Керти сёзге тёре джокъ.
Оюмсуз атлагъан, аджалсыз ёлюр.
Тойгъандан сора, ашны сёкме.
Чыбыкълыкъда бюгюлмеген, къазыкълыкъда бюгюлмей эди.
Махтаннган къыз, тойда джукълар.
Къонакъны къачан кетерин сорма, къачан келлигин сор.
Къарнынг тойгъунчу аша да, белинг талгъынчы ишле.
Ашлыкъны арба юйге келтирир, чана базаргъа элтир.
Джаным-тиним – окъуу, билим.
Намысы джокъну – дуниясы джокъ.
Адеб базарда сатылмаз.
Джерни букъусу кёкге къонмаз.
Гугурук къычырмаса да, тангны атары къалмаз.
Ойнай билмеген, оюн бузар.
Чомарт бергенин айтмаз.
Кёрмегеннге кебек – танг, битмегеннге сакъал – танг.
Къатын къылыкъсыз, эр тынчлыкъсыз.
Ёнгкюч къууана барыр, джылай келир.
Эте билген, этген этеди, эте билмеген, юретген этеди!
Мухарны эси – ашарыкъда.
Джыйырма къойну юч джыйырма эбзе кюте эди.
Кюл тюбюндеги от кёрюнмейди.
Ашыкъгъан cуу, тенгизге джетмез.
Баш – акъыл ючюн, акъылман – халкъ ючюн.
Чомарт джарлы болмаз.
Атлыны ашхысы, ат тизгининден билинир
Хаухну атма, ёнгкючню сатма.
Ишлерге уял да, ашаргъа табма.
Аз сёлеш, кёб ишле.
Кёбден умут этиб, аздан къуру къалма.
Эшекге миннген – биринчи айыб, андан джыгъылгъан – экинчи айыб.
Кимни – тили, тиши онглу, кимни – къолу, иши онглу.
Кёлсюзден сёзсюз тууар.
Ауругъаннга – кийик саулукъ, джетген къызгъа – чилле джаулукъ.
Хар адамгъа кеси миннген тау кибик.
Сёлеш деб шай берген, тохта деб, сом берген.
Байлыкъ болгъан джерде, тынчлыкъ джокъду.
Башланнган иш битер, къымылдагъан тиш тюшер.
Таш ата билмеген, башына урур.
Экеу тутушса, биреу джыгъылыр.
Кёзюнде тереги болгъан, чёбю болгъаннга кюле эди.
Хунаны тюбюн къазсанг, юсюнге ауар.
Къонагъынгы артмагъын алма да, алгъышын ал.
Билим насыб берир, билим джолну керир.
Сакъалы текени да бар, мыйыгъы киштикни да бар.
Сабийни джумушха джибер да, ызындан бар.
Мал ёлсе, сюек къалыр, адам ёлсе, иши къалыр.
Мухар, кеси тойса да, кёзю тоймаз.
Иги адам абынса да, джангылмаз.
Чомартха хар кюн да байрамды.
"снимаем с клавиши вуаль..."