- Джыланны къуйругъундан басарынг келсе, аны башы болгъанын унутма.
- Къая джолда джортма, ачыкъ сёзден къоркъма.
- Игини сыйлагъан адетди.
- Аман адамны тепсинге олтуртсанг, къызынгы тилер.
- Акъыллы айтыр эди, акъылсыз къоймайды.
- Махтаннган къыз, тойда джукълар.
- Джарлы тюеге минсе да, ит къабар.
- Ашлыкъ – бюртюкден, джюн – тюкден.
- Чёбню кёлтюрсенг, тюбюнден сёз чыгъар.
- Билим насыб берир, билим джолну керир.
- Айтылгъан буйрукъ, сёгюлмез
- Джиби бир къат джетмей эди да, эки къат тарта эди.
- Этим кетсе да, сюегим къалыр.
- Ишин билген, аны сыйын чыгъарады.
- Хунаны тюбюн къазсанг, юсюнге ауар.
- Эл тойса, тоймагъан, эл къойса, къоймагъан.
- Башынга джетмегенни сорма.
- Aдам боллукъ, сыфатындан белгили.
- Биреуге кёлтюрген таягъынг, кесинги башынга урур.
- Ишлегенде эринме, ишде чолакъ кёрюнме.
- Дженгил джетерикме деб, узун джолну къоюб, къысхасын барма.
- Къонагъы джокъну – шоху джокъ.
- Окъдан джара эртде-кеч болса да бителир, сёз джара, ёмюрге къалыр.
- Мухар, кеси тойса да, кёзю тоймаз.
- Эркишини аманы тиширыуну джылатыр.
- Къарнынг тойгъунчу аша да, белинг талгъынчы ишле.
- Окъуу – билимни ачхычы, окъуу – дунияны бачхычы.
- Хантына кёре тузу, юйюне кёре къызы.
- Чакъырылмагъан къонакъ – орунсуз.
- Гыдай эчки суугъа къараб, мюйюзле кёрмесе, джашма алкъын, дегенди.
- Тил – кесген бычакъ, сёз – атылгъан окъ.
- Рысхысына кёре, джаш ёсер, къышлыгъына кёре, мал ёсер.
- Аджал соруб келмез, келсе, къайтыб кетмез.
- Къалгъан ишге къар джауар.
- Иги – алгъыш этер, аман – къаргъыш этер.
- Гугурук къычырмаса да, тангны атары къалмаз.
- Кесинге джетмегенни, кёб сёлешме.
- Бир онгсуз адам адет чыгъарды, деб эштирик тюлсе.
- Адеб джокъда, намыс джокъ.
- Ач уят къоймаз.
- Ётюрюкчюню шагъаты – къатында.
- Хар сёзню орну барды.
- Ашаса, ашамаса да, бёрюню ауузу – къан.
- Орну джокъну – сыйы джокъ.
- Гырджын – тепсини тамадасы.
- Аууздан келген, къолдан келсе, ким да патчах болур эди.
- Таукел тауну аудурур.
- Кёб къычыргъандан – къоркъма, тынч олтургъандан – къоркъ.
- Чыкълы кюнде чыкъмагъан, чыкъса къуру кирмеген.
- Келинни – келгинчи, бёркню кийгинчи кёр.
Карачаевки-фронтовички
Читают тему (гостей: 1)