Джарлы эскисин джамаса, къууаныр.
Тойгъанлыкъ къойгъа джарашады.
Эм уллу байлыкъ – джан саулукъ.
Джюз элде джюз ёгюзюм болгъандан эсе, джюз джууугъум болсун.
Экиндини кеч къылсанг, чабыб джетер ашхам.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Кёзню ачылгъаны – иги, ауузну джабылгъаны – иги.
Адебни адебсизден юрен.
Чоюнну башы ачыкъ болса, итге уят керекди.
Ариуну – ауруу кёб.
Ёпкелегенни ашы татлы болады.
Къулакъдан эсе, кёзге ышан.
Хар сёзню орну барды.
Ауузу аманнга «иги», деме.
Халкъны юйю – туугъан джери.
Атынг аманнга чыкъгъандан эсе, джанынг тамагъынгдан чыкъсын.
Ханнга да келеди хариблик.
Эки къатын алгъанны къулагъы тынгнгаймаз.
Татлы тилде – сёз ариу, чемер къолда – иш ариу.
Бети бедерден, намыс сакълама.
Къатыны харакетли болса, эри къымсыз болур.
Тойчу джашха къарама, къойчу джашха къара.
Керти сёзге тёре джокъ.
Сабыр джетер муратха, сабырсыз къалыр уятха.
Окъумагъан сокъурду, сокъур ташха абыныр!
Тилсиз миллет джокъ болур.
Чабакъ башындан чирийди.
Айран ичген – къутулду, джугъусун джалагъан – тутулду.
Уллу айтханны этмеген – уллаймаз.
Тойгъа алгъа да барма, тойда артха да къалма.
Сабийликде юретмесенг, уллу болса – тюзелмез.
Баш – акъыл ючюн, акъылман – халкъ ючюн.
Акъыллы эркиши атын махтар, акъылсыз эркиши къатынын махтар.
Ата Джуртуму башы болмасам да, босагъасында ташы болайым.
Суугъа – таянма, джаугъа – ийнанма.
Эркишини аманы тиширыуну джылатыр.
Ат басханны джер билед.
Чакъырылгъанны аты, чакъырылмагъанны багъасы болур.
Сыфатында болмагъаны, суратында болмаз.
Келинин тута билмеген, къул этер, къызын тута билмеген, тул этер.
Къуллукъчума, деб махтанма, къуллукъ – хаух джамчыды!
Окъугъан – асыу, окъумагъан – джарсыу.
Шайтан алдады, тюзлюк къаргъады.
Таш бла ургъанны, аш бла ур.
Хаухну атма, ёнгкючню сатма.
Билимден уллу байлыкъ джокъду.
Хансыз джомакъ болмаз.
Къызын тута билмеген, тул этер, джашын тута билмеген, къул этер.
Игиге айтсанг – билир, аманнга айтсанг – кюлюр.
Этни да ашады, бетни да ашады.
"снимаем с клавиши вуаль..."