоншу джокъмуду билмегенинъи?
Биз санъа Москвадан джууаб берирге борчму этгенбиз, джаздыкъ , кюрешдик, билмегенибизге сюдге ми берликсе?

karach Гость	#1050 Джаратама0 07.07.2008 22:11:52 Кергелен Эм сейири менда Москвадама))))))))))

Читают тему (гостей: 7)

Логин:
Пароль:
	Запомнить меня на этом компьютере

Забыли свой пароль?
Регистрация