- Эте билген, этген этеди, эте билмеген, юретген этеди!
- Чомарт къонакъ юй иесин сыйлар.
- Чабакъ башындан чирийди.
- Къыз тиширыу кеси юйюнде да къонакъды.
- Кёрмегеннге кебек – танг, битмегеннге сакъал – танг.
- Эр абынмай, эл танымаз.
- Арбаз сайлама да, хоншу сайла.
- Чакъырылгъанны аты, чакъырылмагъанны багъасы болур.
- Орну джокъну – сыйы джокъ.
- Эл элде бирер малынг болгъандан эсе, бирер тенгинг болсун.
- Къарнынг къанлынга кийирир.
- Къайгъыны сюйген, къайгъы табар.
- Акъыллы башны – тили къысха.
- Ойнаб айтсанг да, эслеб айт.
- Чёбню кёлтюрсенг, тюбюнден сёз чыгъар.
- Къатыны харакетли болса, эри къымсыз болур.
- Ариу сёзде ауруу джокъ.
- Игини сыйлагъан адетди.
- Ачлыкъда тары гырджын халыуадан татлы.
- Ким бла джюрюсенг, аны кёзю бла кёрюнюрсе.
- Игиге айтсанг – билир, аманнга айтсанг – кюлюр.
- Къонакъ хазыр болгъанлыкъгъа, къонакъбай хазыр тюлдю.
- Джангыз торгъай джырламаз.
- Онгсузну – джакъла, тенгликни – сакъла.
- Джырына кёре эжиую.
- Къазанны башы ачыкъ болса, итге уят керекди.
- Тойчу джашха къарама, къойчу джашха къара.
- Намысы джокъну – дуниясы джокъ.
- Аллахха ийнаннган кишини, Аллах онгдурур ишин.
- Таукел къуру къалмаз.
- Баланы адам этген анады.
- Бермеген къол, алмайды.
- Билмезни кёзю кёрмез, этмезни къулагъы эшитмез.
- Босагъагъа джууукъ орун болса, ашыгъыб тёрге озма.
- Хата – гитчеден.
- Аман эсирсе, юйюн ояр.
- Ата Джуртун танымагъан, атасын да танымаз.
- Аууздан келген, къолдан келсе, ким да патчах болур эди.
- Суу кетер, таш къалыр.
- Билимсиз иш бармаз.
- Къыз чыгъаргъан – къызыл къымжа.
- Тил бла келеди джыр да.
- Керти сёзге тёре джокъ.
- Бюгюн дуния кибик, тамбла ахыратды.
- Иги сёз – джаннга азыкъ, аман сёз башха – къазыкъ.
- Ашхы атаны – джашы ашхы, ашхы ананы – къызы ашхы.
- Къолу уллу – асыу, аягъы уллу – джарсыу.
- Аш иеси бла татлыды.
- Кёл – къызбай, къол – батыр.
- Ауругъаннга – кийик саулукъ, джетген къызгъа – чилле джаулукъ.
ШОШТАЕВ НИЯЗИ АХЛОУОВИЧ (был представлен к званию Героя)
|
Изменено: - 26.04.2018 05:30:30
|
||||
|
|
|
|||
Читают тему (гостей: 1)

