- Ач уят къоймаз.
- Къартны бурнун сюрт да, оноугъа тут.
- Эм ашхы къайын ана мамукъ бла башынгы тешер.
- Ариу сёз джыланны орнундан чыгъарыр.
- Чабар ат – джетген къыз.
- Нафысынгы айтханын этме, намысынгы айтханын эт.
- Адамны адамлыгъы къыйынлыкъда айгъакъланады.
- Къайтырыкъ эшигинги, къаты уруб чыкъма.
- Къошда джокъгъа – юлюш джокъ.
- От кюйдюрген, сау болса да, тот кюйдюрген, сау болмаз.
- Къаллай салам берсенг, аллай джууаб алырса.
- Кесине оноу эте билмеген, халкъына да эте билмез.
- Уллу суу бла уллу ауруудан башынгы сакъла.
- Ауругъанны сау билмез, ач къарынны токъ билмез.
- Къарнынг ауруса, ауузунгу тый
- Къобан да къуру да къобханлай турмайды, адам да къуру да патчахлай турмайды.
- Эшекге миннген – биринчи айыб, андан джыгъылгъан – экинчи айыб.
- Накъырданы арты керти болур.
- Ёгюзню мюйюзюнден тутадыла, адамны сёзюнден тутадыла.
- Ашхы тенг джолгъа салыр, аман тенг джолдан тайдырыр.
- Зар адам ашынгы ашар, кесинги сатар.
- Арпа, будай – ащды, алтын, кюмюш а – ташды.
- Къуллукъчума, деб махтанма, къуллукъ – хаух джамчыды!
- Эл тойса, тоймагъан, эл къойса, къоймагъан.
- Къонагъы джокъну – шоху джокъ.
- Юре билмеген ит, къонакъ келтирир.
- Аш берме да, къаш бер.
- Ашхы болсанг, атынг чыгъар, аман болсанг, джанынг чыгъар.
- Къыз келсе, джумуш эте келеди, къатын келсе, ушакъ эте келеди.
- Таш бла ургъанны, аш бла ур.
- Душманны тышы – акъ, ичи – къара.
- Ашын ашагъанынгы, башын да сыйла.
- Уллу айтханны этмеген – уллаймаз.
- Битмегеннге сакъал – танг.
- Ётюрюкчюню шагъаты – къатында.
- Термилгенинги табмазса, кюлгенинге тюберсе.
- Туз, гырджын аша, тюзлюк бла джаша.
- Аджал соруб келмез, келсе, къайтыб кетмез.
- Сютню башын джалагъан къутулур, тюбюн ичген тутулур.
- Элде адам къалмаса, ит тахтагъа минер.
- Бермеген къол, алмайды.
- Мухардан ач ычхынмаз.
- Тил – миллетни джаны.
- Окъугъан – асыу, окъумагъан – джарсыу.
- Асхат ашлыкъ сата, юйдегиси ачдан къата.
- Чомартны къолу берекет.
- Билеги кючлю, бирни джыгъар, билими кючлю, мингни джыгъар.
- Акъыл неден да кючлюдю.
- Окъдан джара эртде-кеч болса да бителир, сёз джара, ёмюрге къалыр.
- Кюн кёрмеген, кюн кёрсе, кюндюз чыракъ джандырыр.
Келигиз, тил байлыгъыбызны сакълайыкъ!
|
Девушка Гор
Мен 1.къласны сохтасы болуб окъурга разыем  былай арыу джомакъла джазатурсагьыз  |
|
|
|
|
|
tenebek
Тюзюн айтсам, кесим да разы эдим быллай китаб бла окъургъа.  |
|
|
|
|
|
Девушка Гор
Тюзюн айтсам, кесим да разы эдим быллай китаб бла окъургъа. Ол китабны мында табыб окъурга мадар джокъду  |
|
|
|
|
|
Алай бек окъурунг келе эсе офисге кел. Бизни да къуру бир китабыбыз барды.
|
|
|
|
|
 |
|
|
|
|
|
Пилигрим
Сау бол тенгим! Мен сагъыш эте тургъунчун суратны былайгъа салдынг!  |
|
|
|
|
|
Бу китабны тыш сураты ушайды. Ичинден джукъ джазарыгъыз кемеймиди?
|
|
|
|
|
 |
|
|
|
|
|
Акъыллычыкъ
Башлайбызмы дерсибизни? |
|
|
|
|
|
Девушка Гор
Къууанчлы джолгъа!!! |
|
|
|
|
|
Кергелен - къошулугъуз бизни дерсибизге, билмегенибизни айта турурсуз!
|
|
|
|
|
|
Девушка Гор
Шутки- шутками --21 джыл болгъан къызгъа ангылата турама 1 дерсигизни. |
|
|
|
|
|
Девушка Гор
Сала бер къызчыкъ! Къарыууму аямам ,билимими джашырмам! |
|
|
|
|
|
Аллах айтса, тамбла ишге баргъанлай салайым. Керти да къыйын джерлери барды, сизни болушлугъугъуз бек керекди. |
|
|
|
|
|
И бир сорайым, тюненеден бери къарайма ангыламайма бу суратда терек бла къазны ортасындагъына(крючок) къарачайча къалай айтадыла?
|
|
|
|
|
|
Акъыллычыкъ
Мени гипотезама кере , ол армакъды  Къалгъан къарачайлыла чабакъ ыргъакъ дейдиле. |
|
|
|
|
|
Ангыладым. Тюзюн айтайым, армакъ деген сезню биринчи кере эшитеме. Сора былайда ушаш сезле: чабакъ-армакъ- бармакъ. Бёрек- челек- терек. Таз-къаз, бола болурла деб турама.
|
|
|
|
|
|
Акъыллычыкъ
Аперим. |
|
|
|
|
|
Ий бир аитыгъыз, налдан сора суратчыкъ шарлыгъымыды, огъесе мен терсми кереме
|
|
|
|
|
|
всезнайка
Ий бир аитыгъыз, налдан сора суратчыкъ шарлыгъымыды, огъесе мен терсми кереме Алайды-алай |
|
|
|
|
 |
|
|
|
|
|
|
|
|
|
|
|
|
||||
|
|
|
|||
Читают тему (гостей: 4)