Войти на сайт
30 Июня  2026 года

 

  • Ана кёлю – балада, бала кёлю – талада.
  • Чабар ат – джетген къыз.
  • Тай асырагъан, атха минер.
  • Юй кюйдю да, кюйюз чыкъды, ортасындан тюйюш чыкъды.
  • Аманны къуугъан, аманлыкъ табар.
  • Тыш элде солтан болгъандан эсе, кесинги элде олтан болгъан игиди!
  • Байлыкъ адамны сокъур этер.
  • Къатын байлыкъны сюер, эр саулукъну сюер.
  • Къобан да къуру да къобханлай турмайды, адам да къуру да патчахлай турмайды.
  • Кёрмегеннге кебек – танг, битмегеннге сакъал – танг.
  • Кийимни бичсенг, кенг бич, тар этген къыйын тюлдю.
  • Олтуруб кёрюнмей эди да, ёрге туруб кёрюне эди.
  • Ишленмеген джаш – джюгенсиз ат, ишленмеген къыз – тузсуз хант.
  • Байлыкъ келсе, акъыл кетер.
  • Къарнынг ауруса, ауузунгу тый
  • Чомарт бергенин айтмаз.
  • Билмезни кёзю кёрмез, этмезни къулагъы эшитмез.
  • Къоркъакъны кёзю экили кёрюр.
  • Чомарт джарлы болмаз.
  • Бозанг болмагъан джерге, къалагъынгы сукъма.
  • Къарын къуру болса, джюрек уру болур.
  • Иги джашны ышаны – аз сёлешиб, кёб тынгылар.
  • Къонакъ хазыр болгъанлыкъгъа, къонакъбай хазыр тюлдю.
  • Башы ишлегенни, ауузу да ишлер.
  • Тёзген – тёш ашар!
  • От кюйдюрген, сау болса да, тот кюйдюрген, сау болмаз.
  • Къыз тиширыу кеси юйюнде да къонакъды.
  • Алма терегинден кери кетмез.
  • Игилик игилик бла сингдирилиучю затды.
  • Баланы адам этген анады.
  • Дженгил джетерикме деб, узун джолну къоюб, къысхасын барма.
  • Мухардан ач ычхынмаз.
  • Ашхы атаны – джашы ашхы, ашхы ананы – къызы ашхы.
  • Таугъа чыгъаллыкъ эсенг, тюзде къалма.
  • Билген билмегенни юретген адетди.
  • Зар адамны насыбы болмаз.
  • Кёл – къызбай, къол – батыр.
  • Аджашханны ызындагъы кёреди, джангылгъанны джанындагъы биледи.
  • Сууда джау джокъ, кёб сёзде магъана джокъ.
  • Экеулен сёлеше тура эселе, орталарына барыб кирме.
  • Айтхан сёзюне табылгъан.
  • Чомарт къолда мал къалмаз.
  • Суу ичген шауданынга тюкюрме.
  • Мадар болса, къадар болур.
  • Ойнай билмеген, оюн бузар.
  • Айранын берсенг, челегин да къызгъанма.
  • Джол бла сёзню къыйыры джокъ.
  • Аманнга да, игиге да оноусуз къатышма.
  • Къая джолда джортма, ачыкъ сёзден къоркъма.
  • Кюлме джашха – келир башха.

 

Страницы: Пред. 1 ... 45 46 47 48 49 ... 62 След.
RSS
Келигиз, тил байлыгъыбызны сакълайыкъ!
 
Акъыллычыкъ
Анга уа сагъыш да этмегенме.
Къыйын кроссворд болуб чыкъды тоба.
 
Джангы бетни саламамы? Огъесе?
 
Девушка Гор
сакълаибыз!
 
всезнайка
о кет кет ары не кыйын китап ды ол. Башым ауруду биз былай кыйналган джарлы балала не етсинле?
 
Asya

всезнайка
о кет кет ары не кыйын китап ды ол. Башым ауруду биз былай кыйналган джарлы балала не етсинле?

Балала уа окуудан тюнгюлюб тура болурла.Биринчи классгъа баргъанымда, юиге келгенимеде-"Къалай эди школда", -деб соргъанларында
-"Устазыбыз джукъ билмей бизге соруула соруб турады",-деб джууаблагъанма
 
 
всезнайка
Балала уа окуудан тюнгюлюб тура болурла.Биринчи классгъа баргъанымда, юиге келгенимеде-"Къалай эди школда", -деб соргъанларында
-"Устазыбыз джукъ билмей бизге соруула соруб турады",-деб джууаблагъанма


Кертида, сабийлени кёбюсюню кёллерине алай келе болурму дейме. Кёб болмайын, эгешчигими школгъа элтгенме да, сора устазы тарыгъады, биле тургъанлай къолун кёлтюрюб джукъ айтмайды деб. Сабий 1-чи классда окъуду. Сора сорама: Нек этесе алай, билмеймисе соруулагъа джууаб,- деб.
-А не, бизге сормаса устаз кеси билмеймиди, - деди къызчыкъ.
 
Девушка Гор
А не, бизге сормаса устаз кеси билмеймиди, - деди къызчыкъ.


тамам кесиме ушагъан иги аитханды.
бу бурунланы уа -узун бурундан къалгъанланы танымаима. анга да цапля дерим келеди, къаргъа , къуш, барыб ир-эки ассоциация оинаиым. анс сагъыш эталмаима кечегиде
 
-А не, бизге сормаса устаз кеси билмеймиди, - деди къызчыкъ.
 
всезнайка
бу бурунланы уа -узун бурундан къалгъанланы танымаима. анга да цапля дерим келеди, къаргъа , къуш, барыб ир-эки ассоциация оинаиым. анс сагъыш эталмаима кечегиде
Сакълайбыз!
 
Биринчи бурун - къушнукъу болурму Ушайды.
 
мен тюркче адларын айтайым.
1-Куш
2-Ёрдек
3-Карга
4-Балыкчыл
 
Asya
Джаша.

Энди къарачайда джашагъан сохталаны джууабларын сакълайбыз!

Къачаннга дери тагъыллыкъды?
 
Тоба, бурунланы иелерин табалмай, бек къыйналдыкъ дейме.
 
Эм узун бурун - аист болур не? Къарачайча къалай айтадыла нга ансын?
 
Салам джамагъат!
Тели болдум сакълай.

1.Уку--филин.
2.Чаука---галка.
3.Чилле---цапля.
4.Чыгырбаш--белоголовый сип.

Бу мени гипотезамды, бир къарангы къарт къарачай тыширыуну.
Джаш алимле , мени тюзетигиз !
 
Кергелен
.Уку--филин.
2.Чаука---галка.
3.Чилле---цапля.
4.Чыгырбаш--белоголовый сип.

Бурунланы ийелеримидиле, огъесе кроссвордха джууабламыдыла?
 
всезнайка
Кроссводха бурунланы иелеридиле деб келиштргенме.
 
Кергелен
Чыгырбаш
Уку
Быллай сёзлени биринчи кере эшитеме, тюзюн айтайым.
 
Джангы дерс салынса да боллукъ эди, башыбызны ишлетирге кбреширик эдик.
 
Акъыллычыкъ
Джангы дерс салынса да боллукъ эди, башыбызны ишлетирге кбреширик эдик.


Сен да джаратмадынгмы бурунланы?
 
Англамадым, сизми джаратмайсыз бурунланы,огъосе бурунла сизними джаратмайдыла.

Къалай эседа харсыгъыз келмейди.
 
Кергелен
Англамадым, сизми джаратмайсыз бурунланы,огъосе бурунла сизними джаратмайдыла.

Биз аланы джараталмаибыз, ансы ала уа джаратырыкъ болур эдиле-къыиналсала да
 
всезнайка
Смайликлеринге ушагъын.
 
Кергелен
всезнайка
Смайликлеринге ушагъын.

Чынты культурно кюлгенлигимди, кесими бошламаиын
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 45 46 47 48 49 ... 62 След.
Читают тему (гостей: 6)

 

Написать нам