- Ауругъанны сау билмез, ач къарынны токъ билмез.
- Кёлю джокъну – джолу джокъ.
- Арыгъан къош чамчы болур.
- Хар зат кесини орнуна иги.
- Рысхы джалгъанды: келген да этер, кетген да этер.
- Уллу сёзде уят джокъ.
- Акъыллы айтыр эди, акъылсыз къоймайды.
- Тойгъа барсанг, тоюб бар, эски тонунгу къоюб бар.
- Джылкъыдан – ат чыгъар, тукъумдан – джаш чыгъар.
- Айраннга суу къош, телиге джол бош.
- Джумушакъ терекни къурт ашар.
- Рысхы – сют юсюнде кёмюк кибикди.
- Элде адам къалмаса, ит тахтагъа минер.
- Узун джолну барсанг, бюгюн келирсе, къысха джолну барсанг, тамбла келирсе.
- Тынгылагъан тынгы бузар.
- Байны оноуу, джарлыгъа джарамаз.
- Нарт сёз – тилни бети.
- Къыз тиширыу кеси юйюнде да къонакъды.
- Ишни аллы бла къууанма да, арты бла къууан.
- Юй ишлеген балта эшикде къалыр.
- Джерни букъусу кёкге къонмаз.
- Аууздан келген, къолдан келсе, ким да патчах болур эди.
- Хоншуну тауугъу къаз кёрюнюр, келини къыз кёрюнюр.
- Чомартха Тейри да борчлуду.
- Башы джабылгъан челекге, кир тюшмез.
- Нарт сёз къарт болмаз.
- Туз, гырджын аша, тюзлюк бла джаша.
- Кёб ант этген, кёб ётюрюк айтыр.
- Джолунга кёре – джюрюшюнг, джагъанга кёре – юлюшюнг.
- От кюйдюрген, сау болса да, тот кюйдюрген, сау болмаз.
- Эр абынмай, эл танымаз.
- Тилсиз миллет джокъ болур.
- Къонагъынгы артмагъын алма да, алгъышын ал.
- Адам сёзюнден белгили.
- Кёпюр салгъан кеси ётер, уру къазгъан кеси кетер.
- Ашына кёре табагъы, балына кёре къалагъы.
- Сескекли кесин билдирир.
- Уясында не кёрсе, учханында аны этер.
- Мураты болгъанны джюрек тебюую башхады.
- Башда акъыл болмаса, эки аякъгъа кюч джетер.
- Суугъа – таянма, джаугъа – ийнанма.
- Нёгерсизни джолу узун.
- Окъ къызбайны джокълайды.
- Таукел къуру къалмаз.
- Ичимден чыкъды хата, къайры барайым сата?
- Бал ашаргъа сюе эсенг, чибин ургъаннга тёз.
- Ёлген аслан – сау чычхан.
- Рысхысына кёре, джаш ёсер, къышлыгъына кёре, мал ёсер.
- Ётюрюкню къуйругъу – бир тутум.
- Нёгер болсанг, тенг бол, тенг болмасанг, кенг бол.
Карачаевки-фронтовички
Читают тему (гостей: 1)