Войти на сайт
27 Июня  2026 года

 

  • Ётюрюкню къуйругъу – бир тутум.
  • Ата – баланы уясы.
  • Адам боллукъ, атламындан белгили болур.
  • Кюн кёрмеген, кюн кёрсе, кюндюз чыракъ джандырыр.
  • Окъумагъан сокъурду, сокъур ташха абыныр!
  • Къар – келтирди, суу – элтди.
  • Бал – татлы, балдан да бала – татлы.
  • Этни бети бла шорпасы.
  • Баргъанынга кёре болур келгенинг.
  • Агъач – джерни чырайы, кийим – эрни чырайы.
  • Эркиши – от, тиширыу – суу.
  • Мен да «сен», дейме, сен да «кесим», дейсе.
  • Хоншуну тауугъу къаз кёрюнюр, келини къыз кёрюнюр.
  • Хансыз джомакъ болмаз.
  • Джыйырма къойну юч джыйырма эбзе кюте эди.
  • Джетген къыз джерли эшекни танымаз.
  • Кесине гебен этелмеген, биреуге черен эте эди.
  • Чомарт бергенин айтмаз.
  • Кёзню ачылгъаны – иги, ауузну джабылгъаны – иги.
  • Эринчекге кюн узун.
  • Адам туугъан джеринде, ит тойгъан джеринде.
  • Джарлыны эшигин махтагъан джабар.
  • Этни да ашады, бетни да ашады.
  • Намыс болмагъан джерде, насыб болмаз.
  • Сёз сёзню айтдырыр.
  • Аман эсирсе, юйюн ояр.
  • Уясында не кёрсе, учханында аны этер.
  • Адамны аманы адамны бети бла ойнар.
  • Сагъышы джокъ – джукъучу, акъылы джокъ – къаугъачы.
  • Ашыкъгъан cуу, тенгизге джетмез.
  • Къууут – джелге, берне – бошха.
  • Тау башында, тау болмаз, джангыз терек, бау болмаз.
  • Ашлыкъ – бюртюкден, джюн – тюкден.
  • Чакъырылмагъан къонакъ къачан кетерин сормаз.
  • Алим болгъандан эсе, адам болгъан къыйынды.
  • Къарын къуру болса, джюрек уру болур.
  • Къонакъ болсанг, ийнакъ бол.
  • Ачыкъ джюрекге джол – ачыкъ.
  • Джогъун бар этген, барын бал этген.
  • Кийиминг бла танылма, адамлыкъ бла таныл.
  • Сабыр джетер муратха, сабырсыз къалыр уятха.
  • Айтылгъан буйрукъ, сёгюлмез
  • Терслик кетер, тюзлюк джетер.
  • Къонакъны къачан кетерин сорма, къачан келлигин сор.
  • Ач къарынны, токъ билмез
  • Юре билмеген ит, къонакъ келтирир.
  • Ким бла джюрюсенг, аны кёзю бла кёрюнюрсе.
  • Мени джылытмагъан кюн, меннге тиймесин!
  • Аман киши кеси юйюнде – къонакъ.
  • Башы ишлегенни, ауузу да ишлер.

 

   RSS
Для любителей творчества Сапара Узденова....
 
http://www.youtube.com/watch?v=peJl2PXCDWA
Страницы: Пред. 1 ... 38 39 40 41 42 ... 112 След.
Ответы
 
Бусагъатда да къолай болмаз Къарачайны спорт джашауу.
Алгъын да, Ставрапольский крайны къурамында болгъан заманыбызда,
Биз онглу болсакъ да, тышына уллу сорев.-гъа башхаланы элтиучен эдиле...
Билеме, кёргенме ол система къалай ишлегенин, ачханы къалай юлешгенлерин.......................
 
* * *
30

Мынчакъ тизгин сол къолда
Онгда уа къалам
Абынмазма бу джолда
Эсим бла къалсам.

Мынчакъла бири бирге
Тие туруб терк
Къаламдан назму сёзле
Тууалла терлеб.

Джашасын ма сол къолум
Джашасын онгум
Былайлай барлыкъ эсем
Кертиди джолум.

Бурулсун мынчакъ тизгин
Харф тизсин къалам
Быласыз къайдан билгин
Джараймыд Алхам.

29.12.99.
 
Sabr

Салам !

Эсен болурса, Аллах айтса !

Саша Москвагъа джыйылгъанды. Сеннге джангыдан вёрстканы иерикди. Баш кюн ол адамлагъа тюберик болурча хапар айтды.
Мен кесим да сёлеширикме.

Бир кёрейик, болса болур, болмаса- къалыр.

Шимал Тенгизге къарамынг бла менден Салам Бер.
Эсен кёрюшейик.

Сапар Ёзден.
Турна Аууш.
 
Билал,
Тинибек,
нек кёрюнмейсиз ?

Аллах айтса, эсен болурсуз.
 
ШАТ

Шюкюр джокту хата. Сизле де игъи болурсуз деп ышанама. Дыгаласла ишле чырмауланы юсюнден озуп онглу болурла, Аллах айтса.

Есенликле!
 
ШАТ

Шималдан салам!
Аллах айтса, хар не да таб болур. Бир джерде ачылмаса, башха джерде ачылыр эшик. Унутханма, къайсы эсе да бир чууут назмучу джаза эди: "Биз тамызыкъланы джыяйыкъ, джилтин а Кёкден тюшерикди" дегенча. Сакълайыкъ.
 
Sabr

Игилик - ашхылыкъ !

Мен да эсенме. Амырым тутмаса, мунда бу темалагъа къараб, сагъышымы чачама.

Начас - ова бла Салам Аллейкум, Требуется Повор. Кюлюрюмю тыялмайма
Аллах - Аллах, не зауукъ адамла бардыла Къарачайда...
 
Китабны барлыгъы былайды.

* * *
31

Кюн дунияны суулу этиб
Андан эсек биз
Аны кёкге ким сюелтди
Алай тиреусюз

Кёк кеси уа къайдан чыкъды
Сейирмиди ол
Кюн кеси къалай джарыды
Ма тиймейин къол

Чынг алны уа эй ким ачды
Къайданды аллы
Бизге джазыу о ким джазды
Бергинчи ангы

Келлик ахыр ол не затды
Къайдады ахыр
Билге муну джан джарлы
Табармы акъыл.

28.09.01.
 
Къач келе турады

 
ШАТ
 
ШАТ
Салам!

Саша, назмуларынгы ийди, ёзге алада да джукъ тюрлендиралмайма.
Саша вёрстканы къайдан этгенди? Сен ийгенден. Алай эсе, туура анга ийгенинги манга да бир джибер. Джангыз, верстканы этген сагъатда, биягъынла халатла кетиб барлыкъ болурла. Дефис да тиреча барыб турады версткада. Тиреле да сёзлеге джабышыб турадыла. Кесине бир джазайым. Ол айтханча этейик.
 
ШАТ

Версткагъа джангыдан къараб чыкъдым. Былайлай кетиб къалса да, айыб боллукъ тюлдю. Саша таб джарашдыргъанды. Бетлени кёргюзтген санла, аллындача, тёртгюлню ичинде болсала, кёзге таб кёрюннюкдю.

Башымы чайкъай олтуруб турама. Бир джангылыгъы болмагъан назмунг джокъду. "Европагъа терезе ачханбыз" деб къууаннгандыла. Сен а Кёкге ачханса терезе. Сени Сёзюнг - Кёкге ачылгъан терезеди. Джаша, Сапар. Сени назмуларынг китаб болуб чыгъыб, халкъны къолуна тюшмей тургъанлары - бек уллу терсликди. Къуру сени аллынгда тюл, бютеу адабиятыбызны аллында да.

Ал сёз а салынмай болмаз. Кесинги да, джазгъанынгы да бираз ачыкъларгъа, ангылатыргъа керекди.

Сау-эсен кёрюшейик кесинг бла, китабынг бла да.
Шимал джолоучу.
 
Sabr
ШАТ

"Европагъа терезе ачханбыз" деб къууаннгандыла. Сен а Кёкге ачханса терезе.

Ал сёз а салынмай болмаз. Кесинги да, джазгъанынгы да бираз ачыкъларгъа, ангылатыргъа керекди.



ШАТ'ны спортла да кюрешкенин билмеем. Джазганызгъа кёргенем. Мениче кёпле де биле болмазла. Толу библиография да джазылса
 
Sabr;

Ал сёз а салынмай болмаз. Кесинги да, джазгъанынгы да бираз ачыкъларгъа, ангылатыргъа керекди.

Билал, къара да, кёлюнге келгенча эт, мен юретир зат джокъду.
Алай а, эсинге салайым.

Джумушунгу рахатлы этерге кюреш. Учхара кибик этсенг, Сэстрёнка
экибизни да къабдалларыбызны къагъарыкъды......
Ким къалай болса да, анга джукъ айтыр амал джокъ -свой ЧЕЛОВЕК.

Саулукъ - Эсенлик !!!
 
ШАТ
Бу Скайпынг ишлемегени сени бла рахат сёлеширге таблыкъ бермейди.
Сашагъа къол джазмангы джангыдан джарашдырыб, тюзетиб, иерикме.
Ал сёзню аягъын (4-чю кесегин) толусу бла къурут дегенме. Разылыкъны-бюсюреуню - Ал Сёзде тюл - китабны ахырында, кесин энчи салырбыз.
Сен Сашагъа ол излегенча суратларынгы бир ий.
Сора "китаб 2-3 бёлюмге бёлюнсе, иги боллукъ эди" дейди. Бёлюмлеге ат атаргъа да керекди. Сюйсенг, кесинг тындыр бу ишни, сюйсенг, ангылагъанымча, мен баджарыргъа кюрешейим. Кесинг этсенг, игирек болургъа болур эди деб да айтама. Разылыгъынгча.
Хар не да таб болур, Аллах айтса.
Тюркде айтыучулай - иги ашхамлар.
 
Tinibek:

ШАТ'ны спортла да кюрешкенин билмеем. Джазганызгъа кёргенем. Мениче кёпле де биле болмазла. Толу библиография да джазылса


Тинибек, джаш заманда аллай бир затха да къатыша тургъанма.
 
Sabr

Сашадан бюгюн хапар джокъду. Бир адамлагъа тюбе- деген эдим, бир хапар билдирлик болур.
Къагъанны да, анга кёре этербиз.
 
Кюн бир ариуду. Анда, мийикде, чыранла джылтырайдыла.
Хауа шошду.
Дуния шошду.

Джашау иги зат болгъанын, бу кёзюу иги ангылатады.
Махтау ДЖАШАУГЪА !
 
ШАТ

Салам!
Саша "баш кюн къайытырыкъма, джолгъа чыгъыб барама" деб, джазгъанды. Вёрсткада джиберилген халатланы тюзетиб бошагъанлай, Сашагъа да, сени кесинге да джибереме , баш кюнню да сакъламай.
Саулукъ-эсенлик Акъ сёзлю, акъ иннетли адамланы барына да.
 
Sabr

Cаламынг узакъ болсун!

О хо, мен да, джангыдан къараб, ючге бёлейим.
Хазыр болса, бир таблыкъгъа кёре, китабны чыгъарама деген адам болса къолуна бердик да къойдукъ.

Эсен кёрюшейик !

 
ШАТ
Салам!

Тынч болурса. Бир-эки кюнден вёрстканы толусу бла окъуб чыгъыб, кесинге ашырама. Бёлюмлеге бёлсенг, алагъа да бир къарарбыз.

"Литературная Балкария и Карачай" газетни джангы чыкъгъан номеринде "Ёзден Джырчы Сапар" деген статья толусу бла басмаланнганды дейдиле. Абдуллах алай ары барса, сеннге тюберик болур.

Сау тангнга!
 
Sabr
Саламынг узакъ болсун !

Сау бол, Билал, тынчма. Сеннге да рахытлыкъ теджейме!


"Литературная Балкария и Карачай" газетни джангы чыкъгъан номеринде "Ёзден Джырчы Сапар" деген статья толусу бла басмаланнганды дейдиле. Абдуллах алай ары барса, сеннге тюберик болур.

Сеннге сау бол дейме, ансы, аланы бирине да разы болур акъылым джокъду.
Центр. изданиялада ненча затым барды. Къыркъ джыл, аман иги эсе да, мен къалам бла гитара бла кюрешгенли, орус джашладан кёрген хатерни къайсындан кёргенме.
Не зат кёргенме мен аладан. Берген затлары бар эсе, хайда, алсынла ызына.

Абдуллах бир джети джылны мындан алгъа да келиб кетген эди.
Энди келиб да не хапар айтырыкъды - дунияны кука сёзюн..

Эсен кёрюшейик !

Сапар Ёзден. Турна Аууш.
 
ШАТ
Сапар, салам алейкум!

1.Китабынгы редакторлукъ, корректорлукъ джумушун тындырдым. Ала ючюн Сеннге айыб джетмез деб умут этеме. Ол джумушну айыбы, гюнахы да меникиди. Алай болса да, меннге не бек ышансанг да, кесинг да бир къарамай, къол салмай, джарамаз. Электрон адресинги аджашдыргъанма. Аны манга бир билдир - сора тюзетилген къол джазмангы терк огъуна ашырайым.

2.Бёлюмлеге бёлюуню юсюнден кёлюме келгени: назмуларынгдан юч къанатлы тизгинни алыб, ала бла бёлсенг: сёз ючюн, бир бёлюмге Джуртха намазлыкъгъача къарагъан бир тизгининги салсанг; башха бёлюмге да - "Кёкге ачылгъан терезе" дегенча бир тизгининги салсанг; ючюнчюге да - алагъа ушаш бирин.

Игиси болсун.
Шимал Джолоучу.

Бусагъатда эски е-майлынгы табыб, китабны ол адресге ашырдым. Джетсе бир билдирирсе.
 
Sabr
Саламынг узакъ болсун !

Сау бол, вёрсткагъа сенича бир адм кёз джетдирмесе боллукъ тюл эди.
Айтханларынга къарайым.
Саша Москвагъа джыйыла эсе, кесим сёлеширме анга. Бориследен хапарсызма.
Сашагъа, Ленинградха Серёжагъа, бир сёлеш дерикме. Серёжаны эски адреси бла табалмайма.

Эсенлик рахатлыкъ !
 
* * *
32

Берди джазыу
Бизге джарсыу
Къум тюзледе къабыр къаза арыдыкъ
Берди джазыу
Бизге къайтыу
Къайтханда да сагъыш отха асылдыкъ

Келсек бери
Бирер тели
Ие кибик къазыкъ уруб таулагъа
Джуртну кёбю
Аны кёгю
Ёмюрлюкге саугъа болуб джаулагъа

Берди джазыу
Энтда къалкъыу
Уяныргъа энтда джокъду кюч бизде
Берсе джазыу
Бизге къарыу
Табылырмы сёз айталлыкъ тилимде.

16.10.01.
Страницы: Пред. 1 ... 38 39 40 41 42 ... 112 След.
Читают тему (гостей: 5)

 

Написать нам