- Айыбны суу бла джууалмазса.
- Джыланны къуйругъундан басарынг келсе, аны башы болгъанын унутма.
- Сагъыш – къартлыкъгъа сюйюмчю.
- Тили узунну, намысы – къысха.
- Чоюнну башы ачыкъ болса, итге уят керекди.
- Къарыусузгъа кюлме, онгсузгъа тийме.
- Ушамагъан – джукъмаз.
- Тенгинг джокъ эсе – изле, бар эсе – сакъла!
- Чакъырылмагъан къонакъ къачан кетерин сормаз.
- Сёз къанатсыз учар.
- Аджашханны ызындагъы кёреди, джангылгъанны джанындагъы биледи.
- Билген билмегенни юретген адетди.
- Эте билген, этген этеди, эте билмеген, юретген этеди!
- Кесинге джетмегенни, кёб сёлешме.
- Иги – алгъыш этер, аман – къаргъыш этер.
- Ач бёрюге мекям джокъ.
- «Ма», - дегенни билмесенг, «бер», - дегенни билмезсе.
- Эки къатын алгъан – эки ташны ортасына башын салгъан.
- Билеги кючлю, бирни джыгъар, билими кючлю, мингни джыгъар.
- Дуния мал дунияда къалады.
- Таякъ этден ётер, тил сюекден ётер.
- Таукел къуру къалмаз.
- Ётюрюк хапар аякъ тюбю бла джюрюйдю.
- Башланнган иш битер, къымылдагъан тиш тюшер.
- Босагъа таш юйге кирмей эди, тыбыр таш эшикге чыкъмай эди.
- Къатыны харакетли болса, эри къымсыз болур.
- Экеу тутушса, биреу джыгъылыр.
- Тойгъандан сора, ашны сёкме.
- Тёрени джагъы джокъ.
- Джуртун къоругъан озар.
- Ётюрюкден тюбю джокъ, кёлтюрюрге джиби джокъ.
- Ачлыкъ отха секиртир.
- Къуру гыбыт бек дыгъырдар.
- Джан саулукъ бермей, сан саулукъ бермезсе.
- Окъдан джара эртде-кеч болса да бителир, сёз джара, ёмюрге къалыр.
- Огъурлуну сёзю – суу, огъурсузну сёзю – уу.
- Чакъырылмагъан джерге барма, чакъырылгъан джерден къалма.
- Къарын къуру болса, джюрек уру болур.
- Азыкъ аз болса, эртде орун сал.
- Келинин тута билмеген, къул этер, къызын тута билмеген, тул этер.
- Тенгни тенглиги джашай барсанг билинир.
- Рысхы – сют юсюнде кёмюк кибикди.
- Эки элинги тыйсанг, джети элде махталырса.
- Чабакъсыз кёлге къармакъ салгъанлыкъгъа, чабакъ тутмазса.
- Акъыл аздырмаз, билим тоздурмаз.
- Аман адамны тепсинге олтуртсанг, къызынгы тилер.
- Бал ашаргъа сюе эсенг, чибин ургъаннга тёз.
- Сютден ауузу кюйген, суугъа юфгюре эди.
- Тамырсыз терекге таянма – джыгъылырса.
- Тил джюрекге джол ишлейди.
Келигиз, тил байлыгъыбызны сакълайыкъ!
|
Я Субхан Аллах! Къоркъгъан этеме!
Неужели все так запущено.?  |
|
|
|
|
|
Кергелен
Я Субхан Аллах! Къоркъгъан этеме! Неужели все так запущено.? Не затды Сизни къоркъутхан? Псимля, псимля дегиз  |
|
|
|
|
|
всезнайка
Ийнан къызчыкъ, Псимлядан ....... Халыуа, халыуа, халыуа --деб тургъанлыкъгъа аузунгда халыуаны татыун англамайса да. |
|
|
|
|
|
Кергелен
всезнайка Ийнан къызчыкъ, Псимлядан ....... Халыуа, халыуа, халыуа --деб тургъанлыкъгъа аузунгда халыуаны татыун англамайса да. Аллах аитса, хар неда таб боллукъду  |
|
|
|
|
|
Цветной халуа дегенинг? Мен аллай эшитмегенме, ол да эртдеден келгенмиди, огъесе джангы затмыды?
|
|
|
|
|
|
Акъыллычыкъ
Цветной халуа дегенинг? Мен да биле болмазмамы дейме... |
|
|
|
|
|
Четен халыуаны эте билеме мен. Бал къуюлгъунчун ол бишген тылыны ашаргъа сюеме, шекери да болмагъанлыкъгъа бир татлы болады...
|
|
|
|
|
|
Кергелен
всезнайка Акъыллычыкъ Машалла сизге къызла  билмегенигиз джокъду  Аллах айтыб, былайда джазылгъанланы окъуб, джаш тёлюбюз бир эс джыярыкъ эсе уа. |
|
|
|
|
|
Эм маджаллары уа -четен халыуа
Алайды, алай. Иги эди бусагъатда къызла эте биле эселе халыуа  |
|
|
|
|
|
Сорвиголова
Иги эди бусагъатда къызла эте биле эселе халыуа КАНИШНА,дагъыда партнойлугъумда барды(с)"Хамамны директору" Машалла-де.  |
|
|
|
|
|
Бу аламат къызлагъа бир къара!!! Къайсы джерде бардыла былай адетни, тилни, джумушну да билген къызла?!!
|
|
|
|
|
|
всезнайка
Уялгъан кибик этеийм? |
|
|
|
|
|
Эртденигиз ашхы болсун, аланла! Къапакъ деген сёзню магъанасы къалай болады, ангылатсагъыз а
|
|
|
|
|
|
Сёз ючюн:Аны юию къапхан башындады, т.е. джар башында
Две разные вещи---овраг и пригорок |
|
|
|
|
|
Кергелен-
 Правка этдим, воть |
|
|
|
|
|
всезнайка
Ма аламат болду, ансы къайсы солагъай болсада окъуса ,кертда деб джар башина юйюн чончайтмасын.  |
|
|
|
|
|
Кергелен
всезнайка Ма аламат болду, ансы къайсы солагъай болсада окъуса ,кертда деб джар башина юйюн чончайтмасын. Ышаныу джокъду. Менича бир табылыб къалыргъа да болур |
|
|
|
|
|
Ангыладым, сау болугъуз. Тебердиде аллай джер барды, къапакъ башы, соргъанлыгъыма киши ангылатмайды магъанасын.
|
||||
|
|
|
|||
Читают тему (гостей: 2)