- Сангырау къулакъ эл бузар.
- Тилде сюек болмаса да, сюек сындырыр.
- Аманны эки битли тону болур, бирин сеннге кийдирир, бирин кеси киер.
- Тёзгеннге, джабылгъан эшик ачылыр.
- Кенгеш болса, уруш болмаз.
- Кёл – къызбай, къол – батыр.
- Сакъламагъан затынга джолукъсанг, не бек къууанаса, не бек ачыйса.
- Ариуну – ауруу кёб.
- Харам къарнашдан, халал тенг ашхы.
- Тюзлюк шохлукъну бегитир.
- Кирсизни – саны таза, халалны – къаны таза.
- Элиб деген, элге болушур.
- Джашны джигитлиги сорулур, къызны джигерлиги сорулур.
- Эте билген, этген этеди, эте билмеген, юретген этеди!
- Ашаса, ашамаса да, бёрюню ауузу – къан.
- Соргъан айыб тюлдю, билмеген айыбды.
- Сютден ауузу кюйген, суугъа юфгюре эди.
- Сабий кёргенин унутмаз.
- Насыб бютеу халкъны юлюшюдю.
- Чабакъсыз кёлге къармакъ салгъанлыкъгъа, чабакъ тутмазса.
- Татлы сёз – балдан татлы.
- Билимден уллу байлыкъ джокъду.
- Ариу – кёзге, акъыл – джюрекге.
- Ачлыкъ отха секиртир.
- Шайтан алдады, тюзлюк къаргъады.
- Къызны минг тилер, бир алыр.
- Орундукъ тюбюнде атылсам да, орта джиликме, де да айлан.
- Ариу джол аджал келтирмез.
- Азыгъы аз, алгъа къабар, аты аман, алгъа чабар.
- Кёлю джокъну – джолу джокъ.
- Бал чибинни ургъаны – ачы, балы – татлы.
- Джан саулукъ бермей, сан саулукъ бермезсе.
- Аз сёлешген, къайгъысыз турур.
- Келинни – келгинчи, бёркню кийгинчи кёр.
- Аллахха ийнаннган кишини, Аллах онгдурур ишин.
- Джарлы тюеге минсе да, ит къабар.
- Ач уят къоймаз.
- Джырчы джырчыгъа – къарнаш.
- Акъыл къартда, джашда тюйюлдю – башдады.
- Къалгъан ишге къар джауар.
- Ойнаб айтсанг да, эслеб айт.
- Элге къуллукъ этмеген, элге ие болмаз.
- Кечеси – аяз, кюню – къыш, джарлы къаргъагъа бир аш тюш!
- Тилчи тилден къаныкъмаз.
- Къонакъ аман болса, къонакъбай джунчур
- Джылар джаш, атасыны сакъалы бла ойнар.
- Айран ичген – къутулду, джугъусун джалагъан – тутулду.
- Артына баргъанны, къатына барма.
- Кёлсюзден сёзсюз тууар.
- Байма, деб да, къууанма, джарлыма, деб да, джылама.
Для любителей творчества Сапара Узденова....
Ответы
|
Билал,
Тинибек, нек кёрюнмейсиз ? Аллах айтса, эсен болурсуз. |
|
|
|
|
|
ШАТ
Шюкюр джокту хата. Сизле де игъи болурсуз деп ышанама. Дыгаласла ишле чырмауланы юсюнден озуп онглу болурла, Аллах айтса. Есенликле! |
|
|
|
|
|
Къач келе турады
   |
|
|
|
|
|
ШАТ
  |
|
|
|
|
|
Sabr
Сашадан бюгюн хапар джокъду. Бир адамлагъа тюбе- деген эдим, бир хапар билдирлик болур. Къагъанны да, анга кёре этербиз. |
|
|
|
|
|
Кюн бир ариуду. Анда, мийикде, чыранла джылтырайдыла.
Хауа шошду. Дуния шошду. Джашау иги зат болгъанын, бу кёзюу иги ангылатады. Махтау ДЖАШАУГЪА ! |
|
|
|
|
Читают тему (гостей: 4)