- Ауузу аманнга «иги», деме.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Урама да – ёледи, сатама да – келеди.
- Мал тутхан – май джалар.
- Юреннген ауруу къалмаз.
- Уллу къашыкъ эрин джыртар.
- Баш болса, бёрк табылыр.
- Къан бла кирген, джан бла чыгъар.
- Къыз келсе, джумуш эте келеди, къатын келсе, ушакъ эте келеди.
- Эки итни арасына сюек атма, эки адамны арасында сёз чыгъарма.
- Иги сёз – джаннга азыкъ, аман сёз башха – къазыкъ.
- Сакъ юйюне сау барыр.
- Джарлы джети элни сёзюн этер.
- Билими азны – ауузунда кирит.
- Термилгенинги табмазса, кюлгенинге тюберсе.
- Тешик этген тынчды, аны джамагъан къыйынды.
- Аджашханны ызындагъы кёреди, джангылгъанны джанындагъы биледи.
- Ач, тоймам, дейди, тойгъан, ач болмам, дейди.
- Итли къонакъ джарашмаз.
- Билмезни кёзю кёрмез, этмезни къулагъы эшитмез.
- Ата Джуртуму башы болмасам да, босагъасында ташы болайым.
- Ауругъан – джашаудан умутчу.
- Айтылгъан сёз ызына къайтмаз.
- Олтуруб кёрюнмей эди да, ёрге туруб кёрюне эди.
- Тил бла келеди джыр да.
- Азыгъы аз, алгъа къабар, аты аман, алгъа чабар.
- Башы джабылгъан челекге, кир тюшмез.
- Шапа кёб болса, аш татымсыз болур.
- Билеги кючлю, бирни джыгъар, билими кючлю, мингни джыгъар.
- Сибиртки да сыйлы болду, кюрек да кюнлю болду.
- Кёрмегеннге кебек – танг, битмегеннге сакъал – танг.
- Кёкдеги болмаса, джердегин кёрмейди.
- Нёгерсизни джолу узун.
- Ичимден чыкъды хата, къайры барайым сата?
- Акъыллы – эл иеси, тели – эл баласы.
- Чоюнну башы ачыкъ болса, итге уят керекди.
- Гыдай эчки суугъа къараб, мюйюзле кёрмесе, джашма алкъын, дегенди.
- Халкъны джырын джырласанг, халкъ санга эжиу этер.
- Биреу къой излей, биреу той излей.
- Борчунг бар эсе, хурджунунга ойлаб узал.
- Чомартха хар кюн да байрамды.
- Кесинге джетмегенни, кёб сёлешме.
- Артына баргъанны, къатына барма.
- Чыбыкълыкъда бюгюлмеген, къазыкълыкъда бюгюлмей эди.
- Билмегенинги, билгеннге сор.
- Намысы джокъну – дуниясы джокъ.
- Бермеген къол, алмайды.
- Эшекни не къадар тюйсенг да, ат болмаз.
- Хар сёзню орну барды.
- Чакъырылмай келген къонакъ сыйланмай кетер.
Келигиз, тил байлыгъыбызны сакълайыкъ!
|
Девушка Гор
Мен 1.къласны сохтасы болуб окъурга разыем  былай арыу джомакъла джазатурсагьыз  |
|
|
|
|
|
tenebek
Тюзюн айтсам, кесим да разы эдим быллай китаб бла окъургъа.  |
|
|
|
|
|
Девушка Гор
Тюзюн айтсам, кесим да разы эдим быллай китаб бла окъургъа. Ол китабны мында табыб окъурга мадар джокъду  |
|
|
|
|
|
Алай бек окъурунг келе эсе офисге кел. Бизни да къуру бир китабыбыз барды.
|
|
|
|
|
 |
|
|
|
|
|
Пилигрим
Сау бол тенгим! Мен сагъыш эте тургъунчун суратны былайгъа салдынг!  |
|
|
|
|
|
Бу китабны тыш сураты ушайды. Ичинден джукъ джазарыгъыз кемеймиди?
|
|
|
|
|
 |
|
|
|
|
|
Акъыллычыкъ
Башлайбызмы дерсибизни? |
|
|
|
|
|
Девушка Гор
Къууанчлы джолгъа!!! |
|
|
|
|
|
Кергелен - къошулугъуз бизни дерсибизге, билмегенибизни айта турурсуз!
|
|
|
|
|
|
Девушка Гор
Шутки- шутками --21 джыл болгъан къызгъа ангылата турама 1 дерсигизни. |
|
|
|
|
|
Девушка Гор
Сала бер къызчыкъ! Къарыууму аямам ,билимими джашырмам! |
|
|
|
|
|
Аллах айтса, тамбла ишге баргъанлай салайым. Керти да къыйын джерлери барды, сизни болушлугъугъуз бек керекди. |
|
|
|
|
|
И бир сорайым, тюненеден бери къарайма ангыламайма бу суратда терек бла къазны ортасындагъына(крючок) къарачайча къалай айтадыла?
|
|
|
|
|
|
Акъыллычыкъ
Мени гипотезама кере , ол армакъды  Къалгъан къарачайлыла чабакъ ыргъакъ дейдиле. |
|
|
|
|
|
Ангыладым. Тюзюн айтайым, армакъ деген сезню биринчи кере эшитеме. Сора былайда ушаш сезле: чабакъ-армакъ- бармакъ. Бёрек- челек- терек. Таз-къаз, бола болурла деб турама.
|
|
|
|
|
|
Акъыллычыкъ
Аперим. |
|
|
|
|
|
Ий бир аитыгъыз, налдан сора суратчыкъ шарлыгъымыды, огъесе мен терсми кереме
|
|
|
|
|
|
всезнайка
Ий бир аитыгъыз, налдан сора суратчыкъ шарлыгъымыды, огъесе мен терсми кереме Алайды-алай |
|
|
|
|
 |
|
|
|
|
|
|
|
|
|
|
|
|
||||
|
|
|
|||
Читают тему (гостей: 3)