- Булут кёкге джарашыу, уят бетге джарашыу.
- Кёбню кёрген – кёб билир.
- Олтуруб кёрюнмей эди да, ёрге туруб кёрюне эди.
- Нафысынгы айтханын этме, намысынгы айтханын эт.
- Окъугъанны бети джарыкъ.
- Ана къолу ачытмаз.
- Шапа кёб болса, аш татымсыз болур.
- Тулпарлыкъ, билекден тюл – джюрекден.
- Ашхылыкъ джерде джатмайды, аманлыкъ суугъа батмайды.
- Адам сёзге тынгыла, акъыл сёзню ангыла.
- Таугъа чыгъаллыкъ эсенг, тюзде къалма.
- Адамны аты башхача, акъылы да башхады.
- Окъ къызбайны джокълайды.
- Ауругъаннга – кийик саулукъ, джетген къызгъа – чилле джаулукъ.
- Кирсизни – саны таза, халалны – къаны таза.
- Алгъанда – джууукъ, бергенде – джау.
- Кюлме джашха – келир башха.
- Ач къарынны, токъ билмез
- Эр абынмай, эл танымаз.
- Къарт айтханны этмеген, къартаймаз.
- Ашхы атаны – джашы ашхы, ашхы ананы – къызы ашхы.
- Айран тёгюлсе, джугъусу къалыр.
- Ойнай билмеген, оюн бузар.
- Тилчи бир сагъатха айлыкъ хата этер.
- Чалманны аллы къалай башланса, арты да алай барады.
- Эски джаугъа ышанма.
- Джангызны оту джарыкъ джанмаз!
- Таякъ этден ётер, тил сюекден ётер.
- Татлы тилде – сёз ариу, чемер къолда – иш ариу.
- Босагъа таш юйге кирмей эди, тыбыр таш эшикге чыкъмай эди.
- Акъыл аздырмаз, билим тоздурмаз.
- Ата джурт – алтын бешик.
- Байлыкъдан саулукъ ашхыды.
- Айтылгъан сёз ызына къайтмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Акъыл неден да кючлюдю.
- Биреуге аманлыкъны тилеме да, кесинге ашхылыкъны тиле.
- Аман эсирсе, юйюн ояр.
- Къазанчы аман болса, къазаны къайнамаз.
- Мал ёлсе, сюек къалыр, адам ёлсе, иши къалыр.
- Джангыз терек къынгыр ёсер.
- Къатын байлыкъны сюер, эр саулукъну сюер.
- Адамны бетине къарама, адетине къара.
- Малны кют, джерни тюрт.
- Адамны сабийин сюйген джюреги, бычакъча, джитиди.
- Аш кетер да бет къалыр.
- Аууз сакълагъан – джан сакълар.
- Дженгил джетерикме деб, узун джолну къоюб, къысхасын барма.
- Керти сёзге тёре джокъ.
- Эринчекге кюн узун.
ШОШТАЕВ НИЯЗИ АХЛОУОВИЧ (был представлен к званию Героя)
|
Изменено: - 26.04.2018 05:30:30
|
||||
|
|
|
|||
Читают тему (гостей: 1)

