Адамны адамлыгъы къыйынлыкъда айгъакъланады.
Ач да бол, токъ да бол – намысынга бек бол.
Къонакъ аз олтурур, кёб сынар.
Элиб деген, элге болушур.
Ётюрюкчюню шагъаты – къатында.
Байлыкъ тауусулур, билим тауусулмаз.
Чомарт къонакъ юй иесин сыйлар.
Къан бла кирген, джан бла чыгъар.
Аманны къуугъан, аманлыкъ табар.
Нафысынгы айтханын этме, намысынгы айтханын эт.
Арба аугъандан сора, джол кёргюзтюучю кёб болур.
Къулакъдан эсе, кёзге ышан.
Телиге от эт десенг, юйюнге от салыр.
Тюз сёз баргъан сууну тыяр.
Ёксюзню къалачы уллу кёрюнюр.
Чакъырылмагъан къонакъ тёрге атламаз.
Сакъ юйюне сау барыр.
Зар адам ашынгы ашар, кесинги сатар.
Джашынгы кесинг юретмесенг, джашау юретир.
Сёз – кюмюш, джыр – алтын.
Ариу сёз – джаннга азыкъ, аман сёз – башха къазыкъ.
Мураты болгъанны джюрек тебюую башхады.
Бичгенде ашыкъма, тикгенде ашыкъ.
Джауумдан сора, кюн кюйдюрюр, ётюрюкден сора, айыб кюйдюрюр.
Аман къатын сабий табса, бий болур…
Къарны аманнга къазан такъдырма, къолу аманнга от джакъдырма.
Джуртун къоругъан озар.
Махтаннган къыз, тойда джукълар.
Сёлеш деб шай берген, тохта деб, сом берген.
Чомарт джарлы болмаз.
Ашхы болсанг, атынг чыгъар, аман болсанг, джанынг чыгъар.
Ишлегенден, къарагъан уста.
Ёгюзню мюйюзюнден тутадыла, адамны сёзюнден тутадыла.
Тешик этген тынчды, аны джамагъан къыйынды.
Онгсузну – джакъла, тенгликни – сакъла.
Джогъун бар этген, барын бал этген.
Рысхы – насыбха къор.
Джылыгъа джылан илешир.
Иги – алгъыш этер, аман – къаргъыш этер.
Эртде тургъан джылкъычыны эркек аты тай табар.
Юй ишлеген балта эшикде къалыр.
Ётген ёмюр – акъгъан суу.
Абынмазлыкъ аякъ джокъ, джангылмазлыкъ джаякъ джокъ.
Сабийликде юретмесенг, уллу болса – тюзелмез.
Акъдан къара болмаз.
Джарлыны эшигин махтагъан джабар.
Аллахдан тилесенг, кёб тиле.
Эркишиге тары кебек танг кёрюнюр.
Ичимден чыкъды хата, къайры барайым сата?
Арпа, будай – ащды, алтын, кюмюш а – ташды.
"снимаем с клавиши вуаль..."