- Тешик этген тынчды, аны джамагъан къыйынды.
- Джаралыны джастыгъында сау ёлюр.
- Арба аугъандан сора, джол кёргюзтюучю кёб болур.
- Кёзю сокъурдан – къоркъма, кёлю сокъурдан – къоркъ.
- Зар адам ашынгы ашар, кесинги сатар.
- Намысы болмагъанны, сыйы болмаз.
- Ашарыкъда сайлагъаннга – чий гырджын.
- Билмейме деген – бир сёз
- Бети – къучакълар, джюреги – бычакълар.
- Ёпкелегенни ашы татлы болады.
- Биреуге аманлыкъ этиб, кесинге игилик табмазса.
- Нарт сёз къарт болмаз.
- Сёз къанатсыз учар.
- Къая джолда джортма, ачыкъ сёзден къоркъма.
- Юреннген ауруу къалмаз.
- Ёлюр джаннга, ёкюл джокъ.
- Эли джокъну – кёлю джокъ.
- Акъыл сабырлыкъ берир.
- Тил бла келеди джыр да.
- Мал тутхан – май джалар.
- Джерни букъусу кёкге къонмаз.
- Ишни аллы бла къууанма да, арты бла къууан.
- Орну джокъну – сыйы джокъ.
- Къонакъ болсанг, ийнакъ бол.
- Бюгюн дуния кибик, тамбла ахыратды.
- Аман къатын алгъан, арыр, иги къатын алгъан джарыр.
- Адамны сабийин сюйген джюреги, бычакъча, джитиди.
- Кюл тюбюндеги от кёрюнмейди.
- Сангырау къулакъ эл бузар.
- Айраннга суу къош, телиге джол бош.
- Чыбыкълыкъда бюгюлмеген, къазыкълыкъда бюгюлмей эди.
- Дженгил джетерикме деб, узун джолну къоюб, къысхасын барма.
- Ашыкъгъанны этеги бутуна чырмалыр.
- Айран тёгюлсе, джугъусу къалыр.
- Ач къалгъандан, кеч къалгъан къолай.
- Къозулугъунда тоймагъан, къойлугъунда тоймаз.
- Кийим тукъум сордурур.
- Ашхы болсанг, атынг чыгъар, аман болсанг, джанынг чыгъар.
- Ачыу алгъа келсе, акъыл артха къалады.
- Къарт болгъан джерде, берекет болур, сабий болгъан джерде, оюн болур.
- Къыз чыгъаргъан – къызыл къымжа.
- Ашына кёре табагъы, балына кёре къалагъы.
- Ёзденликни кёбю ётюрюк.
- Айранны сюйген, ийнек тутар.
- Эл ауузу – элия.
- Юй кюйдю да, кюйюз чыкъды, ортасындан тюйюш чыкъды.
- Биреуню къыйынлыгъы бла кесинге джол ишлеме.
- Окъуу – билимни ачхычы, окъуу – дунияны бачхычы.
- Айран ичген – къутулду, джугъусун джалагъан – тутулду.
- Къыз тиширыу кеси юйюнде да къонакъды.
Для любителей творчества Сапара Узденова....
Ответы
|
Билал,
Тинибек, нек кёрюнмейсиз ? Аллах айтса, эсен болурсуз. |
|
|
|
|
|
ШАТ
Шюкюр джокту хата. Сизле де игъи болурсуз деп ышанама. Дыгаласла ишле чырмауланы юсюнден озуп онглу болурла, Аллах айтса. Есенликле! |
|
|
|
|
|
Къач келе турады
   |
|
|
|
|
|
ШАТ
  |
|
|
|
|
|
Sabr
Сашадан бюгюн хапар джокъду. Бир адамлагъа тюбе- деген эдим, бир хапар билдирлик болур. Къагъанны да, анга кёре этербиз. |
|
|
|
|
|
Кюн бир ариуду. Анда, мийикде, чыранла джылтырайдыла.
Хауа шошду. Дуния шошду. Джашау иги зат болгъанын, бу кёзюу иги ангылатады. Махтау ДЖАШАУГЪА ! |
|
|
|
|
Читают тему (гостей: 3)