Войти на сайт
11 Мая  2026 года

 

  • Чомартха Тейри да борчлуду.
  • Джарлы джети элни сёзюн этер.
  • Мени джылытмагъан кюн, меннге тиймесин!
  • Тюз сёз баргъан сууну тыяр.
  • Башланнган иш битер, къымылдагъан тиш тюшер.
  • Аман адамны тепсинге олтуртсанг, къызынгы тилер.
  • Тынгылагъан тынгы бузар.
  • Суу да къайтады чыкъгъан джерине.
  • Тау башында, тау болмаз, джангыз терек, бау болмаз.
  • Джерни букъусу кёкге къонмаз.
  • Ашарыкъда сайлагъаннга – чий гырджын.
  • Тилчи тилден къаныкъмаз.
  • Акъыл къартда, джашда тюйюлдю – башдады.
  • Айыбны суу бла джууалмазса.
  • Къыйынлы джети элге оноу этер.
  • Аманны къуугъан, аманлыкъ табар.
  • Аз айтсам, кёб ангылагъыз.
  • Хар зат кесини орнуна иги.
  • Тюзлюк шохлукъну бегитир.
  • Этим кетсе да, сюегим къалыр.
  • Бал ашаргъа сюе эсенг, чибин ургъаннга тёз.
  • Джарлыны эшигин махтагъан джабар.
  • Эри аманны, къатыны – аман.
  • Баланы адам этген анады.
  • Аджаллыгъа окъсуз шкок атылыр.
  • Хар ишни да аллы къыйынды.
  • Аман къатын сабий табса, бий болур…
  • Эр сокъур болсун, къатын тилсиз болсун.
  • Эллинг бла джау болсанг да, юйюнг бла джау болма.
  • Эрине къаргъыш этген къатын, эрнин къабар.
  • Бойнуму джети джерден кессенг да, мен ол ишни этеллик тюлме.
  • Бир абыннган – минг сюрюнюр.
  • Тенги кёбню джау алмаз, акъылы кёбню дау алмаз.
  • Тай асырагъан, атха минер.
  • Зарда марда джокъ.
  • Билмезни кёзю кёрмез, этмезни къулагъы эшитмез.
  • Гитче джилтин уллу элни джандырыр.
  • Чакъырылмагъан къонакъ къачан кетерин сормаз.
  • Иги джашны ышаны – аз сёлешиб, кёб тынгылар.
  • Кёзю сокъурдан – къоркъма, кёлю сокъурдан – къоркъ.
  • Чакъырылмагъан къонакъ – орунсуз.
  • Аманны тукъумуна къарама, игини тукъумун сорма.
  • Байны оноуу, джарлыгъа джарамаз.
  • Джюрекден джюрекге джол барды.
  • Ётюрюкчюню шагъаты – къатында.
  • Ишленмеклик адамлыкъды.
  • Ач да бол, токъ да бол – намысынга бек бол.
  • Ёнгкюч къууана барыр, джылай келир.
  • Сёлеш деб шай берген, тохта деб, сом берген.
  • Джаханимни кёрмей, джандетге кёл салмазса.

 

Страницы: Пред. 1 ... 10 11 12 13 14
RSS
КЕЛИГИЗ ДЖЫРЛАЙЫКЪ
 
ШУКУР, ЭНТДА ТЮБЕДИК

Сени тансыкъ кёзлеринг
Сейир насыпда жиляй,
Эринлеринг айтдыла,
Шош, акъырын шыбырдай:

Шукур, энтда тюбедик,
Жомакъда айтхан кибик,
Минг жылланы термилип,
Бир-бирни тапхан кибик.

Минг-минг суудан биз ётдюк,
Минг палахдан къутулуп,
Дуния толкъунларында
Къалмагъанлай жутулуп.

Шукур, энтда тюбедик,
Жомакъда айтхан кибик,
Минг жылланы термилип,
Бир-бирни тапхан кибик.

Кёзюм къарангы этип,
Дуния бола къарангы,
Жан дарман излегенча,
Изледим къарамынгы.

Ол кюн, ким билсин, манга
Кимни джаны ауруду?
Сени кёрюр насыпны
Джашау энтда джаудурду.

О, джаным, джаным, джаным,
Сюйсенг да джюрек бла,
Эшиталмадынгмы мени
Ол чарс кюн тилек бла?










 
Rafwan!)))))))))))))))))
 
Treasure
...
Нальчик кечеле
Сюйебиз, сюйебиз,
Нальчикни кечесин,
Сюйебиз адамын,
Уллусун, гитчесин.
Кечеги сериуюн
Хычыуун тиеди,
Тауладан тау желчик
Аязны сюреди.
Кечеле кечеле,
Сиз, Нальчик кечеле,
Кюндюзча жарыкъсыз,
Ай жарыкъ кечеле.
Нальчикде жай кече
Сейирлик тамашад,
Жерини хауасы
Кимге да жарашад.
Тауушлукъ, тауушлукъ,
Сиз, Нальчик кечеле,
Жаш тёлю тауушла
Сау кече эштиле.
Кечеле кечеле,
Сиз, Нальчик кечеле,
Кюндюзча жарыкъсыз,
Ай жарыкъ кечеле.
 
ДЖАНГЫ ДЖЫЛ ТИЛЕЙМЕ СЕН САКЪЛА
Ёзденланы Сапар
Къартларыбыз аз болгъандан, къабырла да кеб болгъандан
Джангы джыл тилейме сен сакъла
Акъ айрандан эрикгенден, тауларыбыз эригенден
Джангы джыл тилейме сен сакъла.

Мен сенден бир бек тилейме
Ол болурун бек излейме
Акъ къарынг бла насыбны бир чач,
Тебмесинле тауларыбыз елмесинле къартларыбыз
Тургъаныча турсун таш, агъач.

Адам къыин ашагъандан,
терлемеин джашагъандан
Джангы джыл тилейме сен сакъла.
Къарачаим ач болгъандан,
къобаныбыз джокъ болгъандан
Джангы джыл тилейме сен сакъла.

Мен сенден бир бек тилейме
Ол болурун бек излейме
Акъ къарынг бла насыбны бир чач,
Тебмесинле тауларыбыз елмесинле къартларыбыз
Тургъаныча турсун таш агъач.

Джашлыкъ кюнню бош ийгенден
Сюеринги сюймегенден
Джангы джыл тилейме сен сакъла.
Таулу атны джокъ этгенден
Кюн джарыкъны сезмегенден
Джангы джыл тилейме сен сакъла.

Мен сенден бир бек тилейме
Ол болурун бек излейме
Акъ къарынг бла насыбны бир чач,
Тебмесинле тауларыбыз, елмесинле къартларыбыз
Тургъаныча турсун таш агъач.

 
"Харс" ариу джырлайды, джангыз "сёзлери, макъамы да Ёзденлени Альбертни" деб, джангылыч джазылгъанды.
 

"Ана болмаса дунияда"

Къазийланы Азнор

Жерни башын от алыр эди
Ана болмаса дунияда
Жер да ичине батар эди
Ана болмаса дунияда

Ким биледи сюерге
Анача таза сюерик
Жалан анады жерни юсюнде
Мен башымы кюерим

Ким болур жерде юсюнде
Анача таза сюерик
Жалан анады жерни юсюнде
Мен башымы кюерим

Ол дуния инсанла
Баш урайым анагъа
Тюрленмезлик оюлмазлыкъ
Ышангыгъы алагъа

Жерни юсюнде Патчах эсенг да
Къобад анам аллымда
Сен дуниягъа келтиририучу
Жандан айырылгъан анагъа
Сен дуниягъа келтиририучу
Жандан айырылгъан анагъа

Сен дуниягъа келтиририучу
Жандан айырылгъан анагъа
Сен дуниягъа келтиририучу
Жандан айырылгъан анагъа
 





 
"Атама"
Ёзденланы Альберт

Тыш джуртда болалсам деб баш
Кеб джыл айланды таулу джаш
Тюшюнде джуртха къайтханед
Атасы ауруб джатханед
Джашы да анга айтханед

Аурума атам тур ёрге
Гулош таягъынг болайым
Кече сен абынныкъ джерге
Мен чыракъ болуб джанайым

Насыб да менден туракълай
Къачхы джел сюрген чапракълай
Айландым кермей сени мен
Гюнах алгъанма мен сенден
Кеч атам мени кечелсенг

Аурума атам тур ёрге
Гулош таягъынг болайым
Кече сен абынныкъ джерге
Мен чыракъ болуб джанайым

Танг атды джаш да уянды
Туугъан джуртуна атлады
Сау керелсем деб атаны
Сагъышында кере аны
Айтады джаш джарсый джаны

Аурума атам тур ёрге
Гулош таягъынг болайым
Кече сен абынныкъ джерге
Мен чыракъ болуб джанайым

Къайтды джаш Ата джуртуна
Атасы чыкъмайд аллына
Эшитди ачы хапар ол
Къабырлагъа тутханды джол
Баурланнганды ол кёрге
Ата уа къобмайды ерге
Джандетли бол, атам.

 
 
 
НИ ЧЁ ЧТО Я НЕМНОЖКО НЕ В ГОЛОСЕ
 
незабудка
сами такие сегодня)))
 
?Тиширыула?

Къыш суукълада джылыу излесек
Биз ушатабыз джазгъа.
Джай иссиледе тенглештиребиз
Сизни салкъын аязгъа.
Гокка ханслача ариулукъ салыб
Сейирилик джерибизге
Иги умутла, иги муратла
Туудура келюбюзде.

Припев:
Джолубузгъа тийириб джарыкъ кюн
Бизге къанат бересиз тиширыула
Бизден бек сюебилгенигиз ючюн
Сизни артыкъ сюейбиз тиширыула.

Кёгюрчюн кибик сакъалайсыз отдан
Сиз джерни юсюн хаман.
Кёгюбюз чууакъ рахат джашайбыз
Джарыкъды бизни заман.
Джолубуз кенгди кюн билек болуб
Хаман бирге барабыз
Къууанч кюнде да, джарсыу кюнде да..
Биз халал тенг болабыз.
Припев

Хар насыбны да тамамы болгъан
Сиз огъурлу анасыз.
Сабийлеригиз джарыкъ ышарыб
Юйге къууанч саласыз.
Нюр сыпатыгъыз булут кюнде да
Бизге джарыкъчыкъ эте.
Сюймеклигигиз кюч бериб хаман
Таукел алгъа элтеди.
Припев

гр. Учкекен
 

 


 
 
 
Шамбалала болгъан джер...
сл.Узденов А. (песня)поёт Солтан Байкулов

Къарачайлы бла малкъарлы,
Шыйых джуртда джашайбыз!
Эки башлы ,бир тамырлы
Минги Таугъа ушайбыз!

Бизде бир тил, бир дин барды,
Джаныбыз а, къайдады?
Къарачай джан Малкъардады,
Малкъар-Къарачайдады!

Берилгенди бизге хакъгъа,
"Шамбалала" болгъан джер.
Минги Таугъа ушаш халкъгъа,
Я Аллахым , насыб бер!

Джерде башха инсанлагъа
Иннетибиз тюлдю терс.
Бизге къаршчы баргъанлагъа
Уллу Аллах берсин дерс!
...бу башындагъы джырны сёзлери)
 
ТАНСЫКЪЛАУ ДЖЫР
Сёзю, макъамы да Семенланы Сымайылны


къайда эшитирге боллукъду бу джырны ?
 
Бу жырны бек жаратама!!!

Келди сюймеклик

Жазгъы кюн кибик,
келди сюймеклик,
мен кесим билмей тургъанлай
сюймеклик жели урады бетиме,
эртеннги аяз ургъанлай

мен мыдах болуп,
алай жашайма
бир жукъ кирмейди башыма
сюймеклик отну къуйгъанса, ой баям,
ашай тургъанлай ашыма

сюймеклигими тилейме,сакъла
башха жашлагъа къарама
кеси-кесими таукел айталмай,
сюйгенден-сюе барама

мени тюшюме киргенсе,бала
атаргъа къоймай тангымы
сюймеклик ауруу сакълайды къатымы
бер деп турады жанынгы.
 
 
Джегетей джырлагъан джырны мени къарт атам джазгъанды))))Гогуев Хасан Хызырович)))
 
Къалай ариу халкъды бизни халкъыбыз ехтемленеме.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 10 11 12 13 14
Читают тему (гостей: 2)

 

Написать нам