Хар сёзню орну барды.
Эм ашхы къайын ана мамукъ бла башынгы тешер.
Джарлыны тону джаз битер.
Ат басханны джер билед.
Ауузу аманнга «иги», деме.
Сабийликде юретмесенг, уллу болса – тюзелмез.
Тилчи бир сагъатха айлыкъ хата этер.
Керилген да, ургъан кибикди.
Ишлегенде эринме, ишде чолакъ кёрюнме.
Тил джюрекге джол ишлейди.
Эл тойса, тоймагъан, эл къойса, къоймагъан.
Иги адамны бир сёзю эки болмаз.
Аманны къуугъан, аманлыкъ табар.
Таугъа чыгъаллыкъ эсенг, тюзде къалма.
Босагъагъа джууукъ орун болса, ашыгъыб тёрге озма.
Окъугъанны бети джарыкъ.
Къызны минг тилер, бир алыр.
Эл элде бирер малынг болгъандан эсе, бирер тенгинг болсун.
Ашхы атаны – джашы ашхы, ашхы ананы – къызы ашхы.
Ашда уялгъан – мухар, ишде уялгъан – хомух.
Башда акъыл болмаса, эки аякъгъа кюч джетер.
Бек ашыкъгъан меннге джетсин, дегенди аракъы.
Кёзю сокъурдан – къоркъма, кёлю сокъурдан – къоркъ.
Сагъышы джокъ – джукъучу, акъылы джокъ – къаугъачы.
Аш берме да, къаш бер.
Таукел тауну аудурур.
Кийимни бичсенг, кенг бич, тар этген къыйын тюлдю.
Малны кют, джерни тюрт.
Aдам боллукъ, сыфатындан белгили.
Байлыкъ болгъан джерде, тынчлыкъ джокъду.
Ач къарным, тынч къулагъым.
Къонакъ болсанг, ийнакъ бол.
Эрни эр этерик да, къара джер этерик да, тиширыуду.
Мухар, кеси тойса да, кёзю тоймаз.
Туз, гырджын аша, тюзлюк бла джаша.
Чакъырылгъанны аты, чакъырылмагъанны багъасы болур.
Джюз элде джюз ёгюзюм болгъандан эсе, джюз джууугъум болсун.
Телиге акъыл салгъандан эсе, ёлгеннге джан салырса.
Насыб бютеу халкъны юлюшюдю.
Джаз бир кюнню джатсанг, къыш талай кюнню абынырса.
Рысхысына кёре, джаш ёсер, къышлыгъына кёре, мал ёсер.
Ётюрюкню къуйругъу – бир тутум.
Тойгъан джерге джети къайт.
Кюн – узун, ёмюр – къысха.
Ойнай билмеген, уруб къачар.
Тёгюлген тюгел джыйылмайды.
Джыгъылгъанны сырты джерден тоймаз.
Сакъламагъан затынга джолукъсанг, не бек къууанаса, не бек ачыйса.
Элге къуллукъ этмеген, элге ие болмаз.
Кесине гебен этелмеген, биреуге черен эте эди.
"снимаем с клавиши вуаль..."