Айраннга суу къош, телиге джол бош.
Ач къалгъандан, кеч къалгъан къолай.
Акъыл къартда, джашда тюйюлдю – башдады.
Алма терегинден кери кетмез.
Илму – джашауну джолу.
Чабар ат – джетген къыз.
Ата Джуртча джер болмаз, туугъан элча эл болмаз.
Уллу къазанда бишген эт, чий къалмаз.
Итли къонакъ джарашмаз.
Билмегенинги, билгеннге сор.
Окъугъан озар, окъумагъан тозар.
Къарны аманнга къазан такъдырма, къолу аманнга от джакъдырма.
Иши джокъну, сыйы джокъ.
Арбаз сайлама да, хоншу сайла.
Аманны эки битли тону болур, бирин сеннге кийдирир, бирин кеси киер.
Кийим тукъум сордурур.
Эринчекни эр алмаз, эр алса да, кёл салмаз, кёл салса да, кёб бармаз!
Ачыу алгъа келсе, акъыл артха къалады.
Тёзген – тёш ашар!
Огъурлуну сёзю – суу, огъурсузну сёзю – уу.
Дженгил джетерикме деб, узун джолну къоюб, къысхасын барма.
Джюрекден джюрекге джол барды.
Хаухну атма, ёнгкючню сатма.
Юре билмеген ит, къонакъ келтирир.
Окъдан джара эртде-кеч болса да бителир, сёз джара, ёмюрге къалыр.
Аман къатын алгъан, арыр, иги къатын алгъан джарыр.
Къыз келсе, джумуш эте келеди, къатын келсе, ушакъ эте келеди.
Къан бла кирген, джан бла чыгъар.
Ариу сёз – джаннга азыкъ, аман сёз – башха къазыкъ.
Таукелге нюр джауар.
Ашыкъгъанны этеги бутуна чырмалыр.
Адебсиз адам – джюгенсиз ат.
Терек ауса, отунчу – кёб.
Аллахдан тилесенг, кёб тиле.
Ауругъаннга – кийик саулукъ, джетген къызгъа – чилле джаулукъ.
Элни кючю – эмеген.
Окъумагъан сокъурду, сокъур ташха абыныр!
Джарлы тюеге минсе да, ит къабар.
Ханы къызы буюгъа-буюгъа киштик болду.
Къонагъы джокъну – шоху джокъ.
Насыб бютеу халкъны юлюшюдю.
Ичимден чыкъды хата, къайры барайым сата?
Байны къызы баймакъ болса да, юйде къалмаз!
Аш хазыр болса, иш харам болур.
Тил – кесген бычакъ, сёз – атылгъан окъ.
Таула не мийик болсала да, аууш табылыр.
Айтханы чапыракъдан ётмеген.
Юйюнгден чыкъдынг – кюнюнгден чыкъдынг.
Къалгъан ишге къар джауар.
Аллахха ийнаннган кишини, Аллах онгдурур ишин.
"снимаем с клавиши вуаль..."