Уллу айтханны этмеген – уллаймаз.
Термилгенинги табмазса, кюлгенинге тюберсе.
Джаным-тиним – окъуу, билим.
Гыдай эчки суугъа къараб, мюйюзле кёрмесе, джашма алкъын, дегенди.
Кийимни бичсенг, кенг бич, тар этген къыйын тюлдю.
Этек чакъмакълары баш джаргъан, сёлешген сёзлери таш джаргъан.
Сабыр джетер муратха, сабырсыз къалыр уятха.
Накъырда – кертини келечиси.
Юй кюйдю да, кюйюз чыкъды, ортасындан тюйюш чыкъды.
Къулакъдан эсе, кёзге ышан.
Эм ашхы къайын ана мамукъ бла башынгы тешер.
Хаухну атма, ёнгкючню сатма.
Телиге от эт десенг, юйюнге от салыр.
Босагъагъа джууукъ орун болса, ашыгъыб тёрге озма.
Аманны тукъумуна къарама, игини тукъумун сорма.
Кёрмегеннге кебек – танг, битмегеннге сакъал – танг.
Иши джокъну, сыйы джокъ.
Тойчу джашха къарама, къойчу джашха къара.
Тюз сёз баргъан сууну тыяр.
Байлыкъ тауусулур, билим тауусулмаз.
Ургъан суудан башынгы сакъла.
Таукел тауну аудурур.
Юре билмеген ит, къонакъ келтирир.
Эри аманны, къатыны – аман.
Таякъ этден ётер, тил сюекден ётер.
Босагъа таш юйге кирмей эди, тыбыр таш эшикге чыкъмай эди.
Кёлю джокъну – джолу джокъ.
Ёпкелегенни ашы татлы болады.
Мухардан ач ычхынмаз.
Сёз сёзню айтдырыр.
Мал тутхан – май джалар.
Къыйынлы джети элни къайгъысын этер.
Эл тойса, тоймагъан, эл къойса, къоймагъан.
Ишге юренсин къоллары, халкъ бла болсун джоллары.
Элде адам къалмаса, ит тахтагъа минер.
Кесинг сынамагъан затны, адамгъа буюрма.
Чомарт къолда мал къалмаз.
Эл ауузу – элия.
Адам боллукъ, атламындан белгили болур.
Эки ойлашыб, бир сёлешген.
Эли джокъну – кёлю джокъ.
Къартны бурнун сюрт да, оноугъа тут.
Джан саулукъ бермей, сан саулукъ бермезсе.
Кёз – сюйген джерде, къол – ауругъан джерде.
Билимсиз иш бармаз.
Ата Джуртуму башы болмасам да, босагъасында ташы болайым.
Къызын тута билмеген, тул этер, джашын тута билмеген, къул этер.
Тилчи бир сагъатха айлыкъ хата этер.
Аман адам элни бир-бирине джау этер.
Ашын ашагъанынгы, башын да сыйла.
"снимаем с клавиши вуаль..."