Войти на сайт
26 Июня  2026 года

 

  • Насыблы элин сюер, насыбсыз кесин сюер.
  • Кёб ант этген, кёб ётюрюк айтыр.
  • Алим болгъандан эсе, адам болгъан къыйынды.
  • Аман хансны – урлугъу кёб.
  • Башы ишлегенни, ауузу да ишлер.
  • Билмезни кёзю кёрмез, этмезни къулагъы эшитмез.
  • Башланнган иш битер, къымылдагъан тиш тюшер.
  • Джарлы тюеге минсе да, ит къабар.
  • Билимден уллу байлыкъ джокъду.
  • Эллинг бла джау болсанг да, юйюнг бла джау болма.
  • Эки итни арасына сюек атма, эки адамны арасында сёз чыгъарма.
  • Аманны тукъумуна къарама, игини тукъумун сорма.
  • Мухарны эси – ашарыкъда.
  • Ёзденликни кёбю ётюрюк.
  • Нёгер болсанг, тенг бол, тенг болмасанг, кенг бол.
  • Биреу къой излей, биреу той излей.
  • Этни да ашады, бетни да ашады.
  • Гугурук къычырмаса да, тангны атары къалмаз.
  • Бастасын ашагъан, хантусун да ичер.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Кёб джашагъан – кёб билир.
  • Ауругъаннга – кийик саулукъ, джетген къызгъа – чилле джаулукъ.
  • Суу ичген шауданынга тюкюрме.
  • Баш – акъыл ючюн, акъылман – халкъ ючюн.
  • Ариу сёз – къылычдан джити.
  • Aдам боллукъ, сыфатындан белгили.
  • Джюрекге ариу – кёзге да ариу.
  • Дуния малгъа сатылма, кесингден телиге къатылма.
  • Таш ата билмеген, башына урур.
  • Келлик заман – къартлыкъ келтирир, кетген заман – джашлыкъ ёлтюрюр.
  • Адеб этмеген, адеб кёрмез.
  • Уллу айтханны этмеген – уллаймаз.
  • Джумушакъ терекни къурт ашар.
  • Тешигини къатында, чычхан да батыр болур.
  • Чакъырылмагъан къонакъ – орунсуз.
  • Сёз къанатсыз учар.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Ышармагъан – кюлмез, кюлмеген – къууанчны билмез.
  • Акъыл неден да кючлюдю.
  • Аш хазыр болса, иш харам болур.
  • Иги джашны ышаны – аз сёлешиб, кёб тынгылар.
  • Къатын байлыкъны сюер, эр саулукъну сюер.
  • Элге къуллукъ этмеген, элге ие болмаз.
  • Адамны адамлыгъы къыйынлыкъда айгъакъланады.
  • Къарт айтханны этмеген, къартаймаз.
  • Ашда – бёрю, ишде – ёлю.
  • Ач уят къоймаз.
  • Ат да турмайды бир териде.
  • Эр абынмай, эл танымаз.
  • Адам бла мюлк юлешмеген эсенг, ол адамны билиб бошагъанма, деб кесинги алдама.

 

Страницы: Пред. 1 ... 10 11 12 13 14
RSS
КЕЛИГИЗ ДЖЫРЛАЙЫКЪ
 
ШУКУР, ЭНТДА ТЮБЕДИК

Сени тансыкъ кёзлеринг
Сейир насыпда жиляй,
Эринлеринг айтдыла,
Шош, акъырын шыбырдай:

Шукур, энтда тюбедик,
Жомакъда айтхан кибик,
Минг жылланы термилип,
Бир-бирни тапхан кибик.

Минг-минг суудан биз ётдюк,
Минг палахдан къутулуп,
Дуния толкъунларында
Къалмагъанлай жутулуп.

Шукур, энтда тюбедик,
Жомакъда айтхан кибик,
Минг жылланы термилип,
Бир-бирни тапхан кибик.

Кёзюм къарангы этип,
Дуния бола къарангы,
Жан дарман излегенча,
Изледим къарамынгы.

Ол кюн, ким билсин, манга
Кимни джаны ауруду?
Сени кёрюр насыпны
Джашау энтда джаудурду.

О, джаным, джаным, джаным,
Сюйсенг да джюрек бла,
Эшиталмадынгмы мени
Ол чарс кюн тилек бла?










 
Rafwan!)))))))))))))))))
 
Treasure
...
Нальчик кечеле
Сюйебиз, сюйебиз,
Нальчикни кечесин,
Сюйебиз адамын,
Уллусун, гитчесин.
Кечеги сериуюн
Хычыуун тиеди,
Тауладан тау желчик
Аязны сюреди.
Кечеле кечеле,
Сиз, Нальчик кечеле,
Кюндюзча жарыкъсыз,
Ай жарыкъ кечеле.
Нальчикде жай кече
Сейирлик тамашад,
Жерини хауасы
Кимге да жарашад.
Тауушлукъ, тауушлукъ,
Сиз, Нальчик кечеле,
Жаш тёлю тауушла
Сау кече эштиле.
Кечеле кечеле,
Сиз, Нальчик кечеле,
Кюндюзча жарыкъсыз,
Ай жарыкъ кечеле.
 
ДЖАНГЫ ДЖЫЛ ТИЛЕЙМЕ СЕН САКЪЛА
Ёзденланы Сапар
Къартларыбыз аз болгъандан, къабырла да кеб болгъандан
Джангы джыл тилейме сен сакъла
Акъ айрандан эрикгенден, тауларыбыз эригенден
Джангы джыл тилейме сен сакъла.

Мен сенден бир бек тилейме
Ол болурун бек излейме
Акъ къарынг бла насыбны бир чач,
Тебмесинле тауларыбыз елмесинле къартларыбыз
Тургъаныча турсун таш, агъач.

Адам къыин ашагъандан,
терлемеин джашагъандан
Джангы джыл тилейме сен сакъла.
Къарачаим ач болгъандан,
къобаныбыз джокъ болгъандан
Джангы джыл тилейме сен сакъла.

Мен сенден бир бек тилейме
Ол болурун бек излейме
Акъ къарынг бла насыбны бир чач,
Тебмесинле тауларыбыз елмесинле къартларыбыз
Тургъаныча турсун таш агъач.

Джашлыкъ кюнню бош ийгенден
Сюеринги сюймегенден
Джангы джыл тилейме сен сакъла.
Таулу атны джокъ этгенден
Кюн джарыкъны сезмегенден
Джангы джыл тилейме сен сакъла.

Мен сенден бир бек тилейме
Ол болурун бек излейме
Акъ къарынг бла насыбны бир чач,
Тебмесинле тауларыбыз, елмесинле къартларыбыз
Тургъаныча турсун таш агъач.

 
"Харс" ариу джырлайды, джангыз "сёзлери, макъамы да Ёзденлени Альбертни" деб, джангылыч джазылгъанды.
 

"Ана болмаса дунияда"

Къазийланы Азнор

Жерни башын от алыр эди
Ана болмаса дунияда
Жер да ичине батар эди
Ана болмаса дунияда

Ким биледи сюерге
Анача таза сюерик
Жалан анады жерни юсюнде
Мен башымы кюерим

Ким болур жерде юсюнде
Анача таза сюерик
Жалан анады жерни юсюнде
Мен башымы кюерим

Ол дуния инсанла
Баш урайым анагъа
Тюрленмезлик оюлмазлыкъ
Ышангыгъы алагъа

Жерни юсюнде Патчах эсенг да
Къобад анам аллымда
Сен дуниягъа келтиририучу
Жандан айырылгъан анагъа
Сен дуниягъа келтиририучу
Жандан айырылгъан анагъа

Сен дуниягъа келтиририучу
Жандан айырылгъан анагъа
Сен дуниягъа келтиририучу
Жандан айырылгъан анагъа
 





 
"Атама"
Ёзденланы Альберт

Тыш джуртда болалсам деб баш
Кеб джыл айланды таулу джаш
Тюшюнде джуртха къайтханед
Атасы ауруб джатханед
Джашы да анга айтханед

Аурума атам тур ёрге
Гулош таягъынг болайым
Кече сен абынныкъ джерге
Мен чыракъ болуб джанайым

Насыб да менден туракълай
Къачхы джел сюрген чапракълай
Айландым кермей сени мен
Гюнах алгъанма мен сенден
Кеч атам мени кечелсенг

Аурума атам тур ёрге
Гулош таягъынг болайым
Кече сен абынныкъ джерге
Мен чыракъ болуб джанайым

Танг атды джаш да уянды
Туугъан джуртуна атлады
Сау керелсем деб атаны
Сагъышында кере аны
Айтады джаш джарсый джаны

Аурума атам тур ёрге
Гулош таягъынг болайым
Кече сен абынныкъ джерге
Мен чыракъ болуб джанайым

Къайтды джаш Ата джуртуна
Атасы чыкъмайд аллына
Эшитди ачы хапар ол
Къабырлагъа тутханды джол
Баурланнганды ол кёрге
Ата уа къобмайды ерге
Джандетли бол, атам.

 
 
 
НИ ЧЁ ЧТО Я НЕМНОЖКО НЕ В ГОЛОСЕ
 
незабудка
сами такие сегодня)))
 
?Тиширыула?

Къыш суукълада джылыу излесек
Биз ушатабыз джазгъа.
Джай иссиледе тенглештиребиз
Сизни салкъын аязгъа.
Гокка ханслача ариулукъ салыб
Сейирилик джерибизге
Иги умутла, иги муратла
Туудура келюбюзде.

Припев:
Джолубузгъа тийириб джарыкъ кюн
Бизге къанат бересиз тиширыула
Бизден бек сюебилгенигиз ючюн
Сизни артыкъ сюейбиз тиширыула.

Кёгюрчюн кибик сакъалайсыз отдан
Сиз джерни юсюн хаман.
Кёгюбюз чууакъ рахат джашайбыз
Джарыкъды бизни заман.
Джолубуз кенгди кюн билек болуб
Хаман бирге барабыз
Къууанч кюнде да, джарсыу кюнде да..
Биз халал тенг болабыз.
Припев

Хар насыбны да тамамы болгъан
Сиз огъурлу анасыз.
Сабийлеригиз джарыкъ ышарыб
Юйге къууанч саласыз.
Нюр сыпатыгъыз булут кюнде да
Бизге джарыкъчыкъ эте.
Сюймеклигигиз кюч бериб хаман
Таукел алгъа элтеди.
Припев

гр. Учкекен
 

 


 
 
 
Шамбалала болгъан джер...
сл.Узденов А. (песня)поёт Солтан Байкулов

Къарачайлы бла малкъарлы,
Шыйых джуртда джашайбыз!
Эки башлы ,бир тамырлы
Минги Таугъа ушайбыз!

Бизде бир тил, бир дин барды,
Джаныбыз а, къайдады?
Къарачай джан Малкъардады,
Малкъар-Къарачайдады!

Берилгенди бизге хакъгъа,
"Шамбалала" болгъан джер.
Минги Таугъа ушаш халкъгъа,
Я Аллахым , насыб бер!

Джерде башха инсанлагъа
Иннетибиз тюлдю терс.
Бизге къаршчы баргъанлагъа
Уллу Аллах берсин дерс!
...бу башындагъы джырны сёзлери)
 
ТАНСЫКЪЛАУ ДЖЫР
Сёзю, макъамы да Семенланы Сымайылны


къайда эшитирге боллукъду бу джырны ?
 
Бу жырны бек жаратама!!!

Келди сюймеклик

Жазгъы кюн кибик,
келди сюймеклик,
мен кесим билмей тургъанлай
сюймеклик жели урады бетиме,
эртеннги аяз ургъанлай

мен мыдах болуп,
алай жашайма
бир жукъ кирмейди башыма
сюймеклик отну къуйгъанса, ой баям,
ашай тургъанлай ашыма

сюймеклигими тилейме,сакъла
башха жашлагъа къарама
кеси-кесими таукел айталмай,
сюйгенден-сюе барама

мени тюшюме киргенсе,бала
атаргъа къоймай тангымы
сюймеклик ауруу сакълайды къатымы
бер деп турады жанынгы.
 
 
Джегетей джырлагъан джырны мени къарт атам джазгъанды))))Гогуев Хасан Хызырович)))
 
Къалай ариу халкъды бизни халкъыбыз ехтемленеме.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 10 11 12 13 14
Читают тему (гостей: 6)

 

Написать нам