- Огъурлуну сёзю – суу, огъурсузну сёзю – уу.
- Атадан ёксюз – бир ёксюз, анадан ёксюз – эки ёксюз.
- Ким бла джюрюсенг, аны кёзю бла кёрюнюрсе.
- Аджал соруб келмез, келсе, къайтыб кетмез.
- Ашхылыкъ джерде джатмайды, аманлыкъ суугъа батмайды.
- Башы ишлегенни, ауузу да ишлер.
- Джюрекге ариу – кёзге да ариу.
- Билим насыб берир, билим джолну керир.
- Татлы тилде – сёз ариу, чемер къолда – иш ариу.
- Бермеген къол, алмайды.
- Окъдан джара эртде-кеч болса да бителир, сёз джара, ёмюрге къалыр.
- Аманнга да, игиге да оноусуз къатышма.
- Кёб къычыргъандан – къоркъма, тынч олтургъандан – къоркъ.
- Дуния мал дунияда къалады.
- Эркишиге тары кебек танг кёрюнюр.
- Чакъырылмай келген къонакъ сыйланмай кетер.
- Ач къалгъандан, кеч къалгъан къолай.
- Ёпкелегенни ашы татлы болады.
- Кирсизни – саны таза, халалны – къаны таза.
- Тенги кёбню джау алмаз, акъылы кёбню дау алмаз.
- Окъуу – билимни ачхычы, окъуу – дунияны бачхычы.
- Адамны аманы адамны бети бла ойнар.
- Уллу сёзде уят джокъ.
- Биреу ашаб къутулур, биреу джалаб тутулур.
- Рысхы джалгъанды: келген да этер, кетген да этер.
- Айран тёгюлсе, джугъусу къалыр.
- Ат басханны джер билед.
- Къумурсхала джыйылсала, пилни да джыгъадыла.
- Зар адамны насыбы болмаз.
- Эрни эр этерик да, къара джер этерик да, тиширыуду.
- Тёзгеннге, джабылгъан эшик ачылыр.
- Ишлегенден, къарагъан уста.
- Мураты болгъанны джюрек тебюую башхады.
- Айыбны суу бла джууалмазса.
- Билеги кючлю, бирни джыгъар, билими кючлю, мингни джыгъар.
- Ишленмеген джаш – джюгенсиз ат, ишленмеген къыз – тузсуз хант.
- Ачны эсинде – аш.
- Башланнган иш битер, къымылдагъан тиш тюшер.
- Ана къолу ачытмаз.
- Джарашыу сюйген – джалынчакъ.
- Башда акъыл болмаса, эки аякъгъа кюч джетер.
- Тили узунну, намысы – къысха.
- Аш хазыр болса, иш харам болур.
- Ата джурт – алтын бешик.
- Ойнаб айтсанг да, эслеб айт.
- Рысхы – сют юсюнде кёмюк кибикди.
- Ёлген эшек бёрюден къоркъмайды.
- Сакъ юйюне сау барыр.
- Аман къатын алгъан, арыр, иги къатын алгъан джарыр.
- Ашхы тенг джолгъа салыр, аман тенг джолдан тайдырыр.
Карачаевки-фронтовички
Читают тему (гостей: 1)