- Чакъырылмагъан къонакъ – орунсуз.
- Тилчиден кери бол.
- Бети бедерден, намыс сакълама.
- Азыгъы аз, алгъа къабар, аты аман, алгъа чабар.
- Юй ишлеген балта эшикде къалыр.
- Байлыкъ болгъан джерде, тынчлыкъ джокъду.
- Узун джолну барсанг, бюгюн келирсе, къысха джолну барсанг, тамбла келирсе.
- Ишлегенден, къарагъан уста.
- Сакъламагъан затынга джолукъсанг, не бек къууанаса, не бек ачыйса.
- Акъыл бла адеб эгизледиле.
- Ашда – бёрю, ишде – ёлю.
- Телиге акъыл салгъандан эсе, ёлгеннге джан салырса.
- Ёлген эшек бёрюден къоркъмайды.
- Хантына кёре тузу, юйюне кёре къызы.
- Эшекге миннген – биринчи айыб, андан джыгъылгъан – экинчи айыб.
- Джаралыны джастыгъында сау ёлюр.
- Айтхан сёзюне табылгъан.
- Аз айтсам, кёб ангылагъыз.
- Эл тойса, тоймагъан, эл къойса, къоймагъан.
- Кийимни бичсенг, кенг бич, тар этген къыйын тюлдю.
- Ауругъаннга – кийик саулукъ, джетген къызгъа – чилле джаулукъ.
- Адам боллукъ, атламындан белгили болур.
- Чакъырылмагъан джерге барма, чакъырылгъан джерден къалма.
- Бет бетге къараса, бет да джерге къарар.
- Бир абыннган – минг сюрюнюр.
- Ана къойну – балагъа джандет.
- Хар адамгъа кеси миннген тау кибик.
- Тёзген – тёш ашар!
- Ариу – кёзге, акъыл – джюрекге.
- Ханнга да келеди хариблик.
- Ат да турмайды бир териде.
- Эки итни арасына сюек атма, эки адамны арасында сёз чыгъарма.
- Тил джюрекге джол ишлейди.
- Акъылсызны джууукъгъа алма, акъыллыны кенгнге салма.
- Къралынгы – душмандан, башынгы от бла суудан сакъла.
- Чомартха хар кюн да байрамды.
- Адебсиз адам – джюгенсиз ат.
- Биреуге аманлыкъ этиб, кесинге игилик табмазса.
- Тик ёргени, тик энгишгеси да болады.
- Аман киши кеси юйюнде – къонакъ.
- Юйюнг бла джау болгъандан эсе, элинг бла джау бол.
- Кюл тюбюндеги от кёрюнмейди.
- Телини эшигин, махтау джабар.
- Аз сёлешген, къайгъысыз турур.
- Керти сёзге тёре джокъ.
- Ёгюзню мюйюзлери ауурлукъ этмейдиле.
- Баш болса, бёрк табылыр.
- Кёбден умут этиб, аздан къуру къалма.
- Уллу атлама – абынырса, уллу къабма – къарылырса.
- Ашхы тенг джолгъа салыр, аман тенг джолдан тайдырыр.
Келигиз, тил байлыгъыбызны сакълайыкъ!
|
Я Субхан Аллах! Къоркъгъан этеме!
Неужели все так запущено.?  |
|
|
|
|
|
Кергелен
Я Субхан Аллах! Къоркъгъан этеме! Неужели все так запущено.? Не затды Сизни къоркъутхан? Псимля, псимля дегиз  |
|
|
|
|
|
всезнайка
Ийнан къызчыкъ, Псимлядан ....... Халыуа, халыуа, халыуа --деб тургъанлыкъгъа аузунгда халыуаны татыун англамайса да. |
|
|
|
|
|
Кергелен
всезнайка Ийнан къызчыкъ, Псимлядан ....... Халыуа, халыуа, халыуа --деб тургъанлыкъгъа аузунгда халыуаны татыун англамайса да. Аллах аитса, хар неда таб боллукъду  |
|
|
|
|
|
Цветной халуа дегенинг? Мен аллай эшитмегенме, ол да эртдеден келгенмиди, огъесе джангы затмыды?
|
|
|
|
|
|
Акъыллычыкъ
Цветной халуа дегенинг? Мен да биле болмазмамы дейме... |
|
|
|
|
|
Четен халыуаны эте билеме мен. Бал къуюлгъунчун ол бишген тылыны ашаргъа сюеме, шекери да болмагъанлыкъгъа бир татлы болады...
|
|
|
|
|
|
Кергелен
всезнайка Акъыллычыкъ Машалла сизге къызла  билмегенигиз джокъду  Аллах айтыб, былайда джазылгъанланы окъуб, джаш тёлюбюз бир эс джыярыкъ эсе уа. |
|
|
|
|
|
Эм маджаллары уа -четен халыуа
Алайды, алай. Иги эди бусагъатда къызла эте биле эселе халыуа  |
|
|
|
|
|
Сорвиголова
Иги эди бусагъатда къызла эте биле эселе халыуа КАНИШНА,дагъыда партнойлугъумда барды(с)"Хамамны директору" Машалла-де.  |
|
|
|
|
|
Бу аламат къызлагъа бир къара!!! Къайсы джерде бардыла былай адетни, тилни, джумушну да билген къызла?!!
|
|
|
|
|
|
всезнайка
Уялгъан кибик этеийм? |
|
|
|
|
|
Эртденигиз ашхы болсун, аланла! Къапакъ деген сёзню магъанасы къалай болады, ангылатсагъыз а
|
|
|
|
|
|
Сёз ючюн:Аны юию къапхан башындады, т.е. джар башында
Две разные вещи---овраг и пригорок |
|
|
|
|
|
Кергелен-
 Правка этдим, воть |
|
|
|
|
|
всезнайка
Ма аламат болду, ансы къайсы солагъай болсада окъуса ,кертда деб джар башина юйюн чончайтмасын.  |
|
|
|
|
|
Кергелен
всезнайка Ма аламат болду, ансы къайсы солагъай болсада окъуса ,кертда деб джар башина юйюн чончайтмасын. Ышаныу джокъду. Менича бир табылыб къалыргъа да болур |
|
|
|
|
|
Ангыладым, сау болугъуз. Тебердиде аллай джер барды, къапакъ башы, соргъанлыгъыма киши ангылатмайды магъанасын.
|
||||
|
|
|
|||
Читают тему (гостей: 7)