Кюн кёрмеген, кюн кёрсе, кюндюз чыракъ джандырыр.
Эл элде бирер малынг болгъандан эсе, бирер тенгинг болсун.
Джан саулукъ бермей, сан саулукъ бермезсе.
Айтхан сёзюне табылгъан.
Аджашханны ызындагъы кёреди, джангылгъанны джанындагъы биледи.
Къарнынг къанлынга кийирир.
Ауругъаннга – кийик саулукъ, джетген къызгъа – чилле джаулукъ.
Бал – татлы, балдан да бала – татлы.
Джыланны къуйругъундан басарынг келсе, аны башы болгъанын унутма.
Керилген да, ургъан кибикди.
Адамны сыфатына къарама, сёзюне къара.
Ёлюк кебинсиз къалмаз.
Зар адам ашынгы ашар, кесинги сатар.
Суу ичген шауданынга тюкюрме.
Туз, гырджын аша, тюзлюк бла джаша.
«Ма», - дегенни билмесенг, «бер», - дегенни билмезсе.
Къарт айтханны этмеген, къартаймаз.
Аууз сакълагъан – джан сакълар.
Бет бетге къараса, бет да джерге къарар.
Ауузу бла къуш тута айланады.
Къатыны харакетли болса, эри къымсыз болур.
Аманны эки битли тону болур, бирин сеннге кийдирир, бирин кеси киер.
Кёл ашады да, кеси ашады.
Хантына кёре тузу, юйюне кёре къызы.
Окъуу – билимни ачхычы, окъуу – дунияны бачхычы.
Кёлсюзден сёзсюз тууар.
Атлыны ашхысы, ат тизгининден билинир
Ач, тоймам, дейди, тойгъан, ач болмам, дейди.
Аман адам элни бир-бирине джау этер.
Этим кетсе да, сюегим къалыр.
Кийиминг бла танылма, адамлыкъ бла таныл.
Рысхы джалгъанды: келген да этер, кетген да этер.
Арбаз сайлама да, хоншу сайла.
Ойнай билмеген, уруб къачар.
Кюн – узун, ёмюр – къысха.
Джол бла сёзню къыйыры джокъ.
Къонагъынгы артмагъын алма да, алгъышын ал.
Кёрмегеннге кебек – танг, битмегеннге сакъал – танг.
Чакъырылмагъан джерге барма, чакъырылгъан джерден къалма.
Бал ашаргъа сюе эсенг, чибин ургъаннга тёз.
Кёзюнде тереги болгъан, чёбю болгъаннга кюле эди.
Тюзню ётмеги тюзде къалса да, тас болмаз.
Аман къатын сабий табса, бий болур…
Аджалсыз ёлюм болмаз.
Тенгни тенглиги джашай барсанг билинир.
Джашны джигитлиги сорулур, къызны джигерлиги сорулур.
Кесине оноу эте билмеген, халкъына да эте билмез.
Аман къатын алгъан, арыр, иги къатын алгъан джарыр.
Кёзню ачылгъаны – иги, ауузну джабылгъаны – иги.
Бозанг болмагъан джерге, къалагъынгы сукъма.
"снимаем с клавиши вуаль..."