Ёлмесенг да, къарт дамы болмазса?
Джауумдан сора, кюн кюйдюрюр, ётюрюкден сора, айыб кюйдюрюр.
Соргъан айыб тюлдю, билмеген айыбды.
Къалгъан ишге къар джауар.
Тели турса – той бузар.
Келинни – келгинчи, бёркню кийгинчи кёр.
Ата – билек, ана – джюрек!
Аман адамны тепсинге олтуртсанг, къызынгы тилер.
Ашда уялгъан – мухар, ишде уялгъан – хомух.
Узун джолну барсанг, бюгюн келирсе, къысха джолну барсанг, тамбла келирсе.
Арбаз къынгырды да, ийнек сауалмайма.
Суу кетер, таш къалыр.
Эринчекге кюн узун.
Ауругъанны сау билмез, ач къарынны токъ билмез.
Кийимни бичсенг, кенг бич, тар этген къыйын тюлдю.
Ата Джуртун танымагъан, атасын да танымаз.
Къонакъны къачан кетерин сорма, къачан келлигин сор.
Телиге от эт десенг, юйюнге от салыр.
Кёзюнде тереги болгъан, чёбю болгъаннга кюле эди.
Минг тенг да азды, бир джау да кёбдю.
Тил бла келеди джыр да.
Ашхы атаны – джашы ашхы, ашхы ананы – къызы ашхы.
Адам сёзге тынгыла, акъыл сёзню ангыла.
Адам къыйынлыгъын кёлтюрюр, зауукълугъун кёлтюрмез.
Дууулдаса – бал чибин, къонса – къара чибин.
Хар сёзню орну барды.
Джюз элде джюз ёгюзюм болгъандан эсе, джюз джууугъум болсун.
Алтыннга тот къонмаз.
Джигер – джаннга къыйынлыкъ.
Ауузу бла къуш тута айланады.
Къайгъыны сюйген, къайгъы табар.
Дженгил джетерикме деб, узун джолну къоюб, къысхасын барма.
Хаухну атма, ёнгкючню сатма.
Ышармагъан – кюлмез, кюлмеген – къууанчны билмез.
Къызбайны юйюне дери сюрсенг, батыр болур.
Къатын къылыкъсыз, эр тынчлыкъсыз.
Тюзлюк тас болмайды.
Адам сёзюнден белгили.
Чакъырылмагъан джерге барма, чакъырылгъан джерден къалма.
Къанны къан бла джуума, аманны аман бла къуума.
Игини сыйлагъан адетди.
Тилде сюек болмаса да, сюек сындырыр.
Кёб джат да, бек чаб.
Акъыл къартда, джашда тюйюлдю – башдады.
Чомартха Тейри да борчлуду.
Эрни эр этерик да, къара джер этерик да, тиширыуду.
Кёзню ачылгъаны – иги, ауузну джабылгъаны – иги.
Кютгени беш эчки, сызгъыргъаны уа, джерни джарады.
Къарт айтханны этмеген, къартаймаз.
Кёрмегеннге кебек – танг, битмегеннге сакъал – танг.
"снимаем с клавиши вуаль..."