- Адеб базарда сатылмаз.
- Ёпкелегенни ашы татлы болады.
- Уллу къашыкъ эрин джыртар.
- Элиб деген, элге болушур.
- Эки элинги тыйсанг, джети элде махталырса.
- Эм уллу байлыкъ – джан саулукъ.
- Ургъан суудан башынгы сакъла.
- Къыйынлы джети элни къайгъысын этер.
- Мухарны эси – ашарыкъда.
- Мени джылытмагъан кюн, меннге тиймесин!
- Мураты болгъанны джюрек тебюую башхады.
- Башы джабылгъан челекге, кир тюшмез.
- Ишни ахырын ойламай, аллын башлама.
- Акъыл бла адеб эгизледиле.
- Кёпюр салгъан кеси ётер, уру къазгъан кеси кетер.
- Кесинге джетмегенни, кёб сёлешме.
- Иги сеники эсе да, сюйген кесимикин этеме.
- Кимни – тили, тиши онглу, кимни – къолу, иши онглу.
- Къарнынг ауруса, ауузунгу тый
- Къобан да къуру да къобханлай турмайды, адам да къуру да патчахлай турмайды.
- Ашхы тенг джолгъа салыр, аман тенг джолдан тайдырыр.
- Къолу уллу – асыу, аягъы уллу – джарсыу.
- Чомарт къолда мал къалмаз.
- Аджашханны ызындагъы кёреди, джангылгъанны джанындагъы биледи.
- Келлик заман – къартлыкъ келтирир, кетген заман – джашлыкъ ёлтюрюр.
- Джылыгъа джылан илешир.
- Бозанг болмагъан джерге, къалагъынгы сукъма.
- Къонакъ кёб келюучю юйню, къазаны отдан тюшмез.
- Аман къатын сабий табса, бий болур…
- Иги бла джюрюсенг, джетерсе муратынга, аман бла джюрюсенг, къалырса уятха.
- Эр абынмай, эл танымаз.
- Чоюнну башы ачыкъ болса, итге уят керекди.
- Татлы сёз – балдан татлы.
- Бермеген къол, алмайды.
- Аш кетер да бет къалыр.
- Туз, гырджын аша, тюзлюк бла джаша.
- Ашын ашагъанынгы, башын да сыйла.
- Ким бла джюрюсенг, аны кёзю бла кёрюнюрсе.
- Тас болгъан бычакъны сабы – алтын.
- Татлы тилде – сёз ариу, чемер къолда – иш ариу.
- Суугъа – таянма, джаугъа – ийнанма.
- Баргъанынга кёре болур келгенинг.
- Адам къыйынлыгъын кёлтюрюр, зауукълугъун кёлтюрмез.
- Келинни – келгинчи, бёркню кийгинчи кёр.
- Илму – джашауну джолу.
- Къонагъынгы артмагъын алма да, алгъышын ал.
- Ашыкъгъан cуу, тенгизге джетмез.
- Ауузу бла къуш тута айланады.
- Бёрю да ач къалмасын, эчки да ашалмасын.
- Чыкълы кюнде чыкъмагъан, чыкъса къуру кирмеген.
ХАДИСЫ
Читают тему (гостей: 1)