Тойчу джашха къарама, къойчу джашха къара.
Иги сёз – джаннга азыкъ, аман сёз башха – къазыкъ.
Айтылгъан буйрукъ, сёгюлмез
Джырчы ёлсе, джыры къалыр.
Билгенни къолу къарны джандырыр.
Джаш къарыу бла кючлю, къарт акъыл бла кючлю.
Чакъырылмагъан къонакъ тёрге атламаз.
Гыдай эчки суугъа къараб, мюйюзле кёрмесе, джашма алкъын, дегенди.
Сормай – алма, чакъырылмай – барма.
Келгинчи, къонакъ уялыр, келгенден сора, къонакъбай уялыр.
Билмейме деген – бир сёз
Мадар болса, къадар болур.
Таугъа чыгъаллыкъ эсенг, тюзде къалма.
Ойнай билмеген, оюн бузар.
Ауузу аманнга «иги», деме.
Хантына кёре тузу, юйюне кёре къызы.
Телиге от эт десенг, юйюнге от салыр.
Ойнай-ойнай кёз чыгъар.
Ашхы тенг джолгъа салыр, аман тенг джолдан тайдырыр.
Тура эдим джата, къайдан чыкъды хата?
Ачылгъан эт джабылыр, кёрген кёз унутмаз.
Билимли ёлмез, билимсиз кёрмез.
Огъурлуну сёзю – суу, огъурсузну сёзю – уу.
Къууут – джелге, берне – бошха.
Къуру гыбыт бек дыгъырдар.
Къыз келсе, джумуш эте келеди, къатын келсе, ушакъ эте келеди.
Насыблы элин сюер, насыбсыз кесин сюер.
Джолда аягъынга сакъ бол, ушакъда тилинге сакъ бол.
От кюйдюрген, сау болса да, тот кюйдюрген, сау болмаз.
Нарт сёз къарт болмаз.
Билеги кючлю, бирни джыгъар, билими кючлю, мингни джыгъар.
Окъугъан озар, окъумагъан тозар.
Рысхысына кёре, джаш ёсер, къышлыгъына кёре, мал ёсер.
Джылкъыдан – ат чыгъар, тукъумдан – джаш чыгъар.
Тойгъанлыкъ къойгъа джарашады.
Адам сёзюнден белгили.
Асхат ашлыкъ сата, юйдегиси ачдан къата.
Айран ичген – къутулду, джугъусун джалагъан – тутулду.
Къолунгдан къуймакъ ашатсанг да, атаны борчундан къутулмазса.
Тойгъан антын унутур.
Агъач халкъгъа алтынды, иссиликге салкъынды.
Къоркъакъны кёзю экили кёрюр.
Чакъырылмагъан къонакъ къачан кетерин сормаз.
Ашаса, ашамаса да, бёрюню ауузу – къан.
Тамырсыз терекге таянма – джыгъылырса.
Къая джолда джортма, ачыкъ сёзден къоркъма.
Бал ашаргъа сюе эсенг, чибин ургъаннга тёз.
Ёлген аслан – сау чычхан.
Адам бла мюлк юлешмеген эсенг, ол адамны билиб бошагъанма, деб кесинги алдама.
Аз айтсам, кёб ангылагъыз.
