Войти на сайт
26 Июня  2026 года

 

  • Окъугъан – асыу, окъумагъан – джарсыу.
  • Бети бедерден, намыс сакълама.
  • Ёгюзню мюйюзюнден тутадыла, адамны сёзюнден тутадыла.
  • Билим ат болуб да чабар, къуш болуб да учар.
  • Кёб къычыргъандан – къоркъма, тынч олтургъандан – къоркъ.
  • Башда акъыл болмаса, эки аякъгъа кюч джетер.
  • Атлыны кёрсе, джаяуну буту талыр.
  • Ашлыкъ – бюртюкден, джюн – тюкден.
  • Сютден ауузу кюйген, суугъа юфгюре эди.
  • Юй ишлеген балта эшикде къалыр.
  • Эшекни не къадар тюйсенг да, ат болмаз.
  • Тай асырагъан, атха минер.
  • Юй кюйдю да, кюйюз чыкъды, ортасындан тюйюш чыкъды.
  • Аманнга алтын чыдамаз.
  • Хаухну атма, ёнгкючню сатма.
  • Къатын байлыкъны сюер, эр саулукъну сюер.
  • Кёзю сокъурдан – къоркъма, кёлю сокъурдан – къоркъ.
  • Акъыл неден да кючлюдю.
  • Ёлюк кебинсиз къалмаз.
  • Акъылсызны джууукъгъа алма, акъыллыны кенгнге салма.
  • Ач, тоймам, дейди, тойгъан, ач болмам, дейди.
  • Таукелге нюр джауар.
  • Акъыл аздырмаз, билим тоздурмаз.
  • Джашлыкъ этмеген, башлыкъ этмез.
  • Арбаз сайлама да, хоншу сайла.
  • Бал – татлы, балдан да бала – татлы.
  • Юйлю уругъа ит чабмаз.
  • Эл тойса, тоймагъан, эл къойса, къоймагъан.
  • Ашхы атаны – джашы ашхы, ашхы ананы – къызы ашхы.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Экеу тутушса, биреу джыгъылыр.
  • Ач къарным, тынч къулагъым.
  • Окъдан джара эртде-кеч болса да бителир, сёз джара, ёмюрге къалыр.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Кютгени беш эчки, сызгъыргъаны уа, джерни джарады.
  • Рысхы – насыбха къор.
  • Сабий кёргенин унутмаз.
  • Шапа кёб болса, аш татымсыз болур.
  • Зар адам ашынгы ашар, кесинги сатар.
  • Итли къонакъ джарашмаз.
  • Тешигини къатында, чычхан да батыр болур.
  • Мал тутхан – май джалар.
  • Мал кёб болса, джууукъ кёб болур.
  • Адамны джюреги нени кёрюрге сюйсе, кёзю да аны кёрюрге ёч болады.
  • Ёмюрлюк шохлукъну джел элтмез.
  • Ёпкелегенни ашы татлы болады.
  • Келгинчи, къонакъ уялыр, келгенден сора, къонакъбай уялыр.
  • Башынга джетмегенни сорма.
  • Кийимни бир кюнню аясанг, минг кюннге джарар.
  • Келинин тута билмеген, къул этер, къызын тута билмеген, тул этер.

 

Страницы: Пред. 1 ... 10 11 12 13 14
RSS
КЕЛИГИЗ ДЖЫРЛАЙЫКЪ
 
ШУКУР, ЭНТДА ТЮБЕДИК

Сени тансыкъ кёзлеринг
Сейир насыпда жиляй,
Эринлеринг айтдыла,
Шош, акъырын шыбырдай:

Шукур, энтда тюбедик,
Жомакъда айтхан кибик,
Минг жылланы термилип,
Бир-бирни тапхан кибик.

Минг-минг суудан биз ётдюк,
Минг палахдан къутулуп,
Дуния толкъунларында
Къалмагъанлай жутулуп.

Шукур, энтда тюбедик,
Жомакъда айтхан кибик,
Минг жылланы термилип,
Бир-бирни тапхан кибик.

Кёзюм къарангы этип,
Дуния бола къарангы,
Жан дарман излегенча,
Изледим къарамынгы.

Ол кюн, ким билсин, манга
Кимни джаны ауруду?
Сени кёрюр насыпны
Джашау энтда джаудурду.

О, джаным, джаным, джаным,
Сюйсенг да джюрек бла,
Эшиталмадынгмы мени
Ол чарс кюн тилек бла?










 
Rafwan!)))))))))))))))))
 
Treasure
...
Нальчик кечеле
Сюйебиз, сюйебиз,
Нальчикни кечесин,
Сюйебиз адамын,
Уллусун, гитчесин.
Кечеги сериуюн
Хычыуун тиеди,
Тауладан тау желчик
Аязны сюреди.
Кечеле кечеле,
Сиз, Нальчик кечеле,
Кюндюзча жарыкъсыз,
Ай жарыкъ кечеле.
Нальчикде жай кече
Сейирлик тамашад,
Жерини хауасы
Кимге да жарашад.
Тауушлукъ, тауушлукъ,
Сиз, Нальчик кечеле,
Жаш тёлю тауушла
Сау кече эштиле.
Кечеле кечеле,
Сиз, Нальчик кечеле,
Кюндюзча жарыкъсыз,
Ай жарыкъ кечеле.
 
ДЖАНГЫ ДЖЫЛ ТИЛЕЙМЕ СЕН САКЪЛА
Ёзденланы Сапар
Къартларыбыз аз болгъандан, къабырла да кеб болгъандан
Джангы джыл тилейме сен сакъла
Акъ айрандан эрикгенден, тауларыбыз эригенден
Джангы джыл тилейме сен сакъла.

Мен сенден бир бек тилейме
Ол болурун бек излейме
Акъ къарынг бла насыбны бир чач,
Тебмесинле тауларыбыз елмесинле къартларыбыз
Тургъаныча турсун таш, агъач.

Адам къыин ашагъандан,
терлемеин джашагъандан
Джангы джыл тилейме сен сакъла.
Къарачаим ач болгъандан,
къобаныбыз джокъ болгъандан
Джангы джыл тилейме сен сакъла.

Мен сенден бир бек тилейме
Ол болурун бек излейме
Акъ къарынг бла насыбны бир чач,
Тебмесинле тауларыбыз елмесинле къартларыбыз
Тургъаныча турсун таш агъач.

Джашлыкъ кюнню бош ийгенден
Сюеринги сюймегенден
Джангы джыл тилейме сен сакъла.
Таулу атны джокъ этгенден
Кюн джарыкъны сезмегенден
Джангы джыл тилейме сен сакъла.

Мен сенден бир бек тилейме
Ол болурун бек излейме
Акъ къарынг бла насыбны бир чач,
Тебмесинле тауларыбыз, елмесинле къартларыбыз
Тургъаныча турсун таш агъач.

 
"Харс" ариу джырлайды, джангыз "сёзлери, макъамы да Ёзденлени Альбертни" деб, джангылыч джазылгъанды.
 

"Ана болмаса дунияда"

Къазийланы Азнор

Жерни башын от алыр эди
Ана болмаса дунияда
Жер да ичине батар эди
Ана болмаса дунияда

Ким биледи сюерге
Анача таза сюерик
Жалан анады жерни юсюнде
Мен башымы кюерим

Ким болур жерде юсюнде
Анача таза сюерик
Жалан анады жерни юсюнде
Мен башымы кюерим

Ол дуния инсанла
Баш урайым анагъа
Тюрленмезлик оюлмазлыкъ
Ышангыгъы алагъа

Жерни юсюнде Патчах эсенг да
Къобад анам аллымда
Сен дуниягъа келтиририучу
Жандан айырылгъан анагъа
Сен дуниягъа келтиририучу
Жандан айырылгъан анагъа

Сен дуниягъа келтиририучу
Жандан айырылгъан анагъа
Сен дуниягъа келтиририучу
Жандан айырылгъан анагъа
 





 
"Атама"
Ёзденланы Альберт

Тыш джуртда болалсам деб баш
Кеб джыл айланды таулу джаш
Тюшюнде джуртха къайтханед
Атасы ауруб джатханед
Джашы да анга айтханед

Аурума атам тур ёрге
Гулош таягъынг болайым
Кече сен абынныкъ джерге
Мен чыракъ болуб джанайым

Насыб да менден туракълай
Къачхы джел сюрген чапракълай
Айландым кермей сени мен
Гюнах алгъанма мен сенден
Кеч атам мени кечелсенг

Аурума атам тур ёрге
Гулош таягъынг болайым
Кече сен абынныкъ джерге
Мен чыракъ болуб джанайым

Танг атды джаш да уянды
Туугъан джуртуна атлады
Сау керелсем деб атаны
Сагъышында кере аны
Айтады джаш джарсый джаны

Аурума атам тур ёрге
Гулош таягъынг болайым
Кече сен абынныкъ джерге
Мен чыракъ болуб джанайым

Къайтды джаш Ата джуртуна
Атасы чыкъмайд аллына
Эшитди ачы хапар ол
Къабырлагъа тутханды джол
Баурланнганды ол кёрге
Ата уа къобмайды ерге
Джандетли бол, атам.

 
 
 
НИ ЧЁ ЧТО Я НЕМНОЖКО НЕ В ГОЛОСЕ
 
незабудка
сами такие сегодня)))
 
?Тиширыула?

Къыш суукълада джылыу излесек
Биз ушатабыз джазгъа.
Джай иссиледе тенглештиребиз
Сизни салкъын аязгъа.
Гокка ханслача ариулукъ салыб
Сейирилик джерибизге
Иги умутла, иги муратла
Туудура келюбюзде.

Припев:
Джолубузгъа тийириб джарыкъ кюн
Бизге къанат бересиз тиширыула
Бизден бек сюебилгенигиз ючюн
Сизни артыкъ сюейбиз тиширыула.

Кёгюрчюн кибик сакъалайсыз отдан
Сиз джерни юсюн хаман.
Кёгюбюз чууакъ рахат джашайбыз
Джарыкъды бизни заман.
Джолубуз кенгди кюн билек болуб
Хаман бирге барабыз
Къууанч кюнде да, джарсыу кюнде да..
Биз халал тенг болабыз.
Припев

Хар насыбны да тамамы болгъан
Сиз огъурлу анасыз.
Сабийлеригиз джарыкъ ышарыб
Юйге къууанч саласыз.
Нюр сыпатыгъыз булут кюнде да
Бизге джарыкъчыкъ эте.
Сюймеклигигиз кюч бериб хаман
Таукел алгъа элтеди.
Припев

гр. Учкекен
 

 


 
 
 
Шамбалала болгъан джер...
сл.Узденов А. (песня)поёт Солтан Байкулов

Къарачайлы бла малкъарлы,
Шыйых джуртда джашайбыз!
Эки башлы ,бир тамырлы
Минги Таугъа ушайбыз!

Бизде бир тил, бир дин барды,
Джаныбыз а, къайдады?
Къарачай джан Малкъардады,
Малкъар-Къарачайдады!

Берилгенди бизге хакъгъа,
"Шамбалала" болгъан джер.
Минги Таугъа ушаш халкъгъа,
Я Аллахым , насыб бер!

Джерде башха инсанлагъа
Иннетибиз тюлдю терс.
Бизге къаршчы баргъанлагъа
Уллу Аллах берсин дерс!
...бу башындагъы джырны сёзлери)
 
ТАНСЫКЪЛАУ ДЖЫР
Сёзю, макъамы да Семенланы Сымайылны


къайда эшитирге боллукъду бу джырны ?
 
Бу жырны бек жаратама!!!

Келди сюймеклик

Жазгъы кюн кибик,
келди сюймеклик,
мен кесим билмей тургъанлай
сюймеклик жели урады бетиме,
эртеннги аяз ургъанлай

мен мыдах болуп,
алай жашайма
бир жукъ кирмейди башыма
сюймеклик отну къуйгъанса, ой баям,
ашай тургъанлай ашыма

сюймеклигими тилейме,сакъла
башха жашлагъа къарама
кеси-кесими таукел айталмай,
сюйгенден-сюе барама

мени тюшюме киргенсе,бала
атаргъа къоймай тангымы
сюймеклик ауруу сакълайды къатымы
бер деп турады жанынгы.
 
 
Джегетей джырлагъан джырны мени къарт атам джазгъанды))))Гогуев Хасан Хызырович)))
 
Къалай ариу халкъды бизни халкъыбыз ехтемленеме.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 10 11 12 13 14
Читают тему (гостей: 1)

 

Написать нам