- Адеб джокъда, намыс джокъ.
- Къонакъ хазыр болгъанлыкъгъа, къонакъбай хазыр тюлдю.
- Аман адам элни бир-бирине джау этер.
- Рысхы джалгъанды: келген да этер, кетген да этер.
- Аллахха ийнаннган кишини, Аллах онгдурур ишин.
- Къазанчы аман болса, къазаны къайнамаз.
- Адамны адамлыгъы къыйынлыкъда айгъакъланады.
- Къыйынлы джети элге оноу этер.
- Кюн кёрмеген, кюн кёрсе, кюндюз чыракъ джандырыр.
- Чомарт къолда мал къалмаз.
- Ашха уста, юйюнде болсун
- Адамны сабийин сюйген джюреги, бычакъча, джитиди.
- Кёлсюзден сёзсюз тууар.
- Эли джокъну – кёлю джокъ.
- Огъурлуну сёзю – суу, огъурсузну сёзю – уу.
- Дженгил джетерикме деб, узун джолну къоюб, къысхасын барма.
- Ашарыкъда сайлагъаннга – чий гырджын.
- Джашынгы кесинг юретмесенг, джашау юретир.
- Къыз чыгъаргъан – къызыл къымжа.
- Юйюнг бла джау болгъандан эсе, элинг бла джау бол.
- Агъач – джерни чырайы, кийим – эрни чырайы.
- Бюгюн дуния кибик, тамбла ахыратды.
- Биреуню эскиси биреуге джангы болмайды.
- Кёбден умут этиб, аздан къуру къалма.
- Билимден уллу байлыкъ джокъду.
- Кюн – узун, ёмюр – къысха.
- Къызбайны юйюне дери сюрсенг, батыр болур.
- Джырчы ёлсе, джыры къалыр.
- Суу кетер, таш къалыр.
- Бал ашаргъа сюе эсенг, чибин ургъаннга тёз.
- Ауругъан – джашаудан умутчу.
- Джеринден айырылгъан – джети джылар, джуртундан айырылгъан – ёлгюнчю джылар.
- Адамны аты башхача, акъылы да башхады.
- Юйлю уругъа ит чабмаз.
- Борчунг бар эсе, хурджунунга ойлаб узал.
- Ашхылыкъ джерде джатмайды, аманлыкъ суугъа батмайды.
- Чыбыкълыкъда бюгюлмеген, къазыкълыкъда бюгюлмей эди.
- Ашыкъгъан cуу, тенгизге джетмез.
- Ёлмесенг да, къарт дамы болмазса?
- Сакъалы текени да бар, мыйыгъы киштикни да бар.
- Рысхы – насыбха къор.
- Аллахдан тилесенг, кёб тиле.
- Окъугъан озар, окъумагъан тозар.
- Хоншуну тауугъу къаз кёрюнюр, келини къыз кёрюнюр.
- Чомартны къолу берекет.
- Ана – юйню кюн джарыгъы.
- Уллу айтханны этмеген – уллаймаз.
- Бир онгсуз адам адет чыгъарды, деб эштирик тюлсе.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къыйынлы джети элни къайгъысын этер.
ХАДИСЫ
Читают тему (гостей: 1)