Тили узунну, намысы – къысха.
Джырына кёре эжиую.
Окъугъан озар, окъумагъан тозар.
Къарт бла баш аша, джаш бла аякъ аша.
Этим кетсе да, сюегим къалыр.
Адам къаллай бир ишленмесе, аллай бир кесин уллу кёреди.
Къызын тута билмеген, тул этер, джашын тута билмеген, къул этер.
Акъыл неден да кючлюдю.
Телини эшигин, махтау джабар.
Кютгени беш эчки, сызгъыргъаны уа, джерни джарады.
Узун джолну барсанг, бюгюн келирсе, къысха джолну барсанг, тамбла келирсе.
Тил – кесген бычакъ, сёз – атылгъан окъ.
Бети – къучакълар, джюреги – бычакълар.
От кюйдюрген, сау болса да, тот кюйдюрген, сау болмаз.
Билмегенинги, билгеннге сор.
Ариу – кёзге, акъыл – джюрекге.
Къарнынг ауруса, ауузунгу тый
Сормай – алма, чакъырылмай – барма.
Айранын берсенг, челегин да къызгъанма.
Кимни – тили, тиши онглу, кимни – къолу, иши онглу.
Тилде сюек болмаса да, сюек сындырыр.
Айыбны суу бла джууалмазса.
Кёпюр салгъан кеси ётер, уру къазгъан кеси кетер.
Сёз – кюмюш, джыр – алтын.
Зар адам ашынгы ашар, кесинги сатар.
Къалгъан ишге къар джауар.
Джарашыу сюйген – джалынчакъ.
Рысхы – насыбха къор.
Магъанасыз сёз – тауушсуз сыбызгъы.
Таякъ этден ётер, тил сюекден ётер.
Джашлыкъ этмеген, башлыкъ этмез.
Джюрекге ариу – кёзге да ариу.
Сангырау къулакъ эл бузар.
Ётюрюкню башын керти кесер.
Бир онгсуз адам адет чыгъарды, деб эштирик тюлсе.
Сёз къанатсыз учар.
Аз сёлешген, къайгъысыз турур.
Намыс болмагъан джерде, насыб болмаз.
Тура эдим джата, къайдан чыкъды хата?
Къатын къылыкъсыз, эр тынчлыкъсыз.
Ёлген аслан – сау чычхан.
Бетинги сатма, малынгы сат.
Тёрени джагъы джокъ.
Таукелге нюр джауар.
Сакъламагъан затынга джолукъсанг, не бек къууанаса, не бек ачыйса.
Бермеген къол, алмайды.
Гугук кесини атын айтыб къычыргъанча, мен, мен деб нек тураса?
Эртде тургъан джылкъычыны эркек аты тай табар.
Адеб базарда сатылмаз.
Ёзденликни кёбю ётюрюк.
"снимаем с клавиши вуаль..."