Войти на сайт
5 Сентября 2026 года

 

  • Ётюрюкден тюбю джокъ, кёлтюрюрге джиби джокъ.
  • Акъыл къартда, джашда тюйюлдю – башдады.
  • Бастасын ашагъан, хантусун да ичер.
  • Арбаз сайлама да, хоншу сайла.
  • Джюрек кёзден алгъа кёрюр.
  • Эллинг бла джау болсанг да, юйюнг бла джау болма.
  • Игиге айтсанг – билир, аманнга айтсанг – кюлюр.
  • Айтхан – тынч, этген – къыйын.
  • Къая джолда джортма, ачыкъ сёзден къоркъма.
  • Эрине къаргъыш этген къатын, эрнин къабар.
  • Айран тёгюлсе, джугъусу къалыр.
  • Чёбню кёлтюрсенг, тюбюнден сёз чыгъар.
  • Аджал соруб келмез, келсе, къайтыб кетмез.
  • Къарнынг къанлынга кийирир.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Аманны эки битли тону болур, бирин сеннге кийдирир, бирин кеси киер.
  • Кесинге джетмегенни, кёб сёлешме.
  • Къарнынг ауруса, ауузунгу тый
  • Ёлген ийнек сютлю болур.
  • Эркишиге тары кебек танг кёрюнюр.
  • Адебни адебсизден юрен.
  • Джангыз торгъай джырламаз.
  • Чоюнну башы ачыкъ болса, итге уят керекди.
  • Хатерли къул болур.
  • Ана – юйню кюн джарыгъы.
  • Къонакъ аз олтурур, кёб сынар.
  • Джангызны оту джарыкъ джанмаз!
  • Окъуусуз билим – джокъ, билимсиз кюнюнг – джокъ.
  • Тели турса – той бузар.
  • Джангыз терек къынгыр ёсер.
  • Баш – акъыл ючюн, акъылман – халкъ ючюн.
  • Сангырау къулакъ эл бузар.
  • Кёзню ачылгъаны – иги, ауузну джабылгъаны – иги.
  • Сёз садакъдан кючлюдю.
  • Хантына кёре тузу, юйюне кёре къызы.
  • Азыкъ аз болса, эртде орун сал.
  • Эл ауузу – элия.
  • Керек ташны ауурлугъу джокъ.
  • Джан саулукъ бермей, сан саулукъ бермезсе.
  • Кесинг сынамагъан затны, адамгъа буюрма.
  • Юй ишлеген балта эшикде къалыр.
  • Окъуу – билимни ачхычы, окъуу – дунияны бачхычы.
  • Аш хазыр болса, иш харам болур.
  • Кёкдеги болмаса, джердегин кёрмейди.
  • Ашын ашагъанынгы, башын да сыйла.
  • Таукел тауну аудурур.
  • Билмезни кёзю кёрмез, этмезни къулагъы эшитмез.
  • Кюлме джашха – келир башха.
  • Байлыкъ болгъан джерде, тынчлыкъ джокъду.
  • Къызны минг тилер, бир алыр.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 ... 38 39 40 41 42 ... 112 След.
Ответы
 
#976
Джаратама0
02.09.2011 12:39:55
Бусагъатда да къолай болмаз Къарачайны спорт джашауу.
Алгъын да, Ставрапольский крайны къурамында болгъан заманыбызда,
Биз онглу болсакъ да, тышына уллу сорев.-гъа башхаланы элтиучен эдиле...
Билеме, кёргенме ол система къалай ишлегенин, ачханы къалай юлешгенлерин.......................
 
 
 
#977
Джаратама0
02.09.2011 13:58:06
* * *
30

Мынчакъ тизгин сол къолда
Онгда уа къалам
Абынмазма бу джолда
Эсим бла къалсам.

Мынчакъла бири бирге
Тие туруб терк
Къаламдан назму сёзле
Тууалла терлеб.

Джашасын ма сол къолум
Джашасын онгум
Былайлай барлыкъ эсем
Кертиди джолум.

Бурулсун мынчакъ тизгин
Харф тизсин къалам
Быласыз къайдан билгин
Джараймыд Алхам.

29.12.99.
 
 
 
#978
Джаратама0
03.09.2011 13:43:08
Sabr

Салам !

Эсен болурса, Аллах айтса !

Саша Москвагъа джыйылгъанды. Сеннге джангыдан вёрстканы иерикди. Баш кюн ол адамлагъа тюберик болурча хапар айтды.
Мен кесим да сёлеширикме.

Бир кёрейик, болса болур, болмаса- къалыр.

Шимал Тенгизге къарамынг бла менден Салам Бер.
Эсен кёрюшейик.

Сапар Ёзден.
Турна Аууш.
 
 
 
#979
Джаратама0
04.09.2011 02:02:03
Билал,
Тинибек,
нек кёрюнмейсиз ?

Аллах айтса, эсен болурсуз.
 
 
 
#980
Джаратама0
04.09.2011 02:38:15
ШАТ

Шюкюр джокту хата. Сизле де игъи болурсуз деп ышанама. Дыгаласла ишле чырмауланы юсюнден озуп онглу болурла, Аллах айтса.

Есенликле!
 
 
 
#981
Джаратама0
04.09.2011 02:44:42
ШАТ

Шималдан салам!
Аллах айтса, хар не да таб болур. Бир джерде ачылмаса, башха джерде ачылыр эшик. Унутханма, къайсы эсе да бир чууут назмучу джаза эди: "Биз тамызыкъланы джыяйыкъ, джилтин а Кёкден тюшерикди" дегенча. Сакълайыкъ.
 
 
 
#982
Джаратама0
05.09.2011 00:32:12
Sabr

Игилик - ашхылыкъ !

Мен да эсенме. Амырым тутмаса, мунда бу темалагъа къараб, сагъышымы чачама.

Начас - ова бла Салам Аллейкум, Требуется Повор. Кюлюрюмю тыялмайма
Аллах - Аллах, не зауукъ адамла бардыла Къарачайда...
 
 
 
#983
Джаратама0
05.09.2011 02:37:14
Китабны барлыгъы былайды.

* * *
31

Кюн дунияны суулу этиб
Андан эсек биз
Аны кёкге ким сюелтди
Алай тиреусюз

Кёк кеси уа къайдан чыкъды
Сейирмиди ол
Кюн кеси къалай джарыды
Ма тиймейин къол

Чынг алны уа эй ким ачды
Къайданды аллы
Бизге джазыу о ким джазды
Бергинчи ангы

Келлик ахыр ол не затды
Къайдады ахыр
Билге муну джан джарлы
Табармы акъыл.

28.09.01.
 
 
 
#984
Джаратама0
05.09.2011 19:43:06
Къач келе турады

 
 
 
#985
Джаратама0
05.09.2011 20:03:20
ШАТ
 
 
 
#986
Джаратама0
06.09.2011 04:06:35
ШАТ
Салам!

Саша, назмуларынгы ийди, ёзге алада да джукъ тюрлендиралмайма.
Саша вёрстканы къайдан этгенди? Сен ийгенден. Алай эсе, туура анга ийгенинги манга да бир джибер. Джангыз, верстканы этген сагъатда, биягъынла халатла кетиб барлыкъ болурла. Дефис да тиреча барыб турады версткада. Тиреле да сёзлеге джабышыб турадыла. Кесине бир джазайым. Ол айтханча этейик.
 
 
 
#987
Джаратама0
06.09.2011 06:03:16
ШАТ

Версткагъа джангыдан къараб чыкъдым. Былайлай кетиб къалса да, айыб боллукъ тюлдю. Саша таб джарашдыргъанды. Бетлени кёргюзтген санла, аллындача, тёртгюлню ичинде болсала, кёзге таб кёрюннюкдю.

Башымы чайкъай олтуруб турама. Бир джангылыгъы болмагъан назмунг джокъду. "Европагъа терезе ачханбыз" деб къууаннгандыла. Сен а Кёкге ачханса терезе. Сени Сёзюнг - Кёкге ачылгъан терезеди. Джаша, Сапар. Сени назмуларынг китаб болуб чыгъыб, халкъны къолуна тюшмей тургъанлары - бек уллу терсликди. Къуру сени аллынгда тюл, бютеу адабиятыбызны аллында да.

Ал сёз а салынмай болмаз. Кесинги да, джазгъанынгы да бираз ачыкъларгъа, ангылатыргъа керекди.

Сау-эсен кёрюшейик кесинг бла, китабынг бла да.
Шимал джолоучу.
 
 
 
#988
Джаратама0
06.09.2011 06:24:18
Sabr
ШАТ

"Европагъа терезе ачханбыз" деб къууаннгандыла. Сен а Кёкге ачханса терезе.

Ал сёз а салынмай болмаз. Кесинги да, джазгъанынгы да бираз ачыкъларгъа, ангылатыргъа керекди.



ШАТ'ны спортла да кюрешкенин билмеем. Джазганызгъа кёргенем. Мениче кёпле де биле болмазла. Толу библиография да джазылса
 
 
 
#989
Джаратама0
06.09.2011 21:59:24
Sabr;

Ал сёз а салынмай болмаз. Кесинги да, джазгъанынгы да бираз ачыкъларгъа, ангылатыргъа керекди.

Билал, къара да, кёлюнге келгенча эт, мен юретир зат джокъду.
Алай а, эсинге салайым.

Джумушунгу рахатлы этерге кюреш. Учхара кибик этсенг, Сэстрёнка
экибизни да къабдалларыбызны къагъарыкъды......
Ким къалай болса да, анга джукъ айтыр амал джокъ -свой ЧЕЛОВЕК.

Саулукъ - Эсенлик !!!
 
 
 
#990
Джаратама0
06.09.2011 23:09:12
ШАТ
Бу Скайпынг ишлемегени сени бла рахат сёлеширге таблыкъ бермейди.
Сашагъа къол джазмангы джангыдан джарашдырыб, тюзетиб, иерикме.
Ал сёзню аягъын (4-чю кесегин) толусу бла къурут дегенме. Разылыкъны-бюсюреуню - Ал Сёзде тюл - китабны ахырында, кесин энчи салырбыз.
Сен Сашагъа ол излегенча суратларынгы бир ий.
Сора "китаб 2-3 бёлюмге бёлюнсе, иги боллукъ эди" дейди. Бёлюмлеге ат атаргъа да керекди. Сюйсенг, кесинг тындыр бу ишни, сюйсенг, ангылагъанымча, мен баджарыргъа кюрешейим. Кесинг этсенг, игирек болургъа болур эди деб да айтама. Разылыгъынгча.
Хар не да таб болур, Аллах айтса.
Тюркде айтыучулай - иги ашхамлар.
 
 
 
#991
Джаратама0
07.09.2011 01:19:14
Tinibek:

ШАТ'ны спортла да кюрешкенин билмеем. Джазганызгъа кёргенем. Мениче кёпле де биле болмазла. Толу библиография да джазылса


Тинибек, джаш заманда аллай бир затха да къатыша тургъанма.
 
 
 
#992
Джаратама0
07.09.2011 01:22:01
Sabr

Сашадан бюгюн хапар джокъду. Бир адамлагъа тюбе- деген эдим, бир хапар билдирлик болур.
Къагъанны да, анга кёре этербиз.
 
 
 
#993
Джаратама0
07.09.2011 17:57:37
Кюн бир ариуду. Анда, мийикде, чыранла джылтырайдыла.
Хауа шошду.
Дуния шошду.

Джашау иги зат болгъанын, бу кёзюу иги ангылатады.
Махтау ДЖАШАУГЪА !
 
 
 
#994
Джаратама0
07.09.2011 20:42:54
ШАТ

Салам!
Саша "баш кюн къайытырыкъма, джолгъа чыгъыб барама" деб, джазгъанды. Вёрсткада джиберилген халатланы тюзетиб бошагъанлай, Сашагъа да, сени кесинге да джибереме , баш кюнню да сакъламай.
Саулукъ-эсенлик Акъ сёзлю, акъ иннетли адамланы барына да.
 
 
 
#995
Джаратама0
08.09.2011 02:04:49
Sabr

Cаламынг узакъ болсун!

О хо, мен да, джангыдан къараб, ючге бёлейим.
Хазыр болса, бир таблыкъгъа кёре, китабны чыгъарама деген адам болса къолуна бердик да къойдукъ.

Эсен кёрюшейик !
 
 
 
#996
Джаратама0
09.09.2011 03:59:34
ШАТ
Салам!

Тынч болурса. Бир-эки кюнден вёрстканы толусу бла окъуб чыгъыб, кесинге ашырама. Бёлюмлеге бёлсенг, алагъа да бир къарарбыз.

"Литературная Балкария и Карачай" газетни джангы чыкъгъан номеринде "Ёзден Джырчы Сапар" деген статья толусу бла басмаланнганды дейдиле. Абдуллах алай ары барса, сеннге тюберик болур.

Сау тангнга!
 
 
 
#997
Джаратама0
09.09.2011 20:14:27
Sabr
Саламынг узакъ болсун !

Сау бол, Билал, тынчма. Сеннге да рахытлыкъ теджейме!


"Литературная Балкария и Карачай" газетни джангы чыкъгъан номеринде "Ёзден Джырчы Сапар" деген статья толусу бла басмаланнганды дейдиле. Абдуллах алай ары барса, сеннге тюберик болур.

Сеннге сау бол дейме, ансы, аланы бирине да разы болур акъылым джокъду.
Центр. изданиялада ненча затым барды. Къыркъ джыл, аман иги эсе да, мен къалам бла гитара бла кюрешгенли, орус джашладан кёрген хатерни къайсындан кёргенме.
Не зат кёргенме мен аладан. Берген затлары бар эсе, хайда, алсынла ызына.

Абдуллах бир джети джылны мындан алгъа да келиб кетген эди.
Энди келиб да не хапар айтырыкъды - дунияны кука сёзюн..

Эсен кёрюшейик !

Сапар Ёзден. Турна Аууш.
 
 
 
#998
Джаратама0
10.09.2011 02:08:25
ШАТ
Сапар, салам алейкум!

1.Китабынгы редакторлукъ, корректорлукъ джумушун тындырдым. Ала ючюн Сеннге айыб джетмез деб умут этеме. Ол джумушну айыбы, гюнахы да меникиди. Алай болса да, меннге не бек ышансанг да, кесинг да бир къарамай, къол салмай, джарамаз. Электрон адресинги аджашдыргъанма. Аны манга бир билдир - сора тюзетилген къол джазмангы терк огъуна ашырайым.

2.Бёлюмлеге бёлюуню юсюнден кёлюме келгени: назмуларынгдан юч къанатлы тизгинни алыб, ала бла бёлсенг: сёз ючюн, бир бёлюмге Джуртха намазлыкъгъача къарагъан бир тизгининги салсанг; башха бёлюмге да - "Кёкге ачылгъан терезе" дегенча бир тизгининги салсанг; ючюнчюге да - алагъа ушаш бирин.

Игиси болсун.
Шимал Джолоучу.

Бусагъатда эски е-майлынгы табыб, китабны ол адресге ашырдым. Джетсе бир билдирирсе.
 
 
 
#999
Джаратама0
10.09.2011 19:10:42
Sabr
Саламынг узакъ болсун !

Сау бол, вёрсткагъа сенича бир адм кёз джетдирмесе боллукъ тюл эди.
Айтханларынга къарайым.
Саша Москвагъа джыйыла эсе, кесим сёлеширме анга. Бориследен хапарсызма.
Сашагъа, Ленинградха Серёжагъа, бир сёлеш дерикме. Серёжаны эски адреси бла табалмайма.

Эсенлик рахатлыкъ !
 
 
 
#1000
Джаратама0
10.09.2011 19:36:41
* * *
32

Берди джазыу
Бизге джарсыу
Къум тюзледе къабыр къаза арыдыкъ
Берди джазыу
Бизге къайтыу
Къайтханда да сагъыш отха асылдыкъ

Келсек бери
Бирер тели
Ие кибик къазыкъ уруб таулагъа
Джуртну кёбю
Аны кёгю
Ёмюрлюкге саугъа болуб джаулагъа

Берди джазыу
Энтда къалкъыу
Уяныргъа энтда джокъду кюч бизде
Берсе джазыу
Бизге къарыу
Табылырмы сёз айталлыкъ тилимде.

16.10.01.
 
 
 
Страницы: Пред. 1 ... 38 39 40 41 42 ... 112 След.
Читают тему (гостей: 3)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.