- Кютгени беш эчки, сызгъыргъаны уа, джерни джарады.
- Аманны тукъумуна къарама, игини тукъумун сорма.
- Иги болса, тамадама – махтау, аман болса, меннге – айыб.
- Акъыллы эркиши атын махтар, акъылсыз эркиши къатынын махтар.
- Иги джашны ышаны – аз сёлешиб, кёб тынгылар.
- Малны кют, джерни тюрт.
- Аллахха ийнаннган кишини, Аллах онгдурур ишин.
- Хантына кёре тузу, юйюне кёре къызы.
- Эл ауузу – элия.
- Билмезни кёзю кёрмез, этмезни къулагъы эшитмез.
- Эки къатын алгъан – эки ташны ортасына башын салгъан.
- Ётюрюкню къуйругъу – бир тутум.
- Тамбла алтындан бюгюн багъыр ашхы.
- Нарт сёз къарт болмаз.
- Къартны бурнун сюрт да, оноугъа тут.
- Адамны сабийин сюйген джюреги, бычакъча, джитиди.
- Намыс сатылыб алынмайды.
- Кюн – узун, ёмюр – къысха.
- Юй ишлеген балта эшикде къалыр.
- Эл тойса, тоймагъан, эл къойса, къоймагъан.
- Этек чакъмакълары баш джаргъан, сёлешген сёзлери таш джаргъан.
- Эшекни не къадар тюйсенг да, ат болмаз.
- Байма, деб да, къууанма, джарлыма, деб да, джылама.
- Кёл ашады да, кеси ашады.
- Иги сёз – джаннга азыкъ, аман сёз башха – къазыкъ.
- Ёгюзню мюйюзлери ауурлукъ этмейдиле.
- Азыкъ аз болса, эртде орун сал.
- Адеб этмеген, адеб кёрмез.
- Юй кюйдю да, кюйюз чыкъды, ортасындан тюйюш чыкъды.
- Ишге юренсин къоллары, халкъ бла болсун джоллары.
- Гыдай эчки суугъа къараб, мюйюзле кёрмесе, джашма алкъын, дегенди.
- Къошда джокъгъа – юлюш джокъ.
- Мухар, кеси тойса да, кёзю тоймаз.
- Ашлыкъны арба юйге келтирир, чана базаргъа элтир.
- Ашда – бёрю, ишде – ёлю.
- Къызбайны юйюне дери сюрсенг, батыр болур.
- Хар адамгъа кеси миннген тау кибик.
- Джыланны къуйругъундан басарынг келсе, аны башы болгъанын унутма.
- Баш – акъыл ючюн, акъылман – халкъ ючюн.
- Иги – алгъыш этер, аман – къаргъыш этер.
- Билим къая тешер.
- Ач къарным, тынч къулагъым.
- Чомартны къолун джокълукъ байлар.
- От этилмеген джерден тютюн чыкъмайды.
- Бал чибинни ургъаны – ачы, балы – татлы.
- Мал кёб болса, джууукъ кёб болур.
- Къартха ушагъан джаш – акъыллы, джашха ушагъан къарт – тели.
- Чыкълы кюнде чыкъмагъан, чыкъса къуру кирмеген.
- Айтылгъан сёз ызына къайтмаз.
- Сабийликде юретмесенг, уллу болса – тюзелмез.
Для любителей творчества Сапара Узденова....
Ответы
|
Билал,
Тинибек, нек кёрюнмейсиз ? Аллах айтса, эсен болурсуз. |
|
|
|
|
|
ШАТ
Шюкюр джокту хата. Сизле де игъи болурсуз деп ышанама. Дыгаласла ишле чырмауланы юсюнден озуп онглу болурла, Аллах айтса. Есенликле! |
|
|
|
|
|
Къач келе турады
   |
|
|
|
|
|
ШАТ
  |
|
|
|
|
|
Sabr
Сашадан бюгюн хапар джокъду. Бир адамлагъа тюбе- деген эдим, бир хапар билдирлик болур. Къагъанны да, анга кёре этербиз. |
|
|
|
|
|
Кюн бир ариуду. Анда, мийикде, чыранла джылтырайдыла.
Хауа шошду. Дуния шошду. Джашау иги зат болгъанын, бу кёзюу иги ангылатады. Махтау ДЖАШАУГЪА ! |
|
|
|
|
Читают тему (гостей: 9)