- Юреннген ауруу къалмаз.
- Телиге от эт десенг, юйюнге от салыр.
- Тил бла келеди джыр да.
- Окъугъан озар, окъумагъан тозар.
- Джылар джаш, атасыны сакъалы бла ойнар.
- Къумурсхала джыйылсала, пилни да джыгъадыла.
- Ачлыкъда тары гырджын халыуадан татлы.
- Къулакъдан эсе, кёзге ышан.
- Кийимни бичсенг, кенг бич, тар этген къыйын тюлдю.
- Ариу сёз аурууунгу алыр.
- Намысы джокъну – дуниясы джокъ.
- Къарт айтханны этмеген, къартаймаз.
- Артына баргъанны, къатына барма.
- Ёксюзню тилеги къабыл болур.
- Нёгерсизни джолу узун.
- Аджаллыгъа окъсуз шкок атылыр.
- Къонакъ аз олтурур, кёб сынар.
- Байлыкъ келсе, акъыл кетер.
- Адам боллукъ, атламындан белгили болур.
- Билимден уллу байлыкъ джокъду.
- Тилде сюек болмаса да, сюек сындырыр.
- Къайтырыкъ эшигинги, къаты уруб чыкъма.
- Ашыкъгъанны этеги бутуна чырмалыр.
- Джашынгы кесинг юретмесенг, джашау юретир.
- Аманнга игилик этсенг, юйюнге сау бармазса.
- Игиге айтсанг – билир, аманнга айтсанг – кюлюр.
- Билимли ёлмез, билимсиз кёрмез.
- Кийиминг бла танылма, адамлыкъ бла таныл.
- Кесине гебен этелмеген, биреуге черен эте эди.
- Къонакъ болсанг, ийнакъ бол.
- Кёб къычыргъандан – къоркъма, тынч олтургъандан – къоркъ.
- Аман адамны тепсинге олтуртсанг, къызынгы тилер.
- Адамны бетине къарама, адетине къара.
- Ана къолу ачытмаз.
- Тойгъандан сора, ашны сёкме.
- Хантына кёре тузу, юйюне кёре къызы.
- Арпа, будай – ащды, алтын, кюмюш а – ташды.
- Башы ишлегенни, ауузу да ишлер.
- Ашхы адам – халкъ байлыгъы, ашхы джер – джашау байлыгъы.
- Къууут – джелге, берне – бошха.
- Джыланны къуйругъундан басарынг келсе, аны башы болгъанын унутма.
- Бастасын ашагъан, хантусун да ичер.
- Къонагъы джокъну – шоху джокъ.
- Эл ауузу – элек, анга ийнаннган – халек.
- Аджал соруб келмез, келсе, къайтыб кетмез.
- Сабий болмагъан джерде, мёлек болмаз.
- Къызбайны юйюне дери сюрсенг, батыр болур.
- Къартха ушагъан джаш – акъыллы, джашха ушагъан къарт – тели.
- Эли джокъну – кёлю джокъ.
- Ётюрюкден тюбю джокъ, кёлтюрюрге джиби джокъ.
Келигиз, тил байлыгъыбызны сакълайыкъ!
|
Я Субхан Аллах! Къоркъгъан этеме!
Неужели все так запущено.?  |
|
|
|
|
|
Кергелен
Я Субхан Аллах! Къоркъгъан этеме! Неужели все так запущено.? Не затды Сизни къоркъутхан? Псимля, псимля дегиз  |
|
|
|
|
|
всезнайка
Ийнан къызчыкъ, Псимлядан ....... Халыуа, халыуа, халыуа --деб тургъанлыкъгъа аузунгда халыуаны татыун англамайса да. |
|
|
|
|
|
Кергелен
всезнайка Ийнан къызчыкъ, Псимлядан ....... Халыуа, халыуа, халыуа --деб тургъанлыкъгъа аузунгда халыуаны татыун англамайса да. Аллах аитса, хар неда таб боллукъду  |
|
|
|
|
|
Цветной халуа дегенинг? Мен аллай эшитмегенме, ол да эртдеден келгенмиди, огъесе джангы затмыды?
|
|
|
|
|
|
Акъыллычыкъ
Цветной халуа дегенинг? Мен да биле болмазмамы дейме... |
|
|
|
|
|
Четен халыуаны эте билеме мен. Бал къуюлгъунчун ол бишген тылыны ашаргъа сюеме, шекери да болмагъанлыкъгъа бир татлы болады...
|
|
|
|
|
|
Кергелен
всезнайка Акъыллычыкъ Машалла сизге къызла  билмегенигиз джокъду  Аллах айтыб, былайда джазылгъанланы окъуб, джаш тёлюбюз бир эс джыярыкъ эсе уа. |
|
|
|
|
|
Эм маджаллары уа -четен халыуа
Алайды, алай. Иги эди бусагъатда къызла эте биле эселе халыуа  |
|
|
|
|
|
Сорвиголова
Иги эди бусагъатда къызла эте биле эселе халыуа КАНИШНА,дагъыда партнойлугъумда барды(с)"Хамамны директору" Машалла-де.  |
|
|
|
|
|
Бу аламат къызлагъа бир къара!!! Къайсы джерде бардыла былай адетни, тилни, джумушну да билген къызла?!!
|
|
|
|
|
|
всезнайка
Уялгъан кибик этеийм? |
|
|
|
|
|
Эртденигиз ашхы болсун, аланла! Къапакъ деген сёзню магъанасы къалай болады, ангылатсагъыз а
|
|
|
|
|
|
Сёз ючюн:Аны юию къапхан башындады, т.е. джар башында
Две разные вещи---овраг и пригорок |
|
|
|
|
|
Кергелен-
 Правка этдим, воть |
|
|
|
|
|
всезнайка
Ма аламат болду, ансы къайсы солагъай болсада окъуса ,кертда деб джар башина юйюн чончайтмасын.  |
|
|
|
|
|
Кергелен
всезнайка Ма аламат болду, ансы къайсы солагъай болсада окъуса ,кертда деб джар башина юйюн чончайтмасын. Ышаныу джокъду. Менича бир табылыб къалыргъа да болур |
|
|
|
|
|
Ангыладым, сау болугъуз. Тебердиде аллай джер барды, къапакъ башы, соргъанлыгъыма киши ангылатмайды магъанасын.
|
||||
|
|
|
|||
Читают тему (гостей: 1)