- Эки къатын алгъан – эки ташны ортасына башын салгъан.
- Хаухну атма, ёнгкючню сатма.
- Эшекге миннген – биринчи айыб, андан джыгъылгъан – экинчи айыб.
- Къызын тута билмеген, тул этер, джашын тута билмеген, къул этер.
- Ёгюзню мюйюзлери ауурлукъ этмейдиле.
- Юйюнгден чыкъдынг – кюнюнгден чыкъдынг.
- Билим ат болуб да чабар, къуш болуб да учар.
- Ётген ёмюр – акъгъан суу.
- Кёлсюзден сёзсюз тууар.
- Эки элинги тыйсанг, джети элде махталырса.
- Ышармагъан – кюлмез, кюлмеген – къууанчны билмез.
- Тил – миллетни джаны.
- Ушамагъан – джукъмаз.
- Къошда джокъгъа – юлюш джокъ.
- Окъугъан – асыу, окъумагъан – джарсыу.
- Кирсизни – саны таза, халалны – къаны таза.
- От этилмеген джерден тютюн чыкъмайды.
- Эри аманны, къатыны – аман.
- «Ёгюз, джаргъа джууукъ барма, меннге джюк боллукъса», - дегенди эшек.
- Тулпарлыкъ, билекден тюл – джюрекден.
- Босагъа таш юйге кирмей эди, тыбыр таш эшикге чыкъмай эди.
- Ауурну тюбю бла, дженгилни башы бла джюрюген.
- Кёб джат да, бек чаб.
- Эте билген, этген этеди, эте билмеген, юретген этеди!
- Тилде сюек болмаса да, сюек сындырыр.
- Ачлыкъ отха секиртир.
- Къонакъны къачан кетерин сорма, къачан келлигин сор.
- Ашхы атаны – джашы ашхы, ашхы ананы – къызы ашхы.
- Эринчекни аурууу – кёб.
- Душманны тышы – акъ, ичи – къара.
- Ёксюзню къалачы уллу кёрюнюр.
- Къозулугъунда тоймагъан, къойлугъунда тоймаз.
- Чыбыкълыкъда бюгюлмеген, къазыкълыкъда бюгюлмей эди.
- Бозанг болмагъан джерге, къалагъынгы сукъма.
- Ашлыкъны арба юйге келтирир, чана базаргъа элтир.
- Орундукъ тюбюнде атылсам да, орта джиликме, де да айлан.
- Агъач – джерни чырайы, кийим – эрни чырайы.
- Ким бла джюрюсенг, аны кёзю бла кёрюнюрсе.
- Терслик кетер, тюзлюк джетер.
- Къарны аманнга къазан такъдырма, къолу аманнга от джакъдырма.
- Келлик заман – къартлыкъ келтирир, кетген заман – джашлыкъ ёлтюрюр.
- Ургъан суудан башынгы сакъла.
- Тай асырагъан, атха минер.
- Джогъун бар этген, барын бал этген.
- Эки итни арасына сюек атма, эки адамны арасында сёз чыгъарма.
- Узун джолну барсанг, бюгюн келирсе, къысха джолну барсанг, тамбла келирсе.
- Ёлюр джаннга, ёкюл джокъ.
- Аман хансны – урлугъу кёб.
- Джукъу тёшек сайламайды.
- Окъуу – билимни ачхычы, окъуу – дунияны бачхычы.
Благотворительный фонд "Самира" (КЧР)., Ин ша Аллах, здесь будет жить информация о фонде, его новых сборах и проектах. Хош келигиз!
Ответы
|
|
|
|
|
|
|
|
|
|
|
|
|
|
||||
|
|
|
|||
Читают тему (гостей: 1)