- Иесиз малны бёрю ашар.
- Кенгеш болса, уруш болмаз.
- Джаханимни кёрмей, джандетге кёл салмазса.
- Джумушакъ терекни къурт ашар.
- Ауурну тюбю бла, дженгилни башы бла джюрюген.
- Башда акъыл болмаса, эки аякъгъа кюч джетер.
- Къулакъдан эсе, кёзге ышан.
- Билимли ёлмез, билимсиз кёрмез.
- Гитче джилтин уллу элни джандырыр.
- Тиширыусуз юй – отсуз от джагъа.
- Тойгъан джерден туугъан джер игиди.
- Къартны бурнун сюрт да, оноугъа тут.
- Мухар, кеси тойса да, кёзю тоймаз.
- Адам сёзюнден белгили.
- Ариу сёзде ауруу джокъ.
- Биреуню къыйынлыгъы бла кесинге джол ишлеме.
- Ёгюзню мюйюзюнден тутадыла, адамны сёзюнден тутадыла.
- Адеб джокъда, намыс джокъ.
- Эр сокъур болсун, къатын тилсиз болсун.
- Тили узунну, намысы – къысха.
- Аууз сакълагъан – джан сакълар.
- Элиб деген, элге болушур.
- Кесинг сынамагъан затны, адамгъа буюрма.
- Арбаз сайлама да, хоншу сайла.
- Билмейме деген – бир сёз
- Кёлю джокъну – джолу джокъ.
- Джолда аягъынга сакъ бол, ушакъда тилинге сакъ бол.
- Бойнуму джети джерден кессенг да, мен ол ишни этеллик тюлме.
- Эки элинги тыйсанг, джети элде махталырса.
- Ачыкъ джюрекге джол – ачыкъ.
- Ариуну – ауруу кёб.
- Тёрдеги кюлсе, эшикдеги ышарыр.
- Ашатыргъа иш – ашхы, ишлетирге аш – ашхы.
- Аманнга алтын чыдамаз.
- Сёлеш деб шай берген, тохта деб, сом берген.
- Тюзлюк шохлукъну бегитир.
- Кёб джат да, бек чаб.
- Чоюнну башы ачыкъ болса, итге уят керекди.
- Ёлген ийнек сютлю болур.
- Къошда джокъгъа – юлюш джокъ.
- Тамбла алтындан бюгюн багъыр ашхы.
- Халкъны джырын джырласанг, халкъ санга эжиу этер.
- Бал чибинни ургъаны – ачы, балы – татлы.
- Баш – акъыл ючюн, акъылман – халкъ ючюн.
- Къыз тиширыу кеси юйюнде да къонакъды.
- Тойгъан джерге джети къайт.
- Ойнай билмеген, оюн бузар.
- Сабыр джетер муратха, сабырсыз къалыр уятха.
- Биреуню тёрюнден, кесинги эшик артынг игиди.
- Къайгъыны сюйген, къайгъы табар.
Келигиз, тил байлыгъыбызны сакълайыкъ!
|
Девушка Гор
Мен 1.къласны сохтасы болуб окъурга разыем  былай арыу джомакъла джазатурсагьыз  |
|
|
|
|
|
tenebek
Тюзюн айтсам, кесим да разы эдим быллай китаб бла окъургъа.  |
|
|
|
|
|
Девушка Гор
Тюзюн айтсам, кесим да разы эдим быллай китаб бла окъургъа. Ол китабны мында табыб окъурга мадар джокъду  |
|
|
|
|
|
Алай бек окъурунг келе эсе офисге кел. Бизни да къуру бир китабыбыз барды.
|
|
|
|
|
 |
|
|
|
|
|
Пилигрим
Сау бол тенгим! Мен сагъыш эте тургъунчун суратны былайгъа салдынг!  |
|
|
|
|
|
Бу китабны тыш сураты ушайды. Ичинден джукъ джазарыгъыз кемеймиди?
|
|
|
|
|
 |
|
|
|
|
|
Акъыллычыкъ
Башлайбызмы дерсибизни? |
|
|
|
|
|
Девушка Гор
Къууанчлы джолгъа!!! |
|
|
|
|
|
Кергелен - къошулугъуз бизни дерсибизге, билмегенибизни айта турурсуз!
|
|
|
|
|
|
Девушка Гор
Шутки- шутками --21 джыл болгъан къызгъа ангылата турама 1 дерсигизни. |
|
|
|
|
|
Девушка Гор
Сала бер къызчыкъ! Къарыууму аямам ,билимими джашырмам! |
|
|
|
|
|
Аллах айтса, тамбла ишге баргъанлай салайым. Керти да къыйын джерлери барды, сизни болушлугъугъуз бек керекди. |
|
|
|
|
|
И бир сорайым, тюненеден бери къарайма ангыламайма бу суратда терек бла къазны ортасындагъына(крючок) къарачайча къалай айтадыла?
|
|
|
|
|
|
Акъыллычыкъ
Мени гипотезама кере , ол армакъды  Къалгъан къарачайлыла чабакъ ыргъакъ дейдиле. |
|
|
|
|
|
Ангыладым. Тюзюн айтайым, армакъ деген сезню биринчи кере эшитеме. Сора былайда ушаш сезле: чабакъ-армакъ- бармакъ. Бёрек- челек- терек. Таз-къаз, бола болурла деб турама.
|
|
|
|
|
|
Акъыллычыкъ
Аперим. |
|
|
|
|
|
Ий бир аитыгъыз, налдан сора суратчыкъ шарлыгъымыды, огъесе мен терсми кереме
|
|
|
|
|
|
всезнайка
Ий бир аитыгъыз, налдан сора суратчыкъ шарлыгъымыды, огъесе мен терсми кереме Алайды-алай |
|
|
|
|
 |
|
|
|
|
|
|
|
|
|
|
|
|
||||
|
|
|
|||
Читают тему (гостей: 2)