Къар – келтирди, суу – элтди.
Тура эдим джата, къайдан чыкъды хата?
Тойну къарнашы – харс, джырны къарнашы – эжиу.
Арпа, будай – ащды, алтын, кюмюш а – ташды.
Тенгинг джокъ эсе – изле, бар эсе – сакъла!
«Ёгюз, джаргъа джууукъ барма, меннге джюк боллукъса», - дегенди эшек.
Къызны минг тилер, бир алыр.
Ханнга да келеди хариблик.
Джаш къарыу бла кючлю, къарт акъыл бла кючлю.
От кюйдюрген, сау болса да, тот кюйдюрген, сау болмаз.
Зар адамны насыбы болмаз.
Кеси юйюмде мен да ханма.
Башынга джетмегенни сорма.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ишин билген, аны сыйын чыгъарады.
Джашда акъыл джокъ, къартда къарыу джокъ.
Аманнга да, игиге да оноусуз къатышма.
Бал чибинни ургъаны – ачы, балы – татлы.
Садакъачыны джаны – къапчыгъында.
Тин – байлыгъынг, терен саулугъунг.
Кёл – къызбай, къол – батыр.
Эллинг бла джау болсанг да, юйюнг бла джау болма.
Юйюнгден чыкъдынг – кюнюнгден чыкъдынг.
Оюмсуз атлагъан, аджалсыз ёлюр.
Джангыз терек къынгыр ёсер.
Ашхы атаны – джашы ашхы, ашхы ананы – къызы ашхы.
Джол бла сёзню къыйыры джокъ.
Ётюрюкден тюбю джокъ, кёлтюрюрге джиби джокъ.
Дженгил джетерикме деб, узун джолну къоюб, къысхасын барма.
Тас болгъан бычакъны сабы – алтын.
Ашлыкъ – бюртюкден, джюн – тюкден.
Таукел тауну аудурур.
Къарны аманнга къазан такъдырма, къолу аманнга от джакъдырма.
Акъыллы эркиши атын махтар, акъылсыз эркиши къатынын махтар.
Билимли ёлмез, билимсиз кёрмез.
Нарт сёз къарт болмаз.
Тойгъа барсанг, тоюб бар, эски тонунгу къоюб бар.
Ишленмеген джаш – джюгенсиз ат, ишленмеген къыз – тузсуз хант.
Ургъан суудан башынгы сакъла.
Аман киши кеси юйюнде – къонакъ.
Аман къатын алгъан, арыр, иги къатын алгъан джарыр.
Ёксюзню тилеги къабыл болур.
Ауурну тюбю бла, дженгилни башы бла джюрюген.
Соргъан айыб тюлдю, билмеген айыбды.
Джашлыкъ этмеген, башлыкъ этмез.
Къарын къуру болса, джюрек уру болур.
Къыз чыгъаргъан – къызыл къымжа.
Окъугъан озар, окъумагъан тозар.
Акъылсызны джууукъгъа алма, акъыллыны кенгнге салма.
Кютгени беш эчки, сызгъыргъаны уа, джерни джарады.
"снимаем с клавиши вуаль..."