Аш иеси бла татлыды.
Миллетни бойну – базыкъ, аны бла кюрешген – джазыкъ.
Къолу уллу – асыу, аягъы уллу – джарсыу.
Джети тилни билген джети кишиди.
Ач къалгъандан, кеч къалгъан къолай.
Тил джюрекге джол ишлейди.
Эр сокъур болсун, къатын тилсиз болсун.
Биреу ашаб къутулур, биреу джалаб тутулур.
Акъыл сабырлыкъ берир.
Сютден ауузу кюйген, суугъа юфгюре эди.
Нарт сёз – тилни бети.
Байлыкъдан саулукъ ашхыды.
Бал ашаргъа сюе эсенг, чибин ургъаннга тёз.
Кёзюнде тереги болгъан, чёбю болгъаннга кюле эди.
Окъумагъан сокъурду, сокъур ташха абыныр!
Джуртун къоругъан озар.
Ариу сёзде ауруу джокъ.
Кёз – сюйген джерде, къол – ауругъан джерде.
Ёнгкюч къууана барыр, джылай келир.
Магъанасыз сёз – тауушсуз сыбызгъы.
Тас болгъан бычакъны сабы – алтын.
Тура эдим джата, къайдан чыкъды хата?
Aдам боллукъ, сыфатындан белгили.
Тенги кёбню джау алмаз, акъылы кёбню дау алмаз.
Баргъанынга кёре болур келгенинг.
Уллу къашыкъ эрин джыртар.
Ашхы сёз таш тешер.
Бёрю да ач къалмасын, эчки да ашалмасын.
Ач келгенни – тойдур, кеч келгенни – къондур.
Тойчу джашха къарама, къойчу джашха къара.
Ариу сёз аурууунгу алыр.
Билими азны – ауузунда кирит.
Иесиз малны бёрю ашар.
Джюз элде джюз ёгюзюм болгъандан эсе, джюз джууугъум болсун.
Суу кетер, таш къалыр.
Аман къатын алгъан, арыр, иги къатын алгъан джарыр.
Бетинги сатма, малынгы сат.
Джырчы ёлсе, джыры къалыр.
Ётюрюкден тюбю джокъ, кёлтюрюрге джиби джокъ.
Биреуню тёрюнден, кесинги эшик артынг игиди.
Билмезни кёзю кёрмез, этмезни къулагъы эшитмез.
Къыйынлы джети элге оноу этер.
Ашлыкъны арба юйге келтирир, чана базаргъа элтир.
Ач уят къоймаз.
Чакъырылгъанны аты, чакъырылмагъанны багъасы болур.
Адам бла мюлк юлешмеген эсенг, ол адамны билиб бошагъанма, деб кесинги алдама.
Арпа, будай – ащды, алтын, кюмюш а – ташды.
Шекер бла туз – бир болмаз, ушамагъан – юй болмаз.
Арыгъан къош чамчы болур.
Мал кёб болса, джууукъ кёб болур.
"снимаем с клавиши вуаль..."