Суу ичген шауданынга тюкюрме.
Уллу айтханны этмеген – уллаймаз.
Акъылсызны джууукъгъа алма, акъыллыны кенгнге салма.
Дуния мал дунияда къалады.
Ариу сёз – къылычдан джити.
От кюйдюрген, сау болса да, тот кюйдюрген, сау болмаз.
Гугук кесини атын айтыб къычыргъанча, мен, мен деб нек тураса?
Джогъун бар этген, барын бал этген.
Аманны къуугъан, аманлыкъ табар.
Тенги кёбню джау алмаз, акъылы кёбню дау алмаз.
Ач келгенни – тойдур, кеч келгенни – къондур.
Къулакъдан эсе, кёзге ышан.
Къарын къуру болса, джюрек уру болур.
Джарлыны эшигин махтагъан джабар.
Къарны аманнга къазан такъдырма, къолу аманнга от джакъдырма.
Ашхы атаны – джашы ашхы, ашхы ананы – къызы ашхы.
Бозанг болмагъан джерге, къалагъынгы сукъма.
Адамны артындан къара сабан сюрме.
Ачны эсинде – аш.
Артына баргъанны, къатына барма.
Къонакъ болсанг, ийнакъ бол.
Аз сёлешген, къайгъысыз турур.
Эркишини аманы тиширыуну джылатыр.
Акъыллы эркиши атын махтар, акъылсыз эркиши къатынын махтар.
Ачылгъан эт джабылыр, кёрген кёз унутмаз.
Ариу – кёзге, акъыл – джюрекге.
Байма, деб да, къууанма, джарлыма, деб да, джылама.
Бойнуму джети джерден кессенг да, мен ол ишни этеллик тюлме.
Тюз сёз баргъан сууну тыяр.
Бетинги сатма, малынгы сат.
Ашлыкъны арба юйге келтирир, чана базаргъа элтир.
Ёлмесенг да, къарт дамы болмазса?
Акъыллы башны – тили къысха.
Тюкюрюк баш джармаз, налат кёз чыгъармаз!
Къолунгдан къуймакъ ашатсанг да, атаны борчундан къутулмазса.
Ёгюзню мюйюзюнден тутадыла, адамны сёзюнден тутадыла.
Акъыл аздырмаз, билим тоздурмаз.
Чомартны къолу берекет.
Иги болса, тамадама – махтау, аман болса, меннге – айыб.
Акъыл бла адеб эгизледиле.
Джаш болсун, къыз болсун, акъылы, саны тюз болсун.
Душманны тышы – акъ, ичи – къара.
Кёпюр салгъан кеси ётер, уру къазгъан кеси кетер.
Ариу джол аджал келтирмез.
Билими азны – ауузунда кирит.
Билеги кючлю, бирни джыгъар, билими кючлю, мингни джыгъар.
Сангырау къулакъ эл бузар.
Ишленмеген джаш – джюгенсиз ат, ишленмеген къыз – тузсуз хант.
Башланнган иш битер, къымылдагъан тиш тюшер.
Ишни ахырын ойламай, аллын башлама.
"снимаем с клавиши вуаль..."