Олтуруб кёрюнмей эди да, ёрге туруб кёрюне эди.
Къонакъ кёб келюучю юйню, къазаны отдан тюшмез.
Келинни – келгинчи, бёркню кийгинчи кёр.
Эринчекге кюн узун.
Джауумдан сора, кюн кюйдюрюр, ётюрюкден сора, айыб кюйдюрюр.
Тил джюрекге джол ишлейди.
Ашатыргъа иш – ашхы, ишлетирге аш – ашхы.
Арбаз сайлама да, хоншу сайла.
Аман эсирсе, юйюн ояр.
Хазыр ашха – терен къашыкъ.
Къартха ушагъан джаш – акъыллы, джашха ушагъан къарт – тели.
Бермеген къол, алмайды.
Арпа, будай – ащды, алтын, кюмюш а – ташды.
Чомартны къолун джокълукъ байлар.
Ашлыкъны арба юйге келтирир, чана базаргъа элтир.
Къазанчы аман болса, къазаны къайнамаз.
Тил бла келеди джыр да.
Джолунга кёре – джюрюшюнг, джагъанга кёре – юлюшюнг.
Кютгени беш эчки, сызгъыргъаны уа, джерни джарады.
Сагъыш – къартлыкъгъа сюйюмчю.
Джеринден айырылгъан – джети джылар, джуртундан айырылгъан – ёлгюнчю джылар.
Термилгенинги табмазса, кюлгенинге тюберсе.
Терслик кетер, тюзлюк джетер.
Сабийни джумушха джибер да, ызындан бар.
Керилген да, ургъан кибикди.
Таула не мийик болсала да, аууш табылыр.
Таукел адам тау тешер.
Алим болгъандан эсе, адам болгъан къыйынды.
Чыкълы кюнде чыкъмагъан, чыкъса къуру кирмеген.
Ойнай билмеген, оюн бузар.
Ойнаб айтсанг да, эслеб айт.
Хунаны тюбюн къазсанг, юсюнге ауар.
Акъыллы башны – тили къысха.
Туз, гырджын аша, тюзлюк бла джаша.
Билими азны – ауузунда кирит.
Ачлыкъда тары гырджын халыуадан татлы.
Къызны минг тилер, бир алыр.
Ётген ёмюр – акъгъан суу.
Джарашыу сюйген – джалынчакъ.
Адеби болмагъан къыз – тузсуз хант.
Рысхы джалгъанды: келген да этер, кетген да этер.
Бюгюн дуния кибик, тамбла ахыратды.
Кёз – сюйген джерде, къол – ауругъан джерде.
Къан бла кирген, джан бла чыгъар.
Кийиминг бла танылма, адамлыкъ бла таныл.
Къыйынлы джети элге оноу этер.
Узун джолну барсанг, бюгюн келирсе, къысха джолну барсанг, тамбла келирсе.
Тилчи тилден къаныкъмаз.
Тешигини къатында, чычхан да батыр болур.
Эл ауузу – элек, анга ийнаннган – халек.
"снимаем с клавиши вуаль..."